An home page han aton website may-ada mga artikulo ngan mga video nga gindisenyo basi mapukaw an interes han sinsero nga mga tawo nga diri mga Saksi ni Jehova. (Bu 13:48) Kaurogan na nga naghihisgot ito hin mga topiko nga aada ha mga balita o ginhuhunahuna ngan gin-iiristoryahan han mga tawo.

Paonan-o mo magagamit an home page han jw.org ha imo ministeryo?

• Regular nga bisitaha an website. Kitaa an mga artikulo nga bag-o la nga gin-feature ha home page, ngan hunahunaa kon paonan-o mo magagamit ito basi buligan an interesado nga tawo. (Para makita an iba pa nga topiko nga bag-o pa la nga gin-feature ha home page, i-click an “Kitaa an Iba Pa.”) An pagbisita pirme ha website mabulig ha imo nga magkaada bag-o nga mga ideya nga magagamit mo ha imo ministeryo.

• Gamita an mga artikulo ngan mga video nga gin-feature ha home page ha pagtikang hin pakiistorya. Ini nga mga topiko maghahatag ha aton hin mga ideya kon ano an bangin ginhuhunahuna han mga tawo ha aton teritoryo.

• Ipakita ha mga tawo an home page. Paghisgot hin espisipiko nga mga topiko, ngan ipakita ha imo kaistorya kon paonan-o ito mabibilngan ha website.

• Pag-share hin link. May pipira nga nadiri pakiistorya ha aton ha personal, pero naruruyag hira pagbisita ha aton website. Salit ayaw pag-alang pag-send ha mga interesado hin link han aton home page o hin link han usa nga gin-feature nga artikulo o video.