Basi buligan kita, igintatagana ni Jehova ha aton an “ngatanan” naton nga kabugtoan. (1Pe 5:9) Makakabulig hira ha aton nga malamposan an mga pagsari ha ministeryo. Pananglitan, hi apostol Pablo ginbuligan nira Aquila ngan Priscila, Silas, Timoteo, ngan han iba pa.​—Bu 18:1-5.

Paonan-o an aton mga igkasi-magburuhat makakabulig ha imo ha ministeryo? Makakahatag hira ha imo hin praktikal nga mga suhestyon kon paonan-o malalamposan an mga pagriwa, magbabalik-bisita, o magtatanyag o magdudumara hin mga pag-aram ha Biblia. Hunahunaa an usa mo nga kakongregasyon nga mahimo makahatag han bulig nga imo kinahanglan, ngan pagpabulig ha iya. Sigurado nga magpapahimulos kamo nga duha, ngan makakabulig kamo ha usa kag usa nga magin mas malipayon.​—Fil 1:25.

KITAA AN VIDEO NGA ABATA AN KALIPAY HA PAGHIMO HIN DISIPULO—KARAWATA AN BULIG NI JEHOVA—AN ATON KABUGTOAN, NGAN BATONA AN MASUNOD:

• Ano an mga ginhimo ni Neeta para maaghat hi Jade nga umatender ha katirok?

• Kay ano nga angay kita magpaupod ha iba nga bugto ha pag-Bible study?

• Ano nga hilig an ginkakaparihoan nira Jade ngan Abigay?

• Ano nga mga pamaagi ha ministeryo an maitututdo ha imo han aton mga igkasi-magburuhat?