PAGKINABUHI SUGAD NGA MGA KRISTIANO
Padayon nga Maghulat nga Mapailubon
Mationan-o na kaiha an imo paghinulat han pag-abot han Ginhadian han Dios? Mapailubon ka ba nga naghuhulat bisan pa han mga kakurian? (Ro 8:25) An pipira nga Kristiano nakakaeksperyensya hin pagtimaraot, pagmaltrato, kapriso, o tarhog ha pagpataya pa ngani. Damu nga iba pa an nag-aantos hin kakurian sugad han maiha na nga pagkasakit o kalagas.
Ano an mabulig ha aton nga maghulat nga mapailubon bisan pa han mga pagsari? Kinahanglan parig-unon naton an aton pagtoo kada adlaw pinaagi ha pagbasa han Biblia ngan pagpamalandong. Kinahanglan magpokus kita ha aton paglaom. (2Co 4:16-18; Heb 12:2) Kinahanglan mangamuyo liwat kita kan Jehova ha pag-ampo ngan maghangyo han gahum han iya baraan nga espiritu. (Lu 11:10, 13; Heb 5:7) An aton mahigugmaon nga Amay mahimo bumulig ha aton “basi makaantos gud [kita] nga may pagpailob ngan kalipay.”—Col 1:11.
KITAA AN VIDEO NGA KINAHANGLAN NATON ‘MAPAILUBON NGA DUMALAGAN’—MAGKAADA KOMPYANSA NGA MAKAKARAWAT MO AN PREMYO, NGAN BATONA AN MASUNOD:
-
Ano an diri ginlalaoman nga mga panhitabo ha kinabuhi an mahimo bumangon? (Ek 9:11)
-
Paonan-o nakakabulig an pag-ampo kon naatubang kita hin mga pagsari?
-
Kon diri na naton nahihimo an aton nahihimo hadto, kay ano nga sadang kita magpokus ha kon ano pa an aton mahihimo ha pag-alagad kan Jehova?
-
Ano an nabulig ha imo basi makapabilin ka nga nasarig nga makakarawat mo an premyo?