Sobra nga Pagyinakan: Ayaw hunahunaa nga kinahanglan mo isaysay an ngatanan. Gumamit hi Jesus hin mga pakiana basi buligan an iya kaistorya ha paghunahuna, ngan magkaada husto nga konklusyon. (Mat 17:24-27) An mga pakiana nakakabulig nga magin makapainteres an pag-aram ngan mahibaroan kon ano an nasasabtan ngan gintotoohan han imo estudyante. (be 253 ¶3-4) Kon nagpapakiana, magin mapailubon ngan paghulat han baton. Kon sayop an baton han estudyante, pagbangon hin dugang nga pakiana nga mabulig basi makahimo hiya hin husto nga konklusyon, imbes nga isumat ha iya an husto nga baton. (be 238 ¶2-3) Pagyakan ha kalaksi nga magtutugot ha estudyante nga masabtan an bag-o nga impormasyon.—be 230 ¶4.

Paghimo han Gin-aadman nga Komplikado: Likayi an tendensya nga isumat an tanan mo nga hinbabaroan mahitungod ha topiko. (Ju 16:12) Pagpokus ha nangunguna nga punto han parapo. (be 226 ¶4-5) An iba nga detalye, bisan kon makapainteres, mahimo makatabon han nangunguna nga mga punto. (be 235 ¶3) Kon nasabtan na han estudyante an punto, an sunod nga parapo na an hisguti.

Basta La Pagkobre han Gin-aadman: Tumong naton nga maabot an kasingkasing han estudyante, diri la basta makobrehan an gin-aadman. (Lu 24:32) Gamita an gahum han Pulong han Dios pinaagi ha pagpokus ha nangunguna nga mga teksto ha leksyon. (2Co 10:4; Heb 4:12; be 144 ¶1-3) Gamit hin simple nga mga ilustrasyon. (be 245 ¶2-4) Tagda an mga problema ngan gintotoohan han estudyante, ngan ipahiuyon an leksyon ha iya. Pagpakiana sugad han: “Ano an imo inaabat mahitungod han imo mga hinbabaroan?” “Ano an igintututdo hini ha aton mahitungod kan Jehova?” “Ano an kapulsanan ha pag-aplikar han sugad nga sagdon?”—be 238 ¶4-6; 259 ¶2.