Para ha mga Kag-anak

Ano an pinakamaopay nga regalo nga iyo maihahatag ha iyo anak? Damu an ginkikinahanglan han iyo anak, upod na an iyo gugma, paggiya, ngan pagpanalipod. Pero an pinakabirilhon nga regalo nga iyo maihahatag ha iya amo an kahibaro mahitungod kan Jehova ngan han kamatuoran tikang ha Iya Pulong, an Biblia. (Juan 17:3) Ito nga kahibaro makakabulig ha iyo anak nga higugmaon hi Jehova ngan bug-os-kasingkasing nga mag-alagad ha Iya, bisan kon bata pa hiya.​—Mateo 21:16.

Naobserbaran han damu nga kag-anak nga mas madagmit mahibaro an gudti nga kabataan ha haglipot nga leksyon ngan mga buruhaton nga mahihimo han kag-anak kaupod han mga anak. Tungod hini, nalilipay kami ha pagtagana hini nga publikasyon, An Akon Hinbaroan Tikang ha Biblia. An tagsa nga leksyon hini gindisenyo basi makagtutdo ha simple nga paagi. An mga retrato ngan mga siday dinhi espesyal nga gin-andam para ha kabataan, tres anyos an pangidaron o minos pa. May-ada liwat ini mga suhestyon nga puydi niyo ipahimo ha iyo anak. Diri ini uyagan. Lugod, gindisenyo ini nga basahon niyo upod han iyo anak, ngan makakabulig ini ha pagkaada maopay nga komunikasyon.

Sigurado kami nga ini nga publikasyon makakabulig gud ha iyo nga maitutdo an kamatuoran ha iyo anak “tikang ha [iya] katawo.”​—2 Timoteo 3:14, 15.

An iyo kabugtoan,

Nagmamando nga Lawas han mga Saksi ni Jehova

[Retrato ha pahina 3]