PAGKINABUHI SUGAD NGA MGA KRISTIANO
Mga Paraataman nga Nagbubuhat Para ha Kaopayan han Katawohan ni Jehova
Damu nga tawo an may negatibo nga panhunahuna ha mga may awtoridad. Diri naton hira mababasol. Maiha na nga gin-aabuso han mga tawo an ira awtoridad para ha ira kalugaringon nga kaopayan. (Mic 7:3) Mapasalamaton kita nga an mga tigurang ha kongregasyon ginbansay nga gamiton an ira awtoridad para ha kaopayan han katawohan ni Jehova.—Est 10:3; Mat 20:25, 26.
Diri pariho ha mga may awtoridad hini nga kalibotan, ginbubuhat han mga tigurang an ira buruhaton sugad nga mga paramangno kay hinigugma nira hi Jehova ngan an iya katawohan. (Ju 21:16; 1Pe 5:1-3) Ha paggiya ni Jesus, ginbubuligan hini nga mga paraataman an tagsa nga magwarali nga umabat nga bahin hira han pamilya han mga magsiringba ni Jehova ngan magpabilin nga duok kan Jehova. Madagmit hira nga nahatag hin espirituwal nga pagparig-on ha panon ni Jehova ngan nabulig kon may medical emergency o kalamidad. Kon kinahanglan mo hin bulig, ayaw pag-alang pakiistorya ha usa nga tigurang ha iyo kongregasyon.—San 5:14.
KITAA AN VIDEO NGA MGA PARAATAMAN NGA NAGMAMANGNO HAN PANON, NGAN BATONA AN MASUNOD:
-
Paonan-o nakapahimulos hi Mariana ha bulig nga iya nakarawat tikang ha mga tigurang?
-
Paonan-o nakapahimulos hi Elias ha bulig nga iya nakarawat tikang ha mga tigurang?
-
Paonan-o ini nga mga eksperyensya nakaapekto ha imo panhunahuna parte ha mga buruhaton han mga tigurang?
