An mga nanbu-bully nagpapasakit ha aton ha pisikal ngan ha emosyonal. Mahimo pa ngani nira paluyahon an aton espirituwalidad kon mahadlok kita kon ginkukontra nira an aton pagsingba. Paonan-o mo puproteksyonan an imo kalugaringon kon may nanbu-bully ha imo?

Damu nga magsiringba ni Jehova an naglampos ha pag-atubang ha mga nanbu-bully pinaagi ha pagsarig kan Jehova. (Sal 18:17) Pananglitan, nagyakan hi Esther basi mahibaroan an mga plano han maraot ngan bully nga hi Haman. (Est 7:1-6) Antes buhaton ito, nagpakita hiya hin pagsarig kan Jehova pinaagi ha pagpuasa. (Est 4:14-16) Ginbendisyonan ni Jehova an iya mga ginbuhat ngan ginproteksyonan hiya ngan an Iya katawohan.

Mga batan-on, kon may nanbu-bully ha iyo, pangaro hin bulig kan Jehova ngan ig-istorya an iyo problema ha usa nga hamtong nga adulto pariho han iyo kag-anak. Makakasiguro kamo nga bubuligan kamo ni Jehova pariho han iya ginbuhat kan Esther. Ano pa an puydi niyo buhaton basi malamposan niyo an pan-bully?

KITAA AN VIDEO NGA HAN TIN-EDYER AKO—PAONAN-O KO MALALAMPOSAN AN PAN-BULLY? NGAN BATONA AN MASUNOD:

• Ano an mahibabaroan han mga batan-on ha ehemplo nira Charlie ngan Ferin?

  An imo baton

• Ano an mahibabaroan han mga kag-anak ha ginsiring nira Charlie ngan Ferin mahitungod ha kon paonan-o mabubuligan an mga anak kon may nanbu-bully?

  An imo baton