Eksayted kita nga may bag-o nga brosyur ngan libro para ha pagdumara hin pag-aram ha Biblia! Igin-aampo naton an bendisyon ni Jehova ha aton mga pangalimbasog nga makahimo hin mas damu pa nga disipulo. (Mat 28:18-20; 1Co 3:6-9) Paonan-o naton gagamiton inin bag-o nga mga garamiton?

An Mabuhi hin Malipayon ha Waray Kataposan!, an interactive nga pag-aram ha Biblia, bag-o nga paagi han pagtutdo. Salit sunda an masunod nga mga instruksyon samtang nag-aandam ka para ha pag-aram ha Biblia ngan nagdudumara hito. *

• Basaha an aradman, ngan hisguti an mga pakiana

• Basaha an mga teksto nga may “basaha,” ngan buligi an estudyante nga masabtan an aplikasyon hito

• I-play ngan hisguti an mga video, gamit an mga pakiana ha aradman

• Pangalimbasugi nga matapos an tagsa nga leksyon ha usa la nga pag-aram

Ha ministeryo, unaha pagtanyag an brosyur basi masabtan kon interesado an imo kaistorya. (Kitaa an kahon nga “ Kon Paonan-o Itatanyag an Mabuhi hin Malipayon ha Waray Kataposan! nga Brosyur ha Siyahan nga Pagbisita.”) Kon karuyag han estudyante magpadayon katapos niyo adman an brosyur, itanyag an libro ngan tikangi ha leksyon 04. Kon may gindudumarahan ka na hin pag-aram ha Igintututdo ha Aton o ha Magpabilin ha Gugma han Dios, ibalhin an pag-aram ha Mabuhi hin Malipayon ha Waray Kataposan! nga libro ngan turotimbanga kon diin kamo magtitikang.

KITAA AN VIDEO NGA MAG-I-ENJOY KA HA IMO PAG-ARAM HA BIBLIA, NGAN BATONA AN MASUNOD:

• Ano an mahibabaroan han mga estudyante ha bag-o nga libro?

• Kay ano nga angay mo ipakita ini nga video ha bag-o nga mga estudyante?

• Ano an angay mo iaghat ha estudyante nga puydi niya buhaton?​—Kitaa an tsart nga “Pokus ngan Puydi Buhaton ha Tagsa nga Seksyon.”