Iginpapahayag han mga linarang an himaya ni Jehova. (Sal 19:1-4; 139:14) Kondi, igin-aaghat han kalibotan han Yawa an nagpapasipara ha Dios nga mga teoriya mahitungod ha tinikangan han kinabuhi. (Ro 1:18-25) Ano an imo mahimo buhaton basi diri ito makaimpluwensya ha imo anak? Buligi hiya tikang ha iya kabata ha pagkaada pagtoo nga hi Jehova naeksister ngan nagtatagad ha iya. (2Co 10:4, 5; Efe 6:16) Aghata hiya nga isumat an iya ginhuhunahuna mahitungod ha kon ano an igintututdo ha eskwelahan, ngan pahimulusi an aton damu nga garamiton ha pag-abot han iya kasingkasing.—Pr 20:5; San 1:19.

KITAA AN VIDEO NGA AN GINSISIRING HAN IMO MGA IGKASI-BATAN-ON—PAGTOO HA DIOS, NGAN HISGUTI AN MASUNOD:

• Ano an komon nga gintotoohan mahitungod ha pagtoo ha Dios?

• Ano an igintututdo ha iyo eskwelahan?

• Ano an nakakombinse ha imo nga naeksister hi Jehova?

• Paonan-o mo makukombinse an usa nga ginlarang han Dios an ngatanan nga butang?