Yana nga Nobyembre, magkakaada kita espesyal nga kampanya para isangyaw an maopay nga sumat nga hirani na an mas maopay nga kalibotan. (Sal 37:10, 11; Pah 21:3-5) Organisaha an imo eskedyol basi bug-os ka nga makapartisipar hini nga kampanya. Kon mag-aaplay ka nga magin auxiliary payunir hito nga bulan, puydi ka magpili kon 30 o 50 ka oras an imo aabuton.

Pag-andam ha pagbasa hin teksto mahitungod han bag-o nga kalibotan ha mas damu nga tawo tubtob nga posible. Ha imo pagpili hin teksto, hunahunaa kon ano an makakapainteres ha mga tawo ha iyo teritoryo. Kon ha imo siyahan nga pagbisita an imo kaistorya magpakita hin interes, tagi hiya hin kopya han panpubliko nga edisyon han An Barantayan Num. 2 2021. Katapos, balika hiya dayon kon posible ngan pangalimbasog nga makagtikang hin pag-aram ha Biblia gamit an Mabuhi hin Malipayon ha Waray Kataposan! nga brosyur. Makalilipay gud nga magin okupado hinduro ha pagsangyaw han “maopay nga sumat mahitungod han butang nga mas maopay”!​—Isa 52:7.

KITAA AN VIDEO HAN ORIHINAL NGA KANTA NGA MALAPIT NA, NGAN BATONA AN MASUNOD:

• Ano nga makalilipay nga kabubuwason an gin-iimadyin han bata nga babaye?

• Ano an ginpapamulat mo gud ha bag-o nga kalibotan?

• Paonan-o an pagpamalandong ha imo paglaom makakabulig basi maiandam ka ha bug-os nga pagpartisipar ha kampanya ha Nobyembre?​—Lu 6:45