Hi Jesus nagsiring: “Ginkarawat niyo nga waray bayad, ihatag nga waray bayad.” (Mat 10:8) Ginsusunod naton iton matin-aw nga instruksyon pinaagi ha diri pagbaligya han Biblia o han aton mga literatura nga basado ha Biblia. (2Co 2:17) Ini nga mga publikasyon nagsusulod hin presyoso nga mga kamatuoran tikang ha Pulong han Dios. Daku nga pangalimbasog ngan kwarta an ginkikinahanglan basi maimprinta ini ngan maipadara ha mga kongregasyon ha bug-os nga kalibotan. Salit sadang kita kumuha han aton la kinahanglan.

Gamita an maopay nga pagturotimbang kon nanhahatag hin literatura, bisan ha mga lokasyon han pagsangyaw ha publiko. (Mat 7:6) Imbes nga ipanaltag la ini ha mga lumalabay, pangalimbasog nga makaistorya hira basi hibaroan an ira interes. Mababaton mo ba hin ‘oo’ an bisan usa la han mga pakiana ha kahon? Kon diri ka sigurado kon interesado o diri an imo kaistorya, mas maopay nga tagan na la hiya hin tract. Kondi kon mangaro hiya hin magasin o iba nga publikasyon, malilipay kita ha paghatag ha iya.—Pr 3:27, 28.