Septyembre 2-8
SALMO 79-81
Karantahon 29 Ngan Pag-ampo | Introduksyon (1 min.)
1. Magpakita hin Gugma Para ha Mahimayaon nga Ngaran ni Jehova
(10 min.)
Bayai an mga buhat nga diri nagpapasidungog kan Jehova (Sal 79:9; w17.02 9 ¶5)
Tawag ha ngaran ni Jehova (Sal 80:18; ijwbv 3 ¶4-5)
Hura nga ginbabalosan ni Jehova an mga masinugtanon nga nagpapakita hin gugma ha iya ngaran (Sal 81:13, 16)
Basi makahatag hin kadayawan ha ngaran ni Jehova an aton panggawi, kinahanglan magpakilala kita nga mga Saksi kita niya
2. Espirituwal nga mga Hiyas
(10 min.)
-
Sal 80:1—Kay ano nga an ngaran ni Jose usahay ginagamit basi unabihon an ngatanan nga tribo han Israel? (it-1-TG 1253 ¶1-2)
-
Ano nga espirituwal nga hiyas an imo nahibaroan tikang ha pagbasa ha Biblia yana nga semana?
3. Pagbasa ha Biblia
(4 min.) Sal 79:1–80:7 (th aradman 10)
4. Pagtikang ha Pakiistorya
(1 min.) PAGSANGYAW HA BALAY-BALAY. Pagtanyag hin pag-aram ha Biblia. (lmd leksyon 4 punto 4)
5. Pagtikang ha Pakiistorya
(3 min.) PAGSANGYAW HA DIRI-PORMAL NGA PAAGI. Pagtanyag hin pag-aram ha Biblia. (lmd leksyon 4 punto 3)
6. Pagtikang ha Pakiistorya
(2 min.) PAGSANGYAW HA PUBLIKO. Pagtanyag hin pag-aram ha Biblia. (lmd leksyon 3 punto 3)
7. Pagbalik-Bisita
(5 min.) NASANGYAWAN HA BALAY-BALAY. Pagtanyag hin pag-aram ha Biblia ha usa nga interesado nga nagdumiri hadto ha pagpa-Bible study. (lmd leksyon 8 punto 3)
Karantahon 10
8. “Babaraanon Nira an Akon Ngaran”
(15 min.) Pakighisgot.
Gintikangan ni Satanas an pagpakaraot ha ngaran ni Jehova ha garden han Eden. Salit tikang hadto, an pagbindikar ha ngaran ni Jehova amo an nagin pinakaimportante nga isyu nga gin-aatubang han ngatanan nga intelihente nga linarang.
Pansina an pipira nga grabe nga kabuwaan nga ginpasarang ni Satanas parte kan Jehova. Gin-akusaran niya hi Jehova sugad nga maraot ngan diri mahigugmaon nga magmarando. (Ge 3:1-6; Job 4:18, 19) Nagsiring hiya nga an mga magsiringba ni Jehova diri tinuod nga nahigugma ha Iya. (Job 2:4, 5) Ginpatoo pa ngani niya an minilyon nga tawo nga hi Jehova diri amo an Maglalarang han maghusay nga linarang ha aton palibot.—Ro 1:20, 21.
Ano an imo inaabat hito nga kabuwaan? Posible nga tungod hito, karuyag mo depensahan hi Jehova! Maaram hi Jehova nga karuyag han iya katawohan nga bumulig basi baraanon an iya ngaran. (Ikompara an Isaias 29:23.) Paonan-o ka makakabulig?
-
Buligi an iba nga makilala ngan higugmaon hi Jehova. (Ju 17:25, 26) Magin andam ha pagpamatuod nga tinuod hiya ngan tutdoan an iba parte han iya makaruruyag nga mga kalidad.—Isa 63:7
-
Higugmaa hi Jehova ha bug-os mo nga kasingkasing. (Mat 22:37, 38) Sugta an mga sugo ni Jehova diri la tungod kay makakaopay ito para ha imo kondi tungod kay karuyag mo mapalipay hi Jehova.—Pr 27:11
I-play an VIDEO nga An Gugma Diri Gud Napapakyas Bisan Pa han . . . Diri Diosnon nga mga Kaupod ha Eskwelahan. Katapos, pakianhi an mamarati:
-
Paonan-o gindepensahan nira Ariel ngan Diego an ngaran ni Jehova?
-
Kay ano nga karuyag nira depensahan hi Jehova?
-
Paonan-o mo masusubad an ira ehemplo?
9. Pag-aram ha Biblia han Kongregasyon
(30 min.) bt kap. 15 ¶1-7 ngan introduksyon ha seksyon 6
