ATTENDANT Igintoka an mga attendant basi bumulig ha iyo. Alayon pakigkooperar gud ha ira pinaagi ha pagsunod han ira instruksyon may kalabotan ha pagparking, pagtipig han kahapsay, pagreserba hin lingkoran, ngan iba pa.

BAWTISMO An mga lingkoran nga nakareserba para ha mga kandidato ha bawtismo aada ha atubangan han entablado, gawas la kon may iba nga gin-unabi. An mga kandidato ha bawtismo sadang lumingkod dida hito antes magtikang an pahayag ha bawtismo ha Sabado han aga. An kada tagsa kinahanglan magdara hin tualya ngan desente nga pankarigo.

DONASYON Daku an gasto ha pagtagana hin mga lingkoran, sound system, mga gamit para ha video, ngan damu pa nga serbisyo basi magin makalilipay an pag-atender ha kombensyon ngan mabuligan kita nga magin mas duok kan Jehova. An iyo boluntaryo nga donasyon nakakabulig ha pagtapar hini nga mga kagarastohan ngan nasuporta liwat ha bug-os-kalibotan nga buruhaton. Basi magin kombinyente ha iyo, may-ada mga kahon para ha kontribusyon nga makikita ha bug-os nga pasilidad. Mahimo liwat kamo magdonar online ha donate.pr418.com. Gin-aapresyar gud an ngatanan nga donasyon. An Nagmamando nga Lawas nagpapasalamat han iyo daku nga suporta ha mga buruhaton han Ginhadian.

FIRST AID Alayon hinumdumi nga para ini ha mga emergency la.

LOST AND FOUND An ngatanan nga butang nga waray nag-aangkon sadang dad-on ha Lost and Found Department. Kon nawad-an kamo hin gamit, pakadto hini nga departamento ngan kitaa kon aadto ito. An mga bata nga nahibulag ha mga kag-anak ngan nawawara sadang dad-on dinhi hini nga departamento. Pero basi malikyan an kabaraka han ngatanan nga nahidadabi, alayon mangnoi an iyo mga anak ngan ayaw hira ibulag.

LINGKORAN Alayon pagin makonsiderasyon ha iba. Hinumdumi nga mahimo la magreserba hin lingkoran para ha iyo mga kapamilya ngan kaupod ha sarakyan, kaupod ha balay, o ha iyo Bible study. Alayon ayaw pagbutang hin gamit ha mga lingkoran nga diri niyo iginrireserba.

VOLUNTEER SERVICE Kon karuyag niyo bumulig ha mga buruhaton ha kombensyon, alayon pakadto ha Information and Volunteer Service Department.