PAGKINABUHI SUGAD NGA MGA KRISTIANO
Kon Bata an Mag-abri han Purtahan
Kon bata an mag-abri han purtahan, sadang kita maghangyo nga makiistorya ha iya mga kag-anak. Pagpakita ini hin pagtahod ha ira pagkaulo. (Pr 6:20) Kon pasudlon kita han bata, sadang kita magdumiri. Kon diri puydi makaistorya an iya kag-anak, sadang kita bumalik ha iba nga higayon.
Kon an mag-abri han purtahan tin-edyer na, angayan la gihapon nga pakianhan hiya kon puydi makaistorya an iya mga kag-anak. Kon diri hira puydi makaistorya, mahimo naton pakianhan hiya kon gintutugotan ba hiya han iya kag-anak nga magpili kon ano an iya babasahon. Kon gintutugotan hiya, mahimo kita magtanyag hin literatura ngan sumatan hiya mahitungod han jw.org.
Kon nabalik-bisita kita ha usa nga batan-on nga nagpakita hin interes, sadang kita maghangyo nga makiistorya ha iya kag-anak. Pinaagi hini, maisasaysay naton an aton katuyoan ha pagbisita ngan maipapakita an masasarigan nga sagdon han Biblia para ha pamilya. (Sal 119:86, 138) An aton pagpakita hin pagtahod ngan pagtagad ha mga kag-anak magigin maopay nga pamatuod ngan mahimo maghatag ha aton hin higayon nga maisangyaw an maopay nga sumat.