Hi Jehova naghahatag ha aton hin mga garamiton para ha epektibo nga pagtutdo, sugad han mga video, tract, magasin, brosyur, libro, ngan han aton nangunguna nga garamiton, an Biblia. (2Ti 3:16) Nagtatagana liwat hiya hin mga garamiton ha pagsaliksik nga makakabulig ha aton ha pagsaysay han Kasuratan. Upod hito an Watchtower Library, an JW Library^® nga app, an Watchtower ONLINE NGA LIBRARYA™, ngan an Research Guide for Jehovah’s Witnesses.

Magigin malipayon ka kon gagamiton mo an ngatanan nga igintagana nga garamiton para ha mas hilarom nga pagsaliksik ha Biblia. Siguroha nga matutdoan an imo mga estudyante kon paonan-o ito gagamiton. Hito nga paagi magigin malipayon liwat hira nga mabilngan an mga baton ha ira mismo mga pakiana mahitungod ha Biblia.

KITAA AN VIDEO NGA ABATA AN KALIPAY HA PAGHIMO HIN DISIPULO—KARAWATA AN BULIG NI JEHOVA—MGA GARAMITON HA PAGSALIKSIK, NGAN BATONA AN MASUNOD:

• Ano nga pagriwa mahitungod ha paglarang an iginbangon ni Jade?

• Diin nakabiling hi Neeta hin impormasyon mahitungod hito nga topiko?

• Paonan-o hiya nagpili hin impormasyon nga makakabulig gud kan Jade?

• Ano an nagin epekto kan Neeta han paggamit han aton mga garamiton ha pagsaliksik?