An Pulong han Dios naghahatag ha aton han ngatanan nga aton ginkikinahanglan ha pag-atubang han mga pagsari hinin makuri nga kataposan nga mga adlaw. (2Ti 3:1, 16, 17) Bisan pa hito, usahay bangin kinahanglan naton hin bulig ha pamiling hin mga prinsipyo ha Biblia nga aplikado ha espisipiko nga sitwasyon. Pananglitan, usa ka ba nga kag-anak nga namimiling hin sagdon ha pagpadaku hin mga anak? Usa ka ba nga tin-edyer nga naatubang hin mga pagsari ha imo pagtoo? Usa ka ba nga balo nga nasusubo gud tungod han kamatay han imo padis? Makakaagi ka hin impormasyon ha jw.org nga mabulig ha imo nga mabilngan an espisipiko nga mga prinsipyo ha Biblia nga mabulig ha imo hini ngan ha damu iba pa nga sitwasyon.—Pr 2:3-6.

Ha home page han jw.org, pindota an tab nga KATUTDOAN HAN BIBLIA. (Kitaa an piktyur 1.) Ha nakalista ha ubos hito, pagpili hin kategoriya nga imo karuyag. O pindota an LIBRARYA > SERYE HAN MGA ARTIKULO ngan pagpili hin kategoriya nga imo karuyag. (Kitaa an piktyur 2.) Makikita mo an amo gihapon nga mga kategoriya ha JW Library^®. * Puydi ka mag-browse hini nga mga artikulo ha jw.org o ha JW Library. Usa pa nga opsyon amo an pamiling hin espisipiko nga topiko gamit an search box ha jw.org.

I-type an masunod nga mga topiko ha search box, ngan isurat an mga artikulo nga karuyag mo basahon.

• Pagpadaku hin mga anak

• Depresyon ha mga tin-edyer

• Kamatyi hin padis