An mga Saksi ni Jehova may espesyal nga pribilehiyo. Sugad nga dedikado ngan bawtismado nga mga Kristiano, padayon nga ginkukultibar naton an hilarom ngan duok nga relasyon kan Jehova nga Soberano nga Ginoo. Iginpahirani niya kita ha iya pinaagi ha iya Anak. (Ju 6:44) Namamati hiya ha aton mga pag-ampo.​—Sal 34:15.

Paonan-o naton mapapanalipdan an aton presyoso nga relasyon kan Jehova? Kinahanglan likyan naton an sayop nga mga ginbuhat han mga Israelita. Waray pag-iha katapos nira magkaada espesyal nga relasyon kan Jehova, naghimo hira hin bulawan nga baka ngan nagbuhat hin idolatriya. (Ex 32:7, 8; 1Co 10:7, 11, 14) Puydi naton pakianhan an aton kalugaringon: ‘Ano an akon ginbubuhat kon naatubang ako hin pagsulay? Iginpapakita ba hito nga ginpapabilhan ko an akon relasyon kan Jehova?’ An aton daku nga gugma ha aton langitnon nga Amay mabulig ha aton nga likyan an mga butang nga iya ginkakangalasan.​—Sal 97:10.

KITAA AN VIDEO NGA PANALIPDI AN IMO RELASYON KAN JEHOVA (COL 3:5), NGAN BATONA AN MASUNOD:

• Ano an kaipa?

• Kay ano nga angay naton likyan an kahakog ngan idolatriya?

• Ano an koneksyon han pag-adulteryo ha pagbuhat hin idolatriya?

• Kay ano nga angay siguruhon labi na hadton may mga responsabilidad ha kongregasyon nga maitagana an panginahanglan han ira asawa?