Usa han pinakamaopay nga paagi nga mabubuligan han mga kag-anak an ira mga anak nga magkaada kinaadman nga tikang ha Dios amo an pagbulig ha ira nga magpahimulos ha Kristiano nga mga katirok. An nakikita, nababatian, ngan mga komento han mga batan-on ha mga katirok makakabulig ha ira nga mahibaro mahitungod kan Jehova ngan magin iya duok nga sangkay. (De 31:12, 13) Kon usa ka nga kag-anak, paonan-o mo mabubuligan an imo anak nga magpahimulos gud ha mga katirok?

• Paningkamot gud nga makaatender ha in-person nga mga katirok.—Sal 22:22

• Paggahin hin panahon para ha makaparig-on nga pakig-upod ha mga kabugtoan ha Kingdom Hall antes o katapos han katirok.—Heb 10:25

• Siguroha nga an tagsa nga membro han pamilya may kopya han mga publikasyon nga gin-aadman ha katirok, digital man o inimprinta

• Buligi an imo anak nga mag-andam hin komento ha iya kalugaringon nga mga pulong.—Mat 21:15, 16

• Pagyakan hin positibo parte ha mga katirok ngan ha mga instruksyon nga imo nakakarawat didto

• Buligi an imo mga anak nga makigbahin ha mga buruhaton sugad han paglimpyo han Kingdom Hall ngan pakiistorya ha mga edaran na nga kakongregasyon

An pagbulig ha imo mga anak nga magin duok kan Jehova nagkikinahanglan hin daku nga pangalimbasog, ngan usahay, baga hin makuri ito. Pero makakasarig ka nga bubuligan ka ni Jehova.—Isa 40:29.

KITAA AN VIDEO NGA MGA KAG-ANAK, SARIG KAN JEHOVA NGAN HA IYA KUSOG, NGAN BATONA AN MASUNOD:

• Ano an nagin epekto kanda Zack ngan Leah han duro nga kakapoy?

  An imo baton

• Kay ano nga an mga kag-anak dapat mangaro kan Jehova para hin kusog?

  An imo baton

• Ha ano nga mga paagi sinarig hira Zack ngan Leah kan Jehova basi maglampos?

  An imo baton