Istorya 1

1. Kan kanay nagtikang an ngatanan nga mag-opay nga butang? Paghatag hin ehemplo.

2. Ano an siyahan nga ginlarang han Dios?

3. Kay ano nga espesyal an siyahan nga anghel?

4. Isaysay an hitsura han tuna ha tinikangan. (Kitaa an retrato.)

5. Ano an ginbuhat han Dios basi iandam an tuna para ha mga hayop ngan tawo?

Dugang nga pakiana:

1. Basaha an Jeremias 10:12.

   Ano nga mga kalidad han Dios an makikita ha iya mga linarang? (Isa. 40:26; Roma 11:33)

2. Basaha an Kolosas 1:15-17.

   Ano an bahin ni Jesus ha paglarang, ngan ano an sadang magin epekto hito ha aton pagtagad ha iya? (Kol. 1:15-17)

3. Basaha an Genesis 1:1-10.

   1. Ano an tinikangan han tuna? (Gen. 1:1)

   2. Ano an nahitabo ha siyahan nga adlaw han paglarang? (Gen. 1:3-5)

   3. Isaysay an ikaduha nga adlaw han paglarang. (Gen. 1:7, 8)

Istorya 2

1. Ano an ginbuhat han Dios ha pag-andam han tuna basi magin urukyan naton?

2. Ano an magkalain-lain nga hayop nga ginhimo han Dios? (Kitaa an retrato.)

3. Kay ano nga espesyal an hardin han Eden?

4. Ano an karuyag han Dios nga mahitabo ha bug-os nga tuna?

Dugang nga pakiana:

1. Basaha an Genesis 1:11-25.

   1. Ano an ginhimo han Dios ha ikatulo ka adlaw han paglarang? (Gen. 1:12)

   2. Ano an nahitabo ha ikaupat ka adlaw han paglarang? (Gen. 1:16)

   3. Ano nga mga hayop an ginhimo han Dios ha ikalima ngan ikaunom ka adlaw? (Gen. 1:20, 21, 25)

2. Basaha an Genesis 2:8, 9.

   Ano an duha nga espesyal nga kahoy nga iginbutang han Dios ha hardin, ngan ano an ginsisimbolohan hito?

Istorya 3

1. Kay ano nga an retrato ha Istorya 3 naiiba ha retrato ha Istorya 2?

2. Hin-o an naglarang han siyahan nga lalaki, ngan ano an ngaran hito nga lalaki?

3. Ano an ginpabuhat han Dios kan Adan?

4. Kay ano nga ginpakaturog han Dios hin hilarom hi Adan?

5. Tubtob san-o mahimo mabuhi hira Adan ngan Eva, ngan ano an karuyag ni Jehova nga buhaton nira?

Dugang nga pakiana:

1. Basaha an Salmo 83:18.

   Ano an ngaran han Dios, ngan ano an iya naiiba nga katungdanan ha tuna? (Jer. 16:21; Dan. 4:17)

2. Basaha an Genesis 1:26-31.

   1. Ano an ultimo nga ginlarang han Dios ha ikaunom ka adlaw, ngan kay ano nga naiiba ini nga linarang ha mga hayop? (Gen. 1:26)

   2. Ano an igintagana ni Jehova ha mga tawo ngan hayop? (Gen. 1:30)

3. Basaha an Genesis 2:7-25.

   1. Ano an posible nga ginbuhat ni Adan antes niya ngaranan an mga hayop? (Gen. 2:19)

   2. Paonan-o nabulig ha aton an Genesis 2:24 nga masabtan an panhunahuna ni Jehova ha pag-asawa ngan pagbulag? (Mat. 19:4-6, 9)

Istorya 4

1. Ha retrato, ano an nahitabo kanda Adan ngan Eva?

2. Kay ano nga ginsirotan hira ni Jehova?

3. Ano an ginsiring han halas kan Eva?

4. Hin-o an nagyakan kan Eva pinaagi han halas?

5. Kay ano nga ginpaiwas hira Adan ngan Eva ha ira Paraiso nga urukyan?

Dugang nga pakiana:

1. Basaha an Genesis 2:16, 17 ngan 3:1-13, 24.

   1. Kay ano nga an pakiana han halas kan Eva nagsusumat hin sayop mahitungod kan Jehova? (Gen. 3:1-5; 1 Juan 5:3)

   2. Kay ano nga hi Eva maraot nga ehemplo ha aton? (Fil. 4:8; Jak. 1:14, 15; 1 Juan 2:16)

   3. Ha ano nga paagi waray karawata nira Adan ngan Eva nga may-ada hira baratunon ha ira ginbuhat? (Gen. 3:12, 13)

   4. Ha ano nga paagi nga an pagkasoberano ni Jehova ginsuportahan han mga kerubin nga ginpabantay ha este han hardin han Eden? (Gen. 3:24)

2. Basaha an Pahayag 12:9.

   Kay ano nga masisiring nga malampuson hi Satanas ha pagpatalikod han katawohan ha pagmando han Dios? (1 Juan 5:19)

Istorya 5

1. Ano an kahimtang nira Adan ngan Eva ha gawas han hardin han Eden?

2. Ano an nagtikang mahitabo kanda Adan ngan Eva, ngan kay ano?

3. Kay ano nga nalalagas ngan namamatay an mga anak nira Adan ngan Eva?

4. Kon ginsunod nira Adan ngan Eva hi Jehova, ano unta an kahimtang nira ngan han ira mga anak?

5. Ano nga kakurian an naeksperyensyahan ni Eva tungod kay waray hiya sumugot?

6. Ano an ngaran han suhag ngan han ikaduha nga anak nira Adan ngan Eva?

7. Hin-o an iba pa nga kabataan ha retrato?

Dugang nga pakiana:

1. Basaha an Genesis 3:16-23 ngan 4:1, 2.

   1. Ano an epekto ha kinabuhi ni Adan han panhimaraot ha tuna? (Gen. 3:17-19; Roma 8:20, 22)

   2. Kay ano nga angayan an ngaran nga Eva nga nangangahulogan, “Usa nga Buhi”? (Gen. 3:20)

   3. Ha ano nga paagi iginpakita ni Jehova an konsiderasyon kanda Adan ngan Eva katapos nira makasala? (Gen. 3:7, 21)

2. Basaha an Pahayag 21:3, 4.

   Ano nga “daan nga mga butang” an karuyag mo nga mawara na?

Istorya 6

1. Ano an trabaho nira Kain ngan Abel?

2. Ano an iginhalad nira Kain ngan Abel kan Jehova?

3. Kay ano nga nalipay hi Jehova ha halad ni Abel, ngan kay ano nga waray hiya malipay ha halad ni Kain?

4. Ano nga klase hin tawo hi Kain, ngan ha ano nga paagi ginsaway hiya ni Jehova?

5. Ano an ginbuhat ni Kain ha iya bugto han duha na la hira ha uma?

6. Isaysay an nahitabo kan Kain katapos niya patayon an iya bugto.

Dugang nga pakiana:

1. Basaha an Genesis 4:2-26.

   1. Ano an ginsiring ni Jehova mahitungod han peligroso nga kahimtang ni Kain? (Gen. 4:7)

   2. Ha ano nga paagi ipinakita ni Kain an aada ha iya kasingkasing? (Gen. 4:9)

   3. Ano an panhunahuna ni Jehova ha pagpaagay han dugo han inosente nga tawo? (Gen. 4:10; Isa. 26:21)

2. Basaha an 1 Juan 3:11, 12.

   1. Kay ano nga nasina gud hi Kain, ngan kay ano nga nagpapahamangno ini ha aton yana? (Gen. 4:4, 5; Prob. 14:30; 28:22)

   2. Ano an ginsisiring han Biblia nga nagpapakita nga bisan kon an ngatanan nga membro han aton pamilya nakontra kan Jehova, matitipigan pa gihapon naton an aton integridad? (Sal. 27:10; Mat. 10:21, 22)

3. Basaha an Juan 11:25.

   Ano an pasarig ni Jehova ha ngatanan nga nagkamatay tungod ha katadongan? (Juan 5:24)

Istorya 7

1. Ha ano nga paagi naiiba hi Enok?

2. Kay ano nga an mga tawo ha panahon ni Enok nagbuhat hin maraot?

3. Ano an magraot nga ginbuhat han mga tawo? (Kitaa an retrato.)

4. Kay ano nga kinahanglan magin maisog hi Enok?

5. Naabot hin pira ka tuig an edad han mga tawo hadto, kondi pira la an edad ni Enok han namatay hiya?

6. Ano an nahitabo han namatay hi Enok?

Dugang nga pakiana:

1. Basaha an Genesis 5:21-24, 27.

   1. Kay ano nga masisiring nga maopay an relasyon ni Enok kan Jehova? (Gen. 5:24)

   2. Sumala ha Biblia, hin-o nga tawo an pinakahilawig an kinabuhi, ngan pira an iya edad han namatay hiya? (Gen. 5:27)

2. Basaha an Genesis 6:5.

   Mationan-o karaot an kahimtang ha tuna katapos mamatay hi Enok, ngan mationan-o karaot ito kon itanding ha aton panahon? (2 Tim. 3:13)

3. Basaha an Hebreo 11:5.

   Ano an kalidad ni Enok nga ‘naruyagan gud han Dios,’ ngan ano an resulta? (Gen. 5:22)

4. Basaha an Judas 14, 15.

   Paonan-o masusubad han mga Kristiano yana an kaisog ni Enok kon nagpapahamangno ha mga tawo mahitungod han tiarabot nga girra han Armagedon? (2 Tim. 4:2; Heb. 13:6)

Istorya 8

1. Ano an nahitabo han namati kan Satanas an iba nga anghel han Dios?

2. Kay ano nga an iba nga mga anghel waray na magbuhat han ira buruhaton ha langit ngan kinanhi ha tuna?

3. Kay ano nga sayop an pagkanhi ha tuna han mga anghel ngan pagsul-ot hin tawhanon nga lawas?

4. Kay ano nga naiiba an mga anak han mga anghel?

5. Sugad han nakikita mo ha retrato, ano an ginbuhat han mga anak han mga anghel han nagin mga higante hira?

6. Katapos kan Enok, hin-o an maopay nga tawo nga nabuhi ha tuna, ngan kay ano nga naruyagan hiya han Dios?

Dugang nga pakiana:

1. Basaha an Genesis 6:1-8.

   Ano an ginsisiring han Genesis 6:6 mahitungod han epekto kan Jehova han aton paggawi? (Sal. 78:40, 41; Prob. 27:11)

2. Basaha an Judas 6.

   Ha ano nga paagi nagin pahamangno ha aton yana an mga anghel nga binaya ha ira orihinal nga urukyan ha panahon ni Noe? (1 Kor. 3:5-9; 2 Ped. 2:4, 9, 10)

Istorya 9

1. Pira an membro han pamilya ni Noe, ngan ano an mga ngaran han iya tulo nga anak?

2. Ano an naiiba nga iginpabuhat han Dios kan Noe, ngan kay ano?

3. Ano an reaksyon han mga tawo han ginsumatan hira ni Noe mahitungod han arka?

4. Ano an iginsugo han Dios kan Noe mahitungod ha mga hayop?

5. Katapos sadhan han Dios an arka, ano an ginbuhat ni Noe ngan han iya pamilya?

Dugang nga pakiana:

1. Basaha an Genesis 6:9-22.

   1. Kay ano nga hi Noe maopay gud nga magsiringba han matuod nga Dios? (Gen. 6:9, 22)

   2. Ano an inaabat ni Jehova ha karaotan, ngan paonan-o sadang makaapekto ito ha aton pagpili hin kaliawan? (Gen. 6:11, 12; Sal. 11:5)

   3. Paonan-o naton masusubad hi Noe kon nakarawat kita hin instruksyon pinaagi han organisasyon ni Jehova? (Gen. 6:22; 1 Juan 5:3)

2. Basaha an Genesis 7:1-9.

   Kay ano nga nakakaparig-on ha aton yana nga gintagad ni Jehova an diri-hingpit nga tawo nga hi Noe sugad nga matadong? (Gen. 7:1; Prob. 10:16; Isa. 26:7)

Istorya 10

1. Kay ano nga diri na makakasulod ha arka an bisan hin-o han nagtikang umuran?

2. Pira ka adlaw ngan gab-i nga nagpauran hi Jehova, ngan mationan-o kahilarom an katubigan?

3. Ano an nahitabo ha arka han natatabonan na han katubigan an tuna?

4. Natalwas ba ha Baha an mga higante, ngan ano an nahitabo ha ira mga tatay?

5. Ano an nahitabo ha arka paglabay hin lima ka bulan?

6. Kay ano nga ginpalupad ni Noe ha gawas han arka an uwak?

7. Paonan-o hinbaroan ni Noe nga hinubas na an katubigan?

8. Ano an ginsiring han Dios kan Noe katapos hin sobra usa ka tuig nga nakadto hiya ngan an iya pamilya ha sulod han arka?

Dugang nga pakiana:

1. Basaha an Genesis 7:10-24.

   1. Mationan-o kadaku an kabungkagan ha tuna? (Gen. 7:23)

   2. Pira ka adlaw antes magtikang humubas an Baha? (Gen. 7:24)

2. Basaha an Genesis 8:1-17.

   Ano an ginsisiring han Genesis 8:17 nga waray mabag-o an orihinal nga katuyoan han Dios para ha tuna? (Gen. 1:22)

3. Basaha an 1 Pedro 3:19, 20.

   1. Han binalik ha langit an rebelyoso nga mga anghel, ano nga paghukom an iginpadapat ha ira? (Judas 6)

   2. Kay ano nga an asoy mahitungod kan Noe ngan han iya pamilya nagpaparig-on han aton pagsarig ha gahum ni Jehova ha pagtalwas han iya katawohan? (2 Pet. 2:9)

Istorya 11

1. Sugad han makikita ha retrato, ano an siyahan nga ginbuhat ni Noe han ginawas hiya ha arka?

2. Ano an ginsiring han Dios kan Noe ngan ha iya pamilya katapos han Baha?

3. Ano an iginsaad han Dios?

4. Kon may-ada kita nakikita nga balangaw, ano an aton nahinunumdoman?

Dugang nga pakiana:

1. Basaha an Genesis 8:18-22.

   1. Paonan-o kita yana makakahatag kan Jehova hin mahamot nga halad? (Gen. 8:21; Heb. 13:15, 16)

   2. Ano an naobserbahan ni Jehova mahitungod han kahimtang han kasingkasing han tawo, ngan ano an sadang naton bantayan? (Gen. 8:21; Matt. 15:18, 19)

2. Basaha an Genesis 9:9-17.

   1. Ano nga kauyonan an ginhimo ni Jehova ha ngatanan nga linarang ha tuna? (Gen. 9:10, 11)

   2. Tubtob san-o magpapadayon an kauyonan ha balangaw? (Gen. 9:16)

Istorya 12

1. Hin-o hi Nimrod, ngan ano an inaabat han Dios ha iya?

2. Ha retrato, kay ano nga an mga tawo naghihimo hin baldosa?

3. Kay ano nga waray malipay hi Jehova ha ira gintutukod?

4. Paonan-o ginpaundang han Dios an ira pagtukod han torre?

5. Ano an igintawag ha ira syudad, ngan ano an kahulogan hito?

6. Ano an nahitabo ha mga tawo katapos samukon han Dios an ira yinaknan?

Dugang nga pakiana:

1. Basaha an Genesis 10:1, 8-10.

   Ano an mga kinaiya ni Nimrod, ngan ano an iginpapahamangno hini ha aton? (Prob. 3:31)

2. Basaha an Genesis 11:1-9.

   Ano an motibo han pagtukod han torre, ngan kay ano nga napakyas ito? (Gen. 11:4; Prob. 16:18; Juan 5:44)

Istorya 13

1. Ano nga klase hin mga tawo an naukoy ha syudad han Ur?

2. Hin-o an lalaki ha retrato, kakan-o hiya natawo, ngan diin hiya naukoy?

3. Ano an iginsugo han Dios kan Abraham?

4. Kay ano nga hi Abraham tinawag nga sangkay han Dios?

5. Hin-o an inupod kan Abraham han binaya hiya ha Ur?

6. Ano an ginsiring han Dios kan Abraham han inabot hira ha Kanaan?

7. Ano an iginsaad han Dios kan Abraham han 99 anyos hiya?

Dugang nga pakiana:

1. Basaha an Genesis 11:27-32.

   1. Ano an relasyon nira Abraham ngan Lot? (Gen. 11:27)

   2. Bisan kon hi Tera an ginkilala nga nanguna ha pagbalhin han iya pamilya ngadto ha Kanaan, kay ano nga nakasiring kita nga hi Abraham gud an nagpatikang hito nga pagbalhin, ngan kay ano nga ginbuhat niya ito? (Gen. 11:31; Buh. 7:2-4)

2. Basaha an Genesis 12:1-7.

   Paonan-o ginpadaku ni Jehova an Abrahamiko nga kauyonan han inabot hi Abraham ha tuna han Kanaan? (Gen. 12:7)

3. Basaha an Genesis 17:1-8, 15-17.

   1. Ano an nagin bag-o nga ngaran ni Abram han 99 anyos hiya, ngan kay ano? (Gen. 17:5)

   2. Ano nga mga bendisyon an iginsaad ni Jehova kan Sara? (Gen. 17:15, 16)

4. Basaha an Genesis 18:9-19.

   1. Ha Genesis 18:19, ano nga mga responsabilidad an sadang tumanon han mga amay? (Deut. 6:6, 7; Efe. 6:4)

   2. Ano nga eksperyensya ni Sara an nagpapakita nga waray kita maitatago nga bisan ano kan Jehova? (Gen. 18:12, 15; Sal. 44:21)

Istorya 14

1. Ano an iginsaad han Dios kan Abraham, ngan paonan-o Niya gintuman ito?

2. Sugad han makikita ha retrato, paonan-o ginsarihan han Dios an pagtoo ni Abraham?

3. Ano an ginbuhat ni Abraham, bisan kon waray niya masabti an katuyoan han sugo han Dios?

4. Ano an nahitabo han ginkuha ni Abraham an kutsilyo basi patayon an iya anak?

5. Mationan-o kadaku an pagtoo ni Abraham ha Dios?

6. Ano an iginhatag han Dios basi ighalad ni Abraham, ngan ha ano nga paagi?

Dugang nga pakiana:

1. Basaha an Genesis 21:1-7.

   Kay ano nga ginturi ni Abraham an iya anak ha ikawalo ka adlaw? (Gen. 17:10-12; 21:4)

2. Basaha an Genesis 22:1-18.

   Paonan-o ipinakita ni Isaak an iya pagpasakop ha iya amay nga hi Abraham, ngan ha ano nga paagi nagpapadagaw ini han mas importante nga mahitatabo ha tidaraon? (Gen. 22:7-9; 1 Kor. 5:7; Fil. 2:8, 9)

Istorya 15

1. Kay ano nga nagbulag hi Abraham ngan hi Lot?

2. Kay ano nga ginpili ni Lot nga mag-ukoy ha Sodoma?

3. Ano nga klase hin tawo an mga taga-Sodoma?

4. Ano an iginpahamangno han duha nga anghel kan Lot?

5. Kay ano nga an asawa ni Lot nagin harigi nga asin?

6. Ano nga leksyon an hibabaroan naton ha nahitabo ha asawa ni Lot?

Dugang nga pakiana:

1. Basaha an Genesis 13:5-13.

   Ha pagsulbad han diri-pagsinabtanay, ano nga leksyon an hibabaroan naton kan Abraham? (Gen. 13:8, 9; Roma 12:10; Fil. 2:3, 4)

2. Basaha an Genesis 18:20-33.

   Paonan-o an pagtratar ni Jehova kan Abraham nagpapasarig ha aton nga maghuhukom hin matadong hi Jehova ngan hi Jesus? (Gen. 18:25, 26; Mat. 25:31-33)

3. Basaha an Genesis 19:1-29.

   1. Ano an ipinapakita hini nga asoy han Biblia mahitungod han panhunahuna han Dios ha homosekswalidad? (Gen. 19:5, 13; Leb. 20:13)

   2. Ano an kaibahan han paagi han pagsunod ni Lot ngan ni Abraham ha instruksyon han Dios, ngan ano an hibabaroan naton tikang hini? (Gen. 19:15, 16, 19, 20; 22:3)

4. Basaha an Lukas 17:28-32.

   Ano an disposisyon han asawa ni Lot ha materyal nga mga butang, ngan paonan-o ini nagpapahamangno ha aton? (Luk. 12:15; 17:31, 32; Mat. 6:19-21, 25)

5. Basaha an 2 Pedro 2:6-8.

   Pariho kan Lot, ano an sadang magin disposisyon naton ha diri-diosnon nga kalibotan? (Esek. 9:4; 1 Juan 2:15-17)

Istorya 16

1. Hin-o an lalaki ngan an babaye ha retrato?

2. Ano an ginbuhat ni Abraham basi makakuha hin asawa para ha iya anak, ngan kay ano?

3. Paonan-o ginbaton an pag-ampo han surugoon ni Abraham?

4. Ano an baton ni Rebeka han ginpakianhan hiya kon karuyag niya magin asawa ni Isaak?

5. Ano an nakapalipay na liwat kan Isaak?

Dugang nga pakiana:

1. Basaha an Genesis 24:1-67.

   1. Ano an maopay nga kalidad nga ipinakita ni Rebeka han iginkita niya an surugoon ni Abraham ha atabay? (Gen. 24:17-20; Prob. 31:17, 31)

   2. Ano nga susbaranan para ha mga Kristiano yana an ipinapakita han ginhimo ni Abraham para kan Isaak? (Gen. 24:37, 38; 1 Kor. 7:39; 2 Kor. 6:14)

   3. Kay ano nga sadang kita magkaada panahon ha pamalandong, sugad han ginbuhat ni Isaak? (Gen. 24:63; Sal. 77:12; Fil. 4:8)

Istorya 17

1. Hin-o hi Esaw ngan hi Jakob, ngan ha ano nga paagi hira magkaiba?

2. Pira an edad nira Esaw ngan Jakob han mamatay an ira lolo nga hi Abraham?

3. Ano an ginbuhat ni Esaw nga nakapasubo gud ha iya nanay ngan tatay?

4. Kay ano nga nasina gud hi Esaw ha iya bugto nga hi Jakob?

5. Ano an iginsugo ni Isaak ha iya anak nga hi Jakob?

Dugang nga pakiana:

1. Basaha an Genesis 25:5-11, 20-34.

   1. Ano an igintagna ni Jehova mahitungod han duha nga anak ni Rebeka? (Gen. 25:23)

   2. Ano an kaibahan han panhunahuna nira Jakob ngan Esaw may kalabotan ha katungod han pagin suhag? (Gen. 25:31-34)

2. Basaha an Genesis 26:34, 35; 27:1-46; ngan 28:1-5.

   1. Kay ano nga masisiring nga kulang an apresasyon ni Esaw ha espirituwal nga mga butang? (Gen. 26:34, 35; 27:46)

   2. Basi makarawat ni Jakob an bendisyon han Dios, ano an iginsugo ni Isaak ha iya? (Gen. 28:1-4)

3. Basaha an Hebreo 12:16, 17.

   Ano an iginpapahamangno ha aton han resulta han diri pagpabili ni Esaw ha sagrado nga mga butang?

Istorya 18

1. Hin-o an daraga ha retrato, ngan ano an ginbuhat ni Jakob para ha iya?

2. Ano an disidido nga buhaton ni Jakob basi magin asawa hi Rakel?

3. Ano an ginbuhat ni Laban ha adlaw han kasal ni Jakob ngan Rakel?

4. Inuyon hi Jakob nga buhaton an ano basi magin asawa hi Rakel?

Dugang nga pakiana:

1. Basaha an Genesis 29:1-30.

   1. Bisan kon ginlimbongan ni Laban hi Jakob, paonan-o ipinakita ni Jakob nga maopay hiya nga tawo, ngan ano an mahibabaroan naton tikang hini? (Gen. 25:27; 29:26-28; Mat. 5:37)

   2. Sumala ha susbaranan ni Jakob, ano an kaibahan han gugma ngan pagkaruyag? (Gen. 29:18, 20, 30; Kanta ni Salo. 8:6)

   3. Hin-o an upat nga babaye nga nagin bahin han pamilya ni Jakob ngan nagkaada hin mga anak ha iya? (Gen. 29:23, 24, 28, 29)

Istorya 19

1. Ano an mga ngaran han unom nga anak nga lalaki ni Jakob ha iya siyahan nga asawa nga hi Lea?

2. Hin-o an duha nga lalaki nga igin-anak han surugoon nga babaye ni Lea nga hi Silpa para kan Jakob?

3. Ano an mga ngaran han duha nga lalaki nga igin-anak han surugoon nga babaye ni Rakel nga hi Bilha para kan Jakob?

4. Hin-o an duha nga lalaki nga igin-anak ni Rakel, kondi ano an nahitabo han igin-anak niya an ikaduha?

5. Ha retrato, pira an anak ni Jakob, ngan ano nga nasud an nagtikang ha ira?

Dugang nga pakiana:

1. Basaha an Genesis 29:32-35; 30:1-26; ngan 35:16-19.

   Sugad han makikita ha 12 nga anak nga lalaki ni Jakob, paonan-o ginngangaranan an mga bata nga lalaki nga Hebreohanon ha kadaan nga panahon?

2. Basaha an Genesis 37:35.

   Bisan kon hi Dina la an ginngaranan ha Biblia, kay ano nga masisiring nga hi Jakob may-ada iba pa nga anak nga babaye? (Gen. 37:34, 35)

Istorya 20

1. Kay ano nga diri karuyag nira Abraham ngan Isaak nga mag-asawa an ira mga anak hin taga-Kanaan?

2. Nalipay ba hi Jakob nga an iya anak nga hi Dina nakisangkay ha mga daraga ha Kanaan?

3. Ha retrato, hin-o an lalaki nga nagkikinita kan Dina, ngan ano an maraot nga iya ginbuhat?

4. Ano an ginbuhat han kabugtoan ni Dina nga hira Simeon ngan Lebi han hinbaroan nira an nahitabo?

5. Nalipay ba hi Jakob ha ginbuhat nira Simeon ngan Lebi?

6. Ano an tinikangan han mga problema han pamilya?

Dugang nga pakiana:

1. Basaha an Genesis 34:1-31.

   1. Makausa la ba nakig-upod hi Dina ha mga daraga ha Kanaan? Isaysay. (Gen. 34:1)

   2. Kay ano nga may baratunon hi Dina ha kawara han iya pagkabirhin? (Gal. 6:7)

   3. Paonan-o maipapakita han mga batan-on yana nga ginlilikyan gud nira an ginbuhat ni Dina? (Prob. 13:20; 1 Kor. 15:33; 1 Juan 5:19)

Istorya 21

1. Kay ano nga naawa kan Jose an iya kabugtoan, ngan ano an ira ginbuhat?

2. Ano an karuyag buhaton han kabugtoan ni Jose ha iya, kondi ano an ginsiring ni Ruben?

3. Ano an nahitabo han inagi an mga Ismaelihanon?

4. Ano an ginbuhat han kabugtoan ni Jose basi hunahunaon han ira tatay nga patay na hi Jose?

Dugang nga pakiana:

1. Basaha an Genesis 37:1-35.

   1. Paonan-o masusubad han mga Kristiano an susbaranan ni Jose pinaagi ha pagsumat han sayop ha kongregasyon? (Gen. 37:2; Leb. 5:1; 1 Kor. 1:11)

   2. Kay ano nga maraot an ginbuhat han kabugtoan ni Jose ha iya? (Gen. 37:11, 18; Prob. 27:4; Jak. 3:14-16)

   3. Ano an ginbuhat ni Jakob sugad nga normal nga bahin han pagminatay? (Gen. 37:35)

Istorya 22

1. Pira an edad ni Jose han gindara hiya ha Ehipto, ngan ano an nahitabo han nakadto na hiya?

2. Kay ano nga napriso hi Jose?

3. Ano an igintapod ha iya ha prisohan?

4. Ha prisohan, ano an ginbuhat ni Jose para ha paratagay ngan panadero ni Paraon?

5. Ano an nahitabo han nakagawas an paratagay?

Dugang nga pakiana:

1. Basaha an Genesis 39:1-23.

   Tungod kay waray sinurat nga balaud tikang ha Dios nga nagdidiri han pag-adulteryo ha panahon ni Jose, ano an nagpagios kan Jose nga pumalagiw ha asawa ni Potipar? (Gen. 2:24; 20:3; 39:9)

2. Basaha an Genesis 40:1-23.

   1. Isaysay hin halipot an inop han paratagay ngan an kahulogan nga iginhatag ni Jehova kan Jose. (Gen. 40:9-13)

   2. Ano an inop han panadero, ngan ano an kahulogan hito? (Gen. 40:16-19)

   3. Paonan-o ginsusubad han matinumanon ngan maaramon nga uripon yana an disposisyon ni Jose? (Gen. 40:8; Sal. 36:9; Juan 17:17; Buh. 17:2, 3)

   4. Paonan-o iginpapatin-aw han Genesis 40:20 an Kristiano nga panhunahuna mahitungod han pagselebrar han birthday? (Ekles. 7:1; Mar. 6:21-28)

Istorya 23

1. Usa ka gab-i, nagkaada hin ano hi Paraon?

2. Kay ano nga nahinumdoman han paratagay hi Jose?

3. Sugad han makikita ha retrato, ano an duha nga inop ni Paraon?

4. Sumala kan Jose, ano an kahulogan han mga inop?

5. Paonan-o hi Jose nagin ikaduha kan Paraon nga pinakadungganon nga tawo ha Ehipto?

6. Kay ano nga an kabugtoan ni Jose nagpakadto ha Ehipto, ngan kay ano nga waray nira makilala hiya?

7. Ano nga inop an nahinumdoman ni Jose, ngan ano an iya nasabtan tungod hito?

Dugang nga pakiana:

1. Basaha an Genesis 41:1-57.

   1. Paonan-o iginsentro ni Jose an atensyon kan Jehova, ngan ha ano nga paagi masusubad hiya han mga Kristiano yana? (Gen. 41:16, 25, 28; Mat. 5:16; 1 Ped. 2:12)

   2. Paonan-o an mga tuig han kaabunda ha Ehipto nga ginsundan hin mga tuig han kagutom husto gud nga nagpapakita han kaibahan han espirituwal nga kahimtang han katawohan ni Jehova yana ngan han Kakristianohan? (Gen. 41:29, 30; Amos 8:11, 12)

2. Basaha an Genesis 42:1-8 ngan 50:20.

   Sayop ba para ha mga magsiringba ni Jehova nga yumukbo ha usa nga tawo sugad nga pagpasidungog ngan pagtahod tungod han iya katungdanan kon ito an kustomre han nasud? (Gen. 42:6)

Istorya 24

1. Kay ano nga gin-akusahan ni Jose an iya kabugtoan sugad nga mga espiya?

2. Kay ano nga napiritan hi Jakob nga paupdon ha Ehipto an iya putó nga anak nga hi Benjamin?

3. Paonan-o nahisulod ha sako ni Benjamin an kopa nga salapi ni Jose?

4. Ano an ginsiring ni Juda nga pagbubuhaton niya basi makauli hi Benjamin?

5. Kay ano nga masisiring nga nagbag-o na an kabugtoan ni Jose?

Dugang nga pakiana:

1. Basaha an Genesis 42:9-38.

   Ha ano nga paagi nga an mga pulong ni Jose ha Genesis 42:18 maopay nga pahinumdom hadton may-ada responsabilidad ha organisasyon ni Jehova yana? (Neh. 5:15; 2 Kor. 7:1, 2)

2. Basaha an Genesis 43:1-34.

   1. Bisan kon hi Ruben an suhag, kay ano nga hi Juda an nagin tagapagyakan para ha iya kabugtoan? (Gen. 43:3, 8, 9; 44:14, 18; 1 Kron. 5:2)

   2. Paonan-o ginsarihan ni Jose an iya kabugtoan, ngan kay ano? (Gen. 43:33, 34)

3. Basaha an Genesis 44:1-34.

   1. Sugad nga bahin han pagtago han pagkatawo ni Jose, paonan-o niya iginpakilala an iya kalugaringon ha iya kabugtoan? (Gen. 44:5, 15; Leb. 19:26)

   2. Paonan-o ipinakita han kabugtoan ni Jose nga diri na hira aw-anon ha ira bugto sugad hadto? (Gen. 44:13, 33, 34)

Istorya 25

1. Ano an nahitabo han nagpakilala hi Jose ha iya kabugtoan?

2. Ano an iginyakan ni Jose ha iya kabugtoan ha malumo nga paagi?

3. Ano an ginsiring ni Paraon han hinbaroan niya an mahitungod han kabugtoan ni Jose?

4. Mationan-o kadaku an pamilya ni Jakob han binalhin hira ha Ehipto?

5. Ano an igintawag ha pamilya ni Jakob, ngan kay ano?

Dugang nga pakiana:

1. Basaha an Genesis 45:1-28.

   Paonan-o ipinapakita han asoy ha Biblia mahitungod kan Jose nga mababag-o ni Jehova an resulta han usa nga butang nga an katuyoan amo an pagdaot ha iya mga surugoon? (Gen. 45:5-8; Isa. 8:10; Fil. 1:12-14)

2. Basaha an Genesis 46:1-27.

   Ano an iginpasarig ni Jehova kan Jakob han tikadto hiya ha Ehipto? (Gen. 46:1-4)

Istorya 26

1. Hin-o hi Job?

2. Ano an nahunahuna ni Satanas, kondi nahimo ba niya ito?

3. Ano an igintugot ni Jehova nga buhaton ni Satanas, ngan kay ano?

4. Kay ano nga an asawa ni Job nagsiring ha iya nga ‘isalikway an Dios basi mamatay ka na’? (Kitaa an retrato.)

5. Sugad han makikita mo ha ikaduha nga retrato, paonan-o ginbendisyonan ni Jehova hi Job, ngan kay ano?

6. Kon matinumanon kita kan Jehova pariho kan Job, ano nga mga bendisyon an aton makakarawat?

Dugang nga pakiana:

1. Basaha an Job 1:1-22.

   Paonan-o masusubad hi Job han mga Kristiano yana? (Job 1:1; Fil. 2:15; 2 Ped. 3:14)

2. Basaha an Job 2:1-13.

   Ano an magkaiba nga reaksyon ni Job ngan han iya asawa ha pagtimaraot ni Satanas? (Job 2:9, 10; Prob. 19:3; Mika 7:7; Mal. 3:14)

3. Basaha an Job 42:10-17.

   1. Ano an kaparihoan han balos nga nakarawat ni Job ngan ni Jesus tungod han ira pagin matinumanon? (Job 42:12; Fil. 2:9-11)

   2. Paonan-o kita napaparig-on han mga bendisyon nga nakarawat ni Job tungod han iya pagpabilin nga matinumanon ha Dios? (Job 42:10, 12; Heb. 6:10; Jak. 1:2-4, 12; 5:11)

Istorya 27

1. Ha retrato, hin-o an lalaki nga may latigo, ngan hin-o an iya ginlalatigo?

2. Kamatay ni Jose, ano an nahitabo ha mga Israelita?

3. Kay ano nga nahadlok an mga Ehiptohanon ha mga Israelita?

4. Ano an iginsugo ni Paraon ha kababayin-an nga nagpapaanak ha Israelita nga mga nanay?

Dugang nga pakiana:

1. Basaha an Eksodo 1:6-22.

   1. Ha ano nga paagi nagtikang hi Jehova ha pagtuman han iya saad kan Abraham? (Eks. 1:7; Gen. 12:2; Buh. 7:17)

   2. Paonan-o ipinakita han Hebreohanon nga mga nagpapaanak an ira pagtahod ha pagkabaraan han kinabuhi? (Eks. 1:17; Gen. 9:6)

   3. Paonan-o ginbalosan an mga nagpapaanak tungod han ira pagkamatinumanon kan Jehova? (Eks. 1:20, 21; Prob. 19:17)

   4. Paonan-o nangalimbasog hi Satanas ha pagpugong han katuyoan ni Jehova may kalabotan ha iginsaad nga Binhi ni Abraham? (Eks. 1:22; Mat. 2:16)

Istorya 28

1. Hin-o an bata ha retrato, ngan kanay tudlo an iya ginkakaptan?

2. Ano an ginbuhat han nanay ni Moises basi diri patayon hi Moises?

3. Hin-o an bata nga babaye ha retrato, ngan ano an iya ginbuhat?

4. Han hin-agian han anak ni Paraon an bata, ano an ginsiring ni Miriam?

5. Ano an ginsiring han prinsesa ha nanay ni Moises?

Dugang nga pakiana:

1. Basaha an Eksodo 2:1-10.

   Ano an nagin higayon han nanay ni Moises ha pagbansay ngan pagtutdo han bata pa hiya, ngan kay ano nga susbaranan ini para ha mga kag-anak yana? (Eks. 2:9, 10; Deut. 6:6-9; Prob. 22:6; Efe. 6:4; 2 Tim. 3:15)

Istorya 29

1. Diin nagdaku hi Moises, kondi ano an iya hinbabaroan mahitungod han iya mga kag-anak?

2. Ano an ginbuhat ni Moises han 40 anyos hiya?

3. Ano an ginsiring ni Moises ha usa nga Israelita nga nakikig-away, ngan ano an iginbaton han Israelita ha iya?

4. Kay ano nga pinalagiw hi Moises tikang ha Ehipto?

5. Diin pinalagiw hi Moises, ngan hin-o an iya nakilala didto?

6. Ano an ginbuhat ni Moises ha sulod hin 40 ka tuig katapos niya pumalagiw tikang ha Ehipto?

Dugang nga pakiana:

1. Basaha an Eksodo 2:11-25.

   Bisan pa han damu ka tuig nga pag-aram ni Moises ha kinaadman han mga Ehiptohanon, paonan-o niya ipinakita an iya pagkamaunungon kan Jehova ngan ha iya katawohan? (Eks. 2:11, 12; Heb. 11:24)

2. Basaha an Buhat 7:22-29.

   Ano nga leksyon an mahibabaroan naton ha pangalimbasog ni Moises ha pagtalwas han Israel tikang ha pagkauripon ha Ehipto? (Buh. 7:23-25; 1 Ped. 5:6, 10)

Istorya 30

1. Ano an ngaran han bukid nga nakikita ha retrato?

2. Isaysay an urusahon nga nakita ni Moises han sinagka hiya ha bukid upod an iya mga karnero.

3. Ano an ginsiring han tingog tikang ha naglalaga nga kahoy-kahoy, ngan kan kanay ito tingog?

4. Ano an baton ni Moises han nagsiring an Dios nga susugoon hiya ha pagpagawas han Iya katawohan tikang ha Ehipto?

5. Ano an ginsiring han Dios nga ibaton ni Moises kon magpakiana an mga tawo kon hin-o an nagsugo ha iya?

6. Paonan-o mapapamatud-an ni Moises nga an Dios an nagsugo ha iya?

Dugang nga pakiana:

1. Basaha an Eksodo 3:1-22.

   Paonan-o an eksperyensya ni Moises nagpapasarig ha aton nga bisan kon inaabat naton nga diri kita kwalipikado ha pagtuman hin teokratiko nga toka, mabulig hi Jehova ha aton? (Eks. 3:11, 13; 2 Kor. 3:5, 6)

2. Basaha an Eksodo 4:1-20.

   1. Ha sulod han 40 ka tuig nga pag-ukoy ni Moises ha Midian, ano an nabag-o ha iya disposisyon, ngan ano nga leksyon an mahibabaroan tikang hini hadton nangangalimbasog nga magkaada hin mga pribilehiyo ha kongregasyon? (Eks. 2:11, 12; 4:10, 13; Mika 6:8; 1 Tim. 3:1, 6, 10)

   2. Bisan kon gindisiplina kita ni Jehova pinaagi han iya organisasyon, ha ano kita makakasarig tungod ha nahitabo kan Moises? (Eks. 4:12-14; Sal. 103:14; Heb. 12:4-11)

Istorya 31

1. Ano an epekto ha mga Israelita han mga milagro nga ginbuhat nira Moises ngan Aaron?

2. Ano an ginsiring nira Moises ngan Aaron kan Paraon, ngan ano an iya baton?

3. Sugad han makikita ha retrato, ano an nahitabo han iginlabog ni Aaron an iya tungkod?

4. Ano an ginbuhat ni Jehova basi tutdoan hin leksyon hi Paraon, ngan ano an reaksyon ni Paraon?

5. Ano an nahitabo katapos han ikanapulo nga peste?

Dugang nga pakiana:

1. Basaha an Eksodo 4:27-31 ngan 5:1-23.

   Ano an karuyag sidngon ni Paraon han nagsiring hiya: “Diri ako nakilala kan Jehova”? (Eks. 5:2; 1 Sam. 2:12; Roma 1:21)

2. Basaha an Eksodo 6:1-13, 26-30.

   1. Ha ano nga paagi waray magpakilala hi Jehova kanda Abraham, Isaak, ngan Jakob? (Eks. 3:13, 14; 6:3; Gen. 12:8)

   2. Ano an inaabat naton nga gin-gamit pa gihapon ni Jehova hi Moises bisan kon inabat ni Moises nga diri hiya kwalipikado ha igintoka ha iya? (Eks. 6:12, 30; Luk. 21:13-15)

3. Basaha an Eksodo 7:1-13.

   1. Han maisugon nga iginsumat nira Moises ngan Aaron an mga paghukom ni Jehova kan Paraon, ano nga susbaranan an ipinakita nira para ha mga surugoon han Dios yana? (Eks. 7:2, 3, 6; Buh. 4:29-31)

   2. Paonan-o ipinakita ni Jehova nga gamhanan hiya kay ha mga dios han Ehipto? (Eks. 7:12; 1 Kron. 29:12)

Istorya 32

1. Pinaagi han mga retrato dinhi, isaysay an siyahan nga tulo nga peste nga iginpadapat ni Jehova ha Ehipto.

2. Ano an kaibahan han siyahan nga tulo nga peste ha sumunod nga mga peste?

3. Ano an ikaupat, ikalima, ngan ikaunom nga peste?

4. Isaysay an ikapito, ikawalo, ngan ikasiyam nga peste.

5. Ano an iginsugo ni Jehova ha mga Israelita antes han ikanapulo nga peste?

6. Ano an ikanapulo nga peste, ngan ano an nahitabo katapos hito?

Dugang nga pakiana:

1. Basaha an Eksodo 7:19–8:23.

   1. Bisan kon nasubad han mga mahiko han Ehipto an siyahan nga duha nga peste ni Jehova, katapos han ikatulo nga peste, napiritan hira nga karawaton an ano? (Eks. 8:18, 19; Mat. 12:24-28)

   2. Paonan-o ipinakita han ikaupat nga peste an gahum ni Jehova ha pagpanalipod ha iya katawohan, ngan tungod hito ano an sadang abaton han katawohan han Dios samtang ginhuhulat nira an igintagna nga “daku nga kagol-anan”? (Eks. 8:22, 23; Pah. 7:13, 14; 2 Kron. 16:9)

2. Basaha an Eksodo 8:24; 9:3, 6, 10, 11, 14, 16, 23-25; ngan 10:13-15, 21-23.

   1. Pinaagi han Napulo nga Peste, ano an duha nga grupo nga nakilala, ngan paonan-o ini nakakaapekto ha aton panhunahuna hito nga mga grupo yana? (Eks. 8:10, 18, 19; 9:14)

   2. Paonan-o nabulig ha aton an Eksodo 9:16 nga masabtan kon kay ano nga gintugotan ni Jehova hi Satanas nga magpabilin tubtob yana? (Roma 9:21, 22)

3. Basaha an Eksodo 12:21-32.

   Pinaagi han Paskua, paonan-o nagin posible nga matalwas an damu, ngan ano an ginpapadagawan hito? (Eks. 12:21-23; Juan 1:29; Roma 5:18, 19, 21; 1 Kor. 5:7)

Istorya 33

1. Pira nga Israelita nga kalalakin-an, gawas pa han kababayin-an ngan kabataan, an binaya ha Ehipto, ngan hin-o an inupod ha ira?

2. Ano an inabat ni Paraon katapos niya palakton an mga Israelita, ngan ano an iya ginbuhat?

3. Ano an ginbuhat ni Jehova basi pugngan an mga Ehiptohanon ha pag-atake ha iya katawohan?

4. Ano an nahitabo han igin-unat ni Moises an iya tungkod ha Dagat nga Pula, ngan ano an ginbuhat han mga Israelita?

5. Ano an nahitabo han an mga Ehiptohanon linugsong dayon ha dagat basi lanaton an mga Israelita?

6. Ano an ginbuhat han mga Israelita basi ipakita nga malipayon ngan mapasalamaton hira kan Jehova tungod kay gintalwas hira?

Dugang nga pakiana:

1. Basaha an Eksodo 12:33-36.

   Paonan-o ginsiguro ni Jehova nga mabaydan an iya katawohan ha ngatanan nga katuigan han ira pagkauripon ha Ehipto? (Eks. 3:21, 22; 12:35, 36)

2. Basaha an Eksodo 14:1-31.

   Paonan-o an mga pulong ni Moises ha Eksodo 14:13, 14 nakakaapekto ha mga surugoon ni Jehova yana samtang ginhuhulat nira an girra han Armagedon? (2 Kron. 20:17; Sal. 91:8)

3. Basaha an Eksodo 15:1-8, 20, 21.

   1. Kay ano nga an mga surugoon ni Jehova sadang magkanta hin mga pagdayaw ha iya? (Eks. 15:1, 2; Sal. 105:2, 3; Pah. 15:3, 4)

   2. Ano nga susbaranan ha pagdayaw kan Jehova an ipinakita ni Miriam ngan han kababayin-an ha Dagat nga Pula para ha Kristiano nga kababayin-an yana? (Eks. 15:20, 21; Sal. 68:11)

Istorya 34

1. Ha retrato, ano an ginpapamurot han mga tawo, ngan ano an tawag hito?

2. Ano an instruksyon ni Moises ha mga tawo mahitungod ha pagpurot han manna?

3. Ano an iginpapabuhat ni Jehova ha mga tawo ha ikaunom ka adlaw, ngan kay ano?

4. Ano nga milagro an ginbubuhat ni Jehova kon nagsasalin hin manna para ha ikapito ka adlaw?

5. Mationan-o kaiha ginpakaon ni Jehova hin manna an mga tawo?

Dugang nga pakiana:

1. Basaha an Eksodo 16:1-36 ngan Numeros 11:7-9.

   1. Ano an ipinapakita han Eksodo 16:8 mahitungod han panginahanglan nga tahuron naton adton mga ginpili nga magdudumara ha Kristiano nga kongregasyon? (Heb. 13:17)

   2. Ha kamingawan, paonan-o ginpapahinumdom kada adlaw an mga Israelita han ira pagdepende kan Jehova? (Eks. 16:14-16, 35; Deut. 8:2, 3)

   3. Ano nga simboliko nga kahulogan han manna an iginhatag ni Jesus, ngan paonan-o kita nagpapahimulos hini nga “tinapay nga tikang ha langit”? (Juan 6:31-35, 40)

2. Basaha an Josue 5:10-12.

   Pira ka tuig nga kinaon an mga Israelita hin manna, ngan paonan-o hira nasarihan hini, ngan ano an mahibabaroan naton hini nga asoy? (Eks. 16:35; Num. 11:4-6; 1 Kor. 10:10, 11)

Istorya 35

1. Mga duha ka bulan tikang nga ginawas an mga Israelita ha Ehipto, diin hira nagkampo?

2. Ano an karuyag ni Jehova nga pagbuhaton han iya katawohan, ngan ano an ira baton?

3. Kay ano nga gintagan ni Jehova hi Moises hin duha nga papan nga bato?

4. Gawas pa han Napulo nga Sugo, ano an iba nga balaud nga iginhatag ni Jehova ha mga Israelita?

5. Ano an duha nga balaud nga ginsiring ni Jesu-Kristo nga pinakaimportante?

Dugang nga pakiana:

1. Basaha an Eksodo 19:1-25; 20:1-21; 24:12-18; ngan 31:18.

   Paonan-o nabulig ha aton an Eksodo 19:8 nga masabtan kon ano an nahiuupod ha Kristiano nga dedikasyon? (Mat.16:24; 1 Ped. 4:1-3)

2. Basaha an Deuteronomio 6:4-6; Lebitiko 19:18; ngan Mateo 22:36-40.

   Paonan-o ipinapakita han mga Kristiano an ira gugma ha Dios ngan ha igkasi-tawo? (Mar. 6:34; Buh. 4:20; Roma 15:2)

Istorya 36

1. Ha retrato, ano an ginbubuhat han katawohan, ngan kay ano?

2. Kay ano nga nasina hi Jehova, ngan ano an ginbuhat ni Moises han nakita niya an ginbubuhat han katawohan?

3. Ano an iginsugo ni Moises ha pipira nga kalalakin-an?

4. Ano nga leksyon an aton hibabaroan tikang hini nga istorya?

Dugang nga pakiana:

1. Basaha an Eksodo 32:1-35.

   1. Ano an iginpapakita hini nga asoy may kalabotan han pagtagad ni Jehova kon ginsasalaktan hin palso an tinuod nga pagsingba? (Eks. 32:4-6, 10; 1 Kor. 10:7, 11)

   2. Ano an kinahanglan bantayan han mga Kristiano ha ira pagpili hin kaliawan, sugad han pagkanta ngan pagsayaw? (Eks. 32:18, 19; Efe. 5:15, 16; 1 Juan 2:15-17)

   3. Ano an maopay nga susbaranan han tribo ni Lebi ha pagin marig-on ha pagbuhat hin matadong? (Eks. 32:25-28; Sal. 18:25)

Istorya 37

1. Ano an tawag ha tinukod nga nakikita ha retrato, ngan ano an gamit hito?

2. Kay ano nga ginsidngan ni Jehova hi Moises nga himoon an tolda basi nga masayon ito pagburublagon?

3. Ano an kahon ha gutiay nga kwarto ha durho han tolda, ngan ano an sulod hito nga kahon?

4. Hin-o an ginpili ni Jehova nga magin hitaas nga saserdote, ngan ano an ginbubuhat han hitaas nga saserdote?

5. Ano an tulo nga butang nga aada ha durodako nga kwarto han tolda?

6. Ano an duha nga butang ha bungsaran han tabernakulo, ngan ano an gamit hito?

Dugang nga pakiana:

1. Basaha an Eksodo 25:8-40; 26:1-37; 27:1-8; ngan 28:1.

   Ano an ginrirepresentaran han mga kerubin ha bawbaw han “arka ha pagpamatuod”? (Eks. 25:20, 22; Num. 7:89; 2 Hadi 19:15)

2. Basaha an Eksodo 30:1-10, 17-21; 34:1, 2; ngan Hebreo 9:1-5.

   1. Kay ano nga pinabug-atan ni Jehova an pagkaimportante han pagin limpyo ha pisikal han mga saserdote nga nag-aalagad ha tabernakulo, ngan paonan-o ini sadang makaapekto ha aton yana? (Eks. 30:18-21; 40:30, 31; Heb. 10:22)

   2. Paonan-o ipinakita ni apostol Pablo nga diri na aplikado an tabernakulo ngan an Balaud nga kauyonan ha panahon nga nagsurat hiya ha Hebreohanon nga mga Kristiano? (Heb. 9:1, 9; 10:1)

Istorya 38

1. Ano an naoobserbahan mo ha urapong han mga ubas ha retrato, ngan diin ito tikang?

2. Kay ano nga nagsugo hi Moises hin 12 nga espiya ngadto ha Kanaan?

3. Han binalik an napulo nga espiya, ano an ira iginsumat kan Moises?

4. Paonan-o ipinakita han duha nga espiya nga nasarig hira kan Jehova, ngan ano an ira mga ngaran?

5. Kay ano nga nasina hi Jehova, ngan ano an ginsiring niya kan Moises?

Dugang nga pakiana:

1. Basaha an Numeros 13:1-33.

   1. Hin-o an ginpili basi mag-espiya ha Kanaan, ngan ano an ira maopay nga higayon? (Num. 13:2, 3, 18-20)

   2. Kay ano nga iba an panhunahuna nira Josue ngan Kaleb ha iba nga mga espiya, ngan ano an igintututdo hini ha aton? (Num. 13:28-30; Mat. 17:20; 2 Kor. 5:7)

2. Basaha an Numeros 14:1-38.

   1. Ano nga pahamangno may kalabotan ha pagngurutob kontra ha mga representante ni Jehova dinhi ha tuna an sadang naton sundon? (Num. 14:2, 3, 27; Mat. 25:40, 45; 1 Kor. 10:10)

   2. Sumala ha Numeros 14:24 kay ano nga masisiring nga interesado hi Jehova ha tagsa han iya mga surugoon? (1 Hadi 19:18; Prob. 15:3)

Istorya 39

1. Hin-o an kinontra ha awtoridad nira Moises ngan Aaron, ngan ano an ira ginsiring kan Moises?

2. Ano an ginpabuhat ni Moises kan Kore ngan ha iya 250 nga sumurunod?

3. Ano an ginsiring ni Moises ha katawohan, ngan ano an nahitabo katapos gud la niya magyakan?

4. Ano an nahitabo kan Kore ngan ha iya 250 nga sumurunod?

5. Ano an ginhimo han anak ni Aaron nga hi Eleasar ha mga insensaryo hadton nagkamatay, ngan kay ano?

6. Kay ano nga ginpabukad ni Jehova an tungkod ni Aaron? (Kitaa an retrato.)

Dugang nga pakiana:

1. Basaha an Numeros 16:1-49.

   1. Ano an ginbuhat ni Kore ngan han iya mga sumurunod, ngan kay ano nga pagrebelde ito kan Jehova? (Num. 16:9, 10, 18; Leb. 10:1, 2; Prob. 11:2)

   2. Ano an sayop nga panhunahuna ni Kore ngan han 250 nga “prinsipe han katiringban”? (Num. 16:1-3; Prob. 15:33; Isa. 49:7)

2. Basaha an Numeros 17:1-11 ngan 26:10.

   1. Ano an ipinapakita han panaringsing han tungkod ni Aaron, ngan kay ano nga nagsugo hi Jehova nga tagoon ito ha arka han kauyonan? (Num. 17:5, 8, 10)

   2. Ano an importante nga leksyon nga hibabaroan naton ha tigaman han tungkod ni Aaron? (Num. 17:10; Buh. 20:28; Fil. 2:14; Heb. 13:17)

Istorya 40

1. Ha ano nga paagi ginmangnoan ni Jehova an mga Israelita ha kamingawan?

2. Ano an reklamo han mga Israelita han nagkampo hira ha Kades?

3. Paonan-o hi Jehova naghatag hin tubig para ha katawohan ngan ha ira mga hayop?

4. Ha retrato, hin-o ito nga lalaki nga nagtutudlok ha iya kalugaringon, ngan kay ano?

5. Kay ano nga nasina hi Jehova kanda Moises ngan Aaron, ngan ano an sirot ha ira?

6. Ano an nahitabo ha Bukid Hor, ngan hin-o an nagin hitaas nga saserdote ha Israel?

Dugang nga pakiana:

1. Basaha an Numeros 20:1-13, 22-29 ngan Deuteronomio 29:5.

   1. Ano an hibabaroan naton ha paagi han pagmangno ni Jehova ha mga Israelita ha kamingawan? (Deut. 29:5; Mat. 6:31; Heb. 13:5; Jak. 1:17)

   2. Paonan-o gintagad ni Jehova an kapakyas nira Moises ngan Aaron ha pagbaraan ha iya ha atubangan han Israel? (Num. 20:12; 1 Kor. 10:12; Pah. 4:11)

   3. Ano nga leksyon an hibabaroan naton ha nagin reaksyon ni Moises ha disiplina nga iya nakarawat tikang kan Jehova? (Num. 12:3; 20:12, 27, 28; Deut. 32:4; Heb. 12:7-11)

Istorya 41

1. Ha retrato, ano an iginlangbod ha poste, ngan kay ano nga iginpalangbod ito ni Jehova kan Moises?

2. Ha ano nga paagi diri mapasalamaton an mga tawo ha ngatanan nga ginbuhat han Dios para ha ira?

3. Ano an ginhangyo han mga tawo nga buhaton ni Moises katapos nga iginpadara ni Jehova an maglara nga halas sugad nga sirot ha ira?

4. Kay ano nga ginpahimo ni Jehova hi Moises hin tumbaga nga halas?

5. Ano an leksyon nga mahibabaroan naton tikang hini nga istorya?

Dugang nga pakiana:

1. Basaha an Numeros 21:4-9.

   1. An pagreklamo han Israel mahitungod han mga tagana ni Jehova nagpapahamangno ha aton han ano? (Num. 21:5, 6; Roma 2:4)

   2. Paglabay hin mga siglo, paonan-o gin-gamit han mga Israelita an tumbaga nga halas, ngan ano an ginbuhat ni Hadi Hesekia? (Num. 21:9; 2 Hadi 18:1-4)

2. Basaha an Juan 3:14, 15.

   Paonan-o an pagbutang han tumbaga nga halas dida ha poste nagpapadagaw han pagraysanga kan Jesu-Kristo? (Gal. 3:13; 1 Ped. 2:24)

Istorya 42

1. Hin-o hi Balak, ngan kay ano nga iya ginpatawag hi Balaam?

2. Kay ano nga linuob ha dalan an asno ni Balaam?

3. Ano an hinbatian ni Balaam nga ginyakan han asno?

4. Ano an ginsiring han anghel kan Balaam?

5. Ano an nahitabo han nangalimbasog hi Balaam nga panhimarauton an Israel?

Dugang nga pakiana:

1. Basaha an Numeros 21:21-35.

   Kay ano nga napirde han Israel hi Hadi Sihon han mga Amoreohanon ngan hi Hadi Og han Basan? (Num. 21:21, 23, 33, 34)

2. Basaha an Numeros 22:1-40.

   Ano an motibo ni Balaam ha panhimaraot ha Israel, ngan ano nga leksyon an aton mahibabaroan tikang hini? (Num. 22:16, 17; Prob. 6:16, 18; 2 Ped. 2:15; Jud. 11)

3. Basaha an Numeros 23:1-30.

   Bisan kon nagyakan hi Balaam nga baga hin magsiringba hiya ni Jehova, kay ano nga masisiring nga diri hiya magsiringba ni Jehova pinaagi han iya mga buhat? (Num. 23:3, 11-14; 1 Sam. 15:22)

4. Basaha an Numeros 24:1-25.

   Hini nga asoy han Biblia, paonan-o napaparig-on an aton pagtoo ha katumanan han katuyoan ni Jehova? (Num. 24:10; Isa. 54:17)

Istorya 43

1. Ha retrato, hin-o an duha nga lalaki nga tupad ni Moises?

2. Ano an ginsiring ni Jehova kan Josue?

3. Kay ano nga sinagka hi Moises ha Bukid Nebo, ngan ano an ginsiring ni Jehova ha iya?

4. Pira an edad ni Moises han namatay hiya?

5. Kay ano nga nasubo an katawohan, kondi kay ano nga nagin malipayon hira?

Dugang nga pakiana:

1. Basaha an Numeros 27:12-23.

   Ano nga makuri nga toka an ginkarawat ni Josue tikang kan Jehova, ngan paonan-o ginmamangnoan ni Jehova an iya katawohan yana? (Num. 27:15-19; Buh. 20:28; Heb. 13:7)

2. Basaha an Deuteronomio 3:23-29.

   Kay ano nga waray tuguti ni Jehova hira Moises ngan Aaron nga makatabok ngadto ha tuna nga iginsaad, ngan ano nga leksyon an aton mahibabaroan tikang hini? (Deut. 3:25-27; Num. 20:12, 13)

3. Basaha an Deuteronomio 31:1-8, 14-23.

   Paonan-o ipinakita ha ultimo nga mga pulong ni Moises ha Israel nga mapainubsanon nga ginkarawat niya an disiplina ni Jehova? (Deut. 31:6-8, 23)

4. Basaha an Deuteronomio 32:45-52.

   Ha ano nga paagi sadang makaapekto ha aton kinabuhi an Pulong han Dios? (Deut. 32:47; Leb. 18:5; Heb. 4:12)

5. Basaha an Deuteronomio 34:1-12.

   Bisan kon waray gud makita ni Moises hi Jehova, ano an ipinapakita han Deuteronomio 34:10 may kalabotan ha iya relasyon kan Jehova? (Eks. 33:11, 20; Num. 12:8)

Istorya 44

1. Diin naukoy hi Rahab?

2. Hin-o an duha nga lalaki ha retrato, ngan kay ano nga aada hira ha Jeriko?

3. Ano an iginsugo han hadi han Jeriko nga buhaton ni Rahab, ngan ano an iya iginbaton?

4. Paonan-o ginbuligan ni Rahab an duha nga espiya, ngan ano an iya ginhangyo?

5. Ano an iginsaad han duha nga espiya kan Rahab?

Dugang nga pakiana:

1. Basaha an Josue 2:1-24.

   Paonan-o natuman an saad ni Jehova nga mababasa ha Eksodo 23:28 han inabot an mga Israelita ha Jeriko? (Jos. 2:9-11)

2. Basaha an Hebreo 11:31.

   Paonan-o an susbaranan ni Rahab nagpapakita han pagkaimportante han pagtoo? (Roma 1:17; Heb. 10:39; Jak. 2:25)

Istorya 45

1. Ano nga milagro an ginbuhat ni Jehova basi makatabok an mga Israelita ha Salog Jordan?

2. Sugad nga pagpakita hin pagtoo, ano an kinahanglan buhaton han mga Israelita basi makatabok ha Salog Jordan?

3. Kay ano nga ginsugo ni Jehova hi Josue nga kumuha hin 12 nga dagku nga bato tikang ha butnga han salog?

4. Ano an nahitabo han pakasagka han mga saserdote tikang ha Jordan?

Dugang nga pakiana:

1. Basaha an Josue 3:1-17.

   1. Sugad han ipinapakita hini nga asoy, ano an kinahanglan naton buhaton basi buligan ngan bendisyonan kita ni Jehova? (Jos. 3:13, 15; Prob. 3:5; Jak. 2:22, 26)

   2. Ano an kahimtang han Salog Jordan han tinabok an mga Israelita ngadto ha Tuna nga Iginsaad, ngan paonan-o nabaraan hini an ngaran ni Jehova? (Jos. 3:15; 4:18; Sal. 66:5-7)

2. Basaha an Josue 4:1-18.

   Ano an katuyoan han 12 nga bato nga ginkuha ha Jordan ngan iginbutang ha Gilgal? (Jos. 4:4-7)

Istorya 46

1. Ano an iginpabuhat ni Jehova ha mga sundalo ngan ha mga saserdote ha sulod hin unom ka adlaw?

2. Ano an kinahanglan buhaton han mga Israelita ha ikapito ka adlaw?

3. Sugad han makikita mo ha retrato, ano an nahitatabo ha mga pader han Jeriko?

4. Kay ano nga may-ada pula nga pisi nga nabitay ha bintana?

5. Ano an iginsugo ni Josue ha mga sundalo nga buhaton ha katawohan ngan ha syudad, kondi ano an pagbubuhaton ha salapi, bulawan, tumbaga, ngan puthaw?

6. Ano an iginpabuhat ha duha nga espiya?

Dugang nga pakiana:

1. Basaha an Josue 6:1-25.

   1. Ano an kaparihoan han pagmartsa han mga Israelita ha palibot han Jeriko ha ikapito ka adlaw ngan han pagsangyaw han mga Saksi ni Jehova hini nga kataposan nga mga adlaw? (Jos. 6:15, 16; Isa. 60:22; Mat. 24:14; 1 Kor. 9:16)

   2. Paonan-o natuman an tagna ha Josue 6:26 paglabay hin mga 500 ka tuig, ngan ano an igintututdo hini ha aton mahitungod han pulong ni Jehova? (1 Hadi 16:34; Isa. 55:11)

Istorya 47

1. Ha retrato, hin-o an tawo nga naglulubong hin mga bahandi nga ginkuha ha Jeriko, ngan hira hin-o an nabulig ha iya?

2. Kay ano nga maraot gud an ginbuhat ni Akan ngan han iya pamilya?

3. Ano an ginsiring ni Jehova han nagpakiana hi Josue kon kay ano nga napirde an mga Israelita ha pakig-away ha Ai?

4. Han gindara kan Josue hi Akan ngan an iya pamilya, ano an nahitabo ha ira?

5. Ano nga importante nga leksyon an aton hibabaroan ha paghukom kan Akan?

Dugang nga pakiana:

1. Basaha an Josue 7:1-26.

   1. Ano an ipinakita han mga pag-ampo ni Josue may kalabotan ha iya relasyon ha iya Maglalarang? (Jos. 7:7-9; Sal. 119:145; 1 Juan 5:14)

   2. Ano an ipinapakita han ginbuhat ni Akan, ngan kay ano nga nagpapahamangno ito ha aton? (Jos. 7:11, 14, 15; Prob. 15:3; 1 Tim. 5:24; Heb. 4:13)

2. Basaha an Josue 8:1-29.

   Ano an aton responsabilidad ha Kristiano nga kongregasyon yana? (Jos. 7:13; Leb. 5:1; Prob. 28:13)

Istorya 48

1. Ano an kaibahan han mga Gibeonitanhon ha mga Kanaanhon ha kahigrani nga syudad?

2. Sugad han makikita ha retrato, ano an ginbuhat han mga Gibeonitanhon, ngan kay ano?

3. Ano an iginsaad ni Josue ngan han Israelita nga mga lider ha mga Gibeonitanhon, kondi ano an ira hinbaroan paglabay hin tulo ka adlaw?

4. Ano an nahitabo han hinbaroan han mga hadi ha iba nga syudad nga nakigmurayaw an mga Gibeonitanhon ha Israel?

Dugang nga pakiana:

1. Basaha an Josue 9:1-27.

   1. Tungod kay ginsugo ni Jehova an Israel nga pamatayon an ngatanan nga umurukoy ha Kanaan, ano nga mga kalidad an ipinakita han Iya pagtalwas ha mga Gibeonitanhon? (Jos. 9:22, 24; Mat. 9:13; Buh. 10:34, 35; 2 Ped. 3:9)

   2. Pinaagi ha pagtuman han saad ha mga Gibeonitanhon, kay ano nga maopay nga susbaranan hi Josue para ha mga Kristiano yana? (Jos. 9:18, 19; Mat. 5:37; Efe. 4:25)

2. Basaha an Josue 10:1-5.

   Ha ano nga paagi ginsusubad han daku nga panon yana an mga Gibeonitanhon, nga tungod hito puntirya hira han ano? (Jos. 10:4; Sak. 8:23; Mat. 25:35-40; Pah. 12:17)

Istorya 49

1. Ha retrato, ano an ginsisiring ni Josue, ngan kay ano?

2. Paonan-o ginbuligan ni Jehova hi Josue ngan an iya kasundalohan?

3. Pira nga kaaway nga hadi an napirde ni Josue, ngan mationan-o ito kaiha?

4. Kay ano nga ginbahin-bahin ni Josue an Kanaan?

5. Pira an edad ni Josue han namatay hiya, ngan ano an nahitabo ha katawohan han mamatay hiya?

Dugang nga pakiana:

1. Basaha an Josue 10:6-15.

   Tungod kay ginpahinabo ni Jehova nga diri matunod an adlaw ngan an bulan para ha mga Israelita, ha ano kita makakasarig yana? (Jos. 10:8, 10, 12, 13; Sal. 18:3; Prob. 18:10)

2. Basaha an Josue 12:7-24.

   Hin-o gud an nagpirde ha 31 nga hadi ha Kanaan, ngan kay ano nga importante ito ha aton yana? (Jos. 12:7; 24:11-13; Deut. 31:8; Luk. 21:9, 25-28)

3. Basaha an Josue 14:1-5.

   Paonan-o ginbahin-bahin an Kanaan ha mga tribo han Israel, ngan ano an iginpapasabot hini mahitungod ha mga panurundon ha Paraiso? (Jos. 14:2; Isa. 65:21; Esek. 47:21-23; 1 Kor. 14:33)

4. Basaha an Hukom 2:8-13.

   Pariho kan Josue ha Israel, hin-o yana an nakakapugong han apostasya? (Huk. 2:8, 10, 11; Mat. 24:45-47; 2 Tes. 2:3-6; Tito 1:7-9; Pah. 1:1; 2:1, 2)

Istorya 50

1. Hin-o an mga hukom, ngan ano an mga ngaran han iba ha ira?

2. Ano an espesyal nga pribilehiyo ni Debora, ngan ano an nahiuupod hito?

3. Han gintarhog an Israel ni Hadi Jabin ngan han punoan han iya kasundalohan nga hi Sisera, ano an mensahe ni Jehova nga iginsumat ni Debora kan Hukom Barak, ngan hin-o an ginsiring ni Debora nga makarawat han kadungganan?

4. Paonan-o ipinakita ni Jael nga maisog hiya nga babaye?

5. Ano an nahitabo han namatay hi Hadi Jabin?

Dugang nga pakiana:

1. Basaha an Hukom 2:14-22.

   Ano an ginbuhat han mga Israelita nga tungod hito nasina ha ira hi Jehova, ngan ano nga leksyon an aton mahibabaroan tikang hini? (Huk. 2:20; Prob. 3:1, 2; Esek. 18:21-23)

2. Basaha an Hukom 4:1-24.

   Ano nga mga leksyon mahitungod han pagtoo ngan kaisog an mahihibaroan han Kristiano nga kababayin-an yana ha susbaranan nira Debora ngan Jael? (Huk. 4:4, 8, 9, 14, 21, 22; Prob. 31:30; 1 Kor. 16:13)

3. Basaha an Hukom 5:1-31.

   Paonan-o an kanta han kadaogan nira Barak ngan Debora mahimo magin pag-ampo mahitungod ha tiarabot nga girra han Armagedon? (Huk. 5:3, 31; 1 Kron. 16:8-10; Pah. 7:9, 10; 16:16; 19:19-21)

Istorya 51

1. Paonan-o hi Noemi nahingadto ha Moab?

2. Hin-o hi Rut ngan hi Orpa?

3. Ano an baton ni Rut ngan ni Orpa han ginsidngan hira ni Noemi nga umuli ha ira lugar?

4. Hin-o hi Boas, ngan paonan-o niya ginbuligan hi Rut ngan hi Noemi?

5. Ano an ngaran han suhag nira Boas ngan Rut, ngan kay ano nga sadang hinumdoman naton hiya?

Dugang nga pakiana:

1. Basaha an Rut 1:1-17.

   1. Ano an makaruruyag nga ginsiring ni Rut nga nagpapakita han iya maunungon nga gugma? (Rut 1:16, 17)

   2. Paonan-o an disposisyon ni Rut nagpapakita han disposisyon han ‘iba nga mga karnero’ ha mga dinihogan dinhi ha tuna yana? (Juan 10:16; Sak. 8:23)

2. Basaha an Rut 2:1-23.

   Kay ano nga hi Rut maopay nga susbaranan para ha batan-on nga kababayin-an yana? (Rut 2:17, 18; Prob. 23:22; 31:15)

3. Basaha an Rut 3:5-13.

   1. Paonan-o gintagad ni Boas an pagkadisidido ni Rut nga pakasalan hiya imbes nga an batan-on nga lalaki?

   2. Ano an igintututdo ha aton han disposisyon ni Rut mahitungod han maunungon nga gugma? (Rut 3:10; 1 Kor. 13:4, 5)

4. Basaha an Rut 4:7-17.

   Paonan-o masusubad han Kristiano nga kalalakin-an yana hi Boas? (Rut 4:9, 10; 1 Tim. 3:1, 12, 13; 5:8)

Istorya 52

1. Kay ano nga damu an problema han mga Israelita?

2. Kay ano nga nagsiring hi Jehova kan Gideon nga damu gud an iya kasundalohan?

3. Pira nga kasundalohan an nagpabilin katapos paulion ni Gideon an mga nahahadlok?

4. Ha retrato, isaysay kon paonan-o gin-ibanan ni Jehova an kasundalohan ni Gideon tubtob nga nagin 300 na la.

5. Paonan-o gin-organisa ni Gideon an 300 nga kasundalohan, ngan paonan-o nagdaog an Israel ha pakig-away?

Dugang nga pakiana:

1. Basaha an Hukom 6:36-40.

   1. Paonan-o ginsiguro ni Gideon an kaburut-on ni Jehova?

   2. Paonan-o naton mahibabaroan yana an kaburut-on ni Jehova? (Prob. 2:3-6; Mat. 7:7-11; 2 Tim. 3:16, 17)

2. Basaha an Hukom 7:1-25.

   1. Ano nga leksyon an mahibabaroan naton ha 300 nga nagpabilin nga alerto, diri sugad hadton nagpasibaya? (Huk. 7:3, 6; Roma 13:11, 12; Efe. 5:15-17)

   2. Sugad la nga nahibaro an 300 pinaagi ha pagkita kan Gideon, paonan-o kita mahibabaro pinaagi ha pagkita ha Mas Harangdon nga Gideon, hi Jesu-Kristo? (Huk. 7:17; Mat. 11:29, 30; 28:19, 20; 1 Ped. 2:21)

   3. Paonan-o nabulig ha aton an Hukom 7:21 nga magin kontento ha pag-alagad ha kon diin kita igintoka ha organisasyon ni Jehova? (1 Kor. 4:2; 12:14-18; Jak. 4:10)

3. Basaha an Hukom 8:1-3.

   May kalabotan ha pagsulbad han diri pagsinabtanay han kabugtoan, ano an mahibabaroan naton ha paagi han pagsulbad ni Gideon han diri pagsinabtanay butnga nira ngan han mga Epraimitanhon? (Prob. 15:1; Mat. 5:23, 24; Luk. 9:48)

Istorya 53

1. Hin-o hi Jepte, ngan nabuhi hiya ha ano nga panahon?

2. Ano an iginsaad ni Jepte kan Jehova?

3. Kay ano nga nasubo hi Jepte han inuli hiya tikang ha pagdaog ha mga Amonitanhon?

4. Ano an iginsiring han anak ni Jepte han hinbaroan niya an saad han iya tatay?

5. Kay ano nga hinigugma han katawohan an anak ni Jepte?

Dugang nga pakiana:

1. Basaha an Hukom 10:6-18.

   Ano nga pahamangno an sadang naton tagdon may kalabotan ha pagkadiri-matinumanon han Israel kan Jehova? (Huk. 10:6, 15, 16; Roma 15:4; Pah. 2:10)

2. Basaha an Hukom 11:1-11, 29-40.

   1. Paonan-o kita nahibaro nga an paghatag ni Jepte han iya anak sugad nga “halad nga sinunog” diri nangangahulogan nga ighahalad hiya ha kalayo? (Huk. 11:31; Leb. 16:24; Deut. 18:10, 12)

   2. Ha ano nga paagi iginhalad ni Jepte an iya anak?

   3. Ano an aton mahibabaroan ha disposisyon ni Jepte may kalabotan han iya saad kan Jehova? (Huk. 11:35, 39; Ekles. 5:4, 5; Mat. 16:24)

   4. Kay ano nga an anak ni Jepte maopay nga susbaranan para ha batan-on nga mga Kristiano ha pagsulod ha bug-os panahon nga pag-alagad? (Huk. 11:36; Mat. 6:33; Fil. 3:8)

Istorya 54

1. Ano an ngaran han pinakamakusog nga tawo nga nabuhi, ngan hin-o an naghatag han iya kusog?

2. Ha usa nga higayon, ano an ginbuhat ni Samson ha daku nga leon, sugad han makikita mo ha retrato?

3. Ha retrato, ano nga sekreto an iginsumat ni Samson kan Delila, ngan paonan-o ito nagin hinungdan nga nadakop hiya han mga Pilisteohanon?

4. Paonan-o ginpatay ni Samson an 3,000 nga kaaway nga Pilisteohanon ha adlaw nga hiya namatay?

Dugang nga pakiana:

1. Basaha an Hukom 13:1-14.

   Paonan-o hi Manoa ngan an iya asawa maopay nga susbaranan ha mga kag-anak ha pagpadaku han ira mga anak? (Huk. 13:8; Sal. 127:3; Efe. 6:4)

2. Basaha an Hukom 14:5-9 ngan 15:9-16.

   1. An mga asoy mahitungod han pagpatay ni Samson han leon, pag-utod han bag-o nga pisi nga nakagapos ha iya, ngan paggamit han apapangig han asno basi patayon an 1,000 nga tawo nagpapakita han ano may kalabotan han paggios han baraan nga espiritu ni Jehova?

   2. Paonan-o nabulig ha aton yana an baraan nga espiritu? (Huk. 14:6; 15:14; Sak. 4:6; Buh. 4:31)

3. Basaha an Hukom 16:18-31.

   Paonan-o naapektohan hi Samson han maraot nga mga kaupod, ngan ano an mahibabaroan naton tikang hini? (Huk. 16:18, 19; 1 Kor. 15:33)

Istorya 55

1. Ha retrato, ano an ngaran han bata nga lalaki, ngan hira hin-o an iba?

2. Usa ka adlaw, ano an igin-ampo ni Hana han binisita hiya ha tabernakulo ni Jehova, ngan ano an baton ni Jehova?

3. Pira an edad ni Samuel han gindara hiya ha tolda ni Jehova basi mag-alagad, ngan ano an ginhihimo ha iya han iya nanay kada tuig?

4. Ano an mga ngaran han mga anak ni Eli, ngan ano nga klase hin tawo hira?

5. Paonan-o gintawag ni Jehova hi Samuel, ngan ano nga mensahe an iya ginsiring?

6. Nagin ano hi Samuel han daku na hiya, ngan ano an nahitabo han lagas na hiya?

Dugang nga pakiana:

1. Basaha an 1 Samuel 1:1-28.

   1. Ano an maopay nga susbaranan nga ipinakita ni Elkana para ha mga ulo han pamilya may kalabotan ha pagpanguna ha tinuod nga pagsingba? (1 Sam. 1:3, 21; Mat. 6:33; Fil. 1:10)

   2. Ano nga leksyon an aton hibabaroan tikang ha susbaranan ni Hana ha pag-atubang hin makuri nga problema? (1 Sam. 1:10, 11; Sal. 55:22; Roma 12:12)

2. Basaha an 1 Samuel 2:11-36.

   Kay ano nga masisiring nga mas ginpasidunggan ni Eli an iya mga anak kay ha kan Jehova, ngan paonan-o ini nagpapahamangno ha aton? (1 Sam. 2:22-24, 27, 29; Deut. 21:18-21; Mat. 10:36, 37)

3. Basaha an 1 Samuel 4:16-18.

   Ano an upat nga mensahe han kasakitan tikang ha girra an iginsumat, ngan ano an epekto hini kan Eli?

4. Basaha an 1 Samuel 8:4-9.

   Paonan-o napasubo gud han Israel hi Jehova, ngan paonan-o naton maunungon nga masusuportahan an iya Ginhadian yana? (1 Sam. 8:5, 7; Juan 17:16; Jak. 4:4)

Istorya 56

1. Ha retrato, ano an ginbubuhat ni Samuel, ngan kay ano?

2. Kay ano nga karuyag ni Jehova hi Saul, ngan ano nga klase hin tawo hiya?

3. Ano an ngaran han anak ni Saul, ngan ano an ginbuhat han iya anak?

4. Kay ano nga naghalad hi Saul imbes nga hulaton hi Samuel ha pagbuhat hito?

5. Ano nga leksyon an aton hibabaroan ha asoy mahitungod kan Saul?

Dugang nga pakiana:

1. Basaha an 1 Samuel 9:15-21 ngan 10:17-27.

   Paonan-o nakabulig kan Saul an iya pagkamapainubsanon nga diri gumios hin madali-dalion han may-ada nagyakan hin maraot mahitungod ha iya? (1 Sam. 9:21; 10:21, 22, 27; Prob. 17:27)

2. Basaha an 1 Samuel 13:5-14.

   Ano an sala nga nabuhat ni Saul ha Gilgal? (1 Sam. 10:8; 13:8, 9, 13)

3. Basaha an 1 Samuel 15:1-35.

   1. Ano an seryoso nga sala nga nabuhat ni Saul may kalabotan kan Agag, an hadi han Amalek? (1 Sam. 15:2, 3, 8, 9, 22)

   2. Paonan-o ginpakamatadong ni Saul an iya ginbuhat ngan ginbasol an iba? (1 Sam. 15:24)

   3. Ano nga pahamangno an sadang sundon naton yana kon ginsasagdonan? (1 Sam. 15:19-21; Sal. 141:5; Prob. 9:8, 9; 11:2)

Istorya 57

1. Ano an ngaran han batan-on ha retrato, ngan paonan-o kita nahibaro nga maisog hiya?

2. Diin naukoy hi David, ngan ano an ngaran han iya tatay ngan lolo?

3. Kay ano nga ginpakadto ni Jehova hi Samuel ha balay ni Jesse ha Betlehem?

4. Ano an nahitabo han ginpaatubang ni Jesse an iya pito nga anak kan Samuel?

5. Han ginpasulod hi David, ano an ginsiring ni Jehova kan Samuel?

Dugang nga pakiana:

1. Basaha an 1 Samuel 17:34, 35.

   Paonan-o ini nga mga panhitabo nagpapakita han kaisog ni David ngan pagtapod niya kan Jehova? (1 Sam. 17:37)

2. Basaha an 1 Samuel 16:1-14.

   1. Paonan-o an 1 Samuel 16:7 nabulig ha aton nga diri magpasulabi ngan diri maghukom pinaagi han hitsura? (Buh. 10:34, 35; 1 Tim. 2:4)

   2. Paonan-o an ehemplo ni Saul nagpapakita nga kon kuhaon ni Jehova an iya baraan nga espiritu ha usa nga tawo, mahimo sumaliwan an maraot nga espiritu, o an hingyap nga magbuhat hin maraot? (1 Sam. 16:14; Mat. 12:43-45; Gal. 5:16)

Istorya 58

1. Ano an ayat ni Goliat ha kasundalohan han Israel?

2. Mationan-o kahitaas hi Goliat, ngan ano an iginsaad ni Hadi Saul nga ihahatag ha tawo nga makakapatay kan Goliat?

3. Ano an baton ni David han ginsidngan hiya ni Saul nga diri hiya mahimo makig-away kan Goliat tungod kay bata pa hiya?

4. Ha baton ni David kan Goliat, paonan-o niya ipinakita nga nasarig hiya kan Jehova?

5. Sugad han makikita mo ha retrato, ano an gin-gamit ni David ha pagpatay kan Goliat, ngan ano an ginbuhat han mga Pilisteohanon katapos hini?

Dugang nga pakiana:

1. Basaha an 1 Samuel 17:1-54.

   1. Ano an sekreto ni David han iya kawaray kahadlok, ngan paonan-o naton masusubad an iya kaisog? (1 Sam. 17:37, 45; Efe. 6:10, 11)

   2. Kay ano nga sadang likyan han mga Kristiano an pakigkompetensya pariho han ginbuhat ni Goliat, kon nakikigmulay o nagpapahalibway? (1 Sam. 17:8; Gal. 5:26; 1 Tim. 4:8)

   3. Paonan-o an ginsiring ni David nagpapakita nga nasarig hiya ha bulig han Dios? (1 Sam. 17:45-47; 2 Kron. 20:15)

   4. Imbes nga ihulagway ini nga asoy sugad nga girra la han duha nga magkaaway nga kasundalohan, paonan-o ini nagpapakita nga girra ini butnga han palso nga mga dios ngan han matuod nga Dios, hi Jehova? (1 Sam. 17:43, 46, 47)

   5. Paonan-o ginsusubad han mga dinihogan nga nanhibilin an susbaranan ni David ha pagsarig kan Jehova? (1 Sam. 17:37; Jer. 1:17-19; Pah. 12:17)

Istorya 59

1. Kay ano nga naawa hi Saul kan David, kondi ha ano nga paagi naiiba an anak ni Saul nga hi Jonatan?

2. Ano an nahitabo han nagtutokar hi David han arpa para kan Saul?

3. Ano an ginpabuhat ni Saul kan David antes magin asawa an iya anak nga hi Mikal, ngan kay ano nga ginpabuhat niya ini?

4. Han nagtutokar hi David para kan Saul, ano an nahitabo ha ikatulo nga higayon, sugad han makikita ha retrato?

5. Paonan-o ginbuligan ni Mikal nga makapalagiw hi David, ngan ano an ginbuhat ni David ha sulod hin pito ka tuig?

Dugang nga pakiana:

1. Basaha an 1 Samuel 18:1-30.

   1. Paonan-o an marig-on nga gugma ni Jonatan kan David nagpapadagaw han paghigugmaay han ‘iba nga mga karnero’ ngan “gutiay nga panon”? (1 Sam. 18:1; Juan 10:16; Luk. 12:32; Sak. 8:23)

   2. Paonan-o ipinapakita han 1 Samuel 18:4 nga mapinasakupon gud hi Jonatan ha usa nga pinili nga magin hadi, bisan kon sumala ha nahiaraan hiya unta an manurunod ni Saul?

   3. Paonan-o ipinakita ha kahimtang ni Saul nga an kaawa mahimo magtugway ha seryoso nga sala, ngan ano nga leksyon an hibabaroan naton tikang hini? (1 Sam. 18:7-9, 25; Jak. 3:14-16)

2. Basaha an 1 Samuel 19:1-17.

   Kay ano nga nameligro an kinabuhi ni Jonatan han nakiistorya hiya kan Saul? (1 Sam. 19:1, 4-6; Prob. 16:14)

Istorya 60

1. Ha retrato, hin-o an babaye nga natapo kan David, ngan ano nga klase hin babaye hiya?

2. Hin-o hi Nabal?

3. Kay ano nga ginsugo ni David an pipira han iya kasundalohan nga mangaro hin bulig kan Nabal?

4. Ano an ginsiring ni Nabal ha kasundalohan ni David, ngan ano an reaksyon ni David?

5. Paonan-o ipinakita ni Abigail nga maaramon hiya nga babaye?

Dugang nga pakiana:

1. Basaha an 1 Samuel 22:1-4.

   Ano nga susbaranan an ipinakita han pamilya ni David may kalabotan ha kon paonan-o sadang magbinuligay an mga Kristiano? (Prob. 17:17; 1 Tes. 5:14)

2. Basaha an 1 Samuel 25:1-43.

   1. Kay ano nga iginhulagway hi Nabal nga mapintas? (1 Sam. 25:2-5, 10, 14, 21, 25)

   2. Ano an hibabaroan han Kristiano nga mga asawa yana tikang ha susbaranan ni Abigail? (1 Sam. 25:32, 33; Prob. 31:26; Efe. 5:24)

   3. Ginpugngan ni Abigail hi David nga diri buhaton an ano nga duha nga maraot nga butang? (1 Sam. 25:31, 33; Roma 12:19; Efe. 4:26)

   4. Paonan-o an reaksyon ni David ha ginsiring ni Abigail nabulig ha kalalakin-an yana nga tagdon an kababayin-an sugad han pagtagad ni Jehova? (Buh. 21:8, 9; Roma 2:11; 1 Ped. 3:7)

Istorya 61

1. Ano an ginbuhat nira David ngan Abisay samtang nakaturog hi Saul ha iya kampo?

2. Ano an mga iginpakiana ni David kan Saul?

3. Han binaya hi David kan Saul, diin hiya kumadto?

4. Ano an nakapasubo gud kan David nga tungod hito nagkomposo hiya hin kanta?

5. Pira an edad ni David han nagin hadi hiya ha Hebron, ngan ano an mga ngaran han iya iba nga anak?

6. Diin naghadi hi David ha urhi?

Dugang nga pakiana:

1. Basaha an 1 Samuel 26:1-25.

   1. An mga pulong ni David nga mababasa ha 1 Samuel 26:11 nagpapakita han ano nga disposisyon ha teokratiko nga kahikayan? (Sal. 37:7; Roma 13:2)

   2. Kon nangangalimbasog kita nga ipakita an mahigugmaon-nga-pagkabuotan kondi waray ito apresyara, paonan-o an mga pulong ni David ha 1 Samuel 26:23 nabulig ha aton nga matipigan an husto nga disposisyon? (1 Hadi 8:32; Sal. 18:20)

2. Basaha an 2 Samuel 1:26.

   Paonan-o makukultibar han mga Kristiano yana an pariho nga ‘duro nga gugma ha usa kag usa’ nga iginpakita nira David ngan Jonatan? (1 Ped. 4:8; Kol. 3:14; 1 Juan 4:12)

3. Basaha an 2 Samuel 5:1-10.

   1. Pira ka tuig nagmando hi David sugad nga hadi, ngan paonan-o ini ginbahin? (2 Sam. 5:4, 5)

   2. Hin-o an hinungdan han pagin gamhanan ni David, ngan ano nga leksyon an hibabaroan naton tikang hini? (2 Sam. 5:10; 1 Sam. 16:13; 1 Kor. 1:31; Fil. 4:13)

Istorya 62

1. Ha bulig ni Jehova, ano an nahitabo ha Kanaan ha kaurhian?

2. Usa ka gab-i, ano an nahitabo han nakadto hi David ha atop han iya palasyo?

3. Kay ano nga nasina gud hi Jehova kan David?

4. Ha retrato, hin-o an ginsugo ni Jehova basi masantop ni David an iya sala, ngan ano an ginsiring hito nga tawo nga mahitatabo kan David?

5. Ano nga kasamok an naeksperyensyahan ni David?

6. Hin-o an sumunod kan David nga nagin hadi ha Israel?

Dugang nga pakiana:

1. Basaha an 2 Samuel 11:1-27.

   1. Kay ano nga panalipod ha aton an pagin okupado ha pag-alagad kan Jehova?

   2. Ano an nagtugway kan David nga makasala, ngan ano an iginpapahamangno hini ha mga surugoon ni Jehova yana? (2 Sam. 11:2; Mat. 5:27-29; 1 Kor. 10:12; Jak. 1:14, 15)

2. Basaha an 2 Samuel 12:1-18.

   1. Ano nga leksyon an mahibabaroan han mga tigurang ngan kag-anak may kalabotan ha paagi han pagsagdon ni Natan kan David? (2 Sam. 12:1-4; Prob. 12:18; Mat. 13:34)

   2. Kay ano nga nagin maloloy-on hi Jehova kan David? (2 Sam. 12:13; Sal. 32:5; 2 Kor. 7:9, 10)

Istorya 63

1. Ano an iginpakiana ni Jehova kan Salomon, ngan ano an iya baton?

2. Tungod kay nalipay hi Jehova ha gin-aro ni Salomon, ano an Iya iginsaad nga ihahatag?

3. Ano an daku nga problema han duha nga babaye nga kinadto kan Salomon?

4. Sumala ha retrato, paonan-o ginsulbad ni Salomon an problema?

5. Ano an klase han pagmando ni Salomon, ngan kay ano?

Dugang nga pakiana:

1. Basaha an 1 Hadi 3:3-28.

   1. Ano an hibabaroan han kalalakin-an nga may-ada responsabilidad ha organisasyon han Dios yana tikang ha kinasingkasing nga kapahayagan ni Salomon ha 1 Hadi 3:7? (Sal. 119:105; Prob. 3:5, 6)

   2. Kay ano nga an hangyo ni Salomon maopay nga susbaranan ha pangaro han husto nga butang kon nag-aampo? (1 Hadi 3:9, 11; Prob. 30:8, 9; 1 Juan 5:14)

   3. Tungod han maaramon nga paagi han pagsulbad ni Salomon han problema han duha nga babaye, ha ano kita makakasarig may kalabotan ha tiarabot nga pagmando han Harangdon nga Salomon, hi Jesu-Kristo? (1 Hadi 3:28; Isa. 9:6, 7; 11:2-4)

2. Basaha an 1 Hadi 4:29-34.

   1. Paonan-o ginbaton ni Jehova an hangyo ni Salomon nga magkaada hin masunuron nga kasingkasing? (1 Hadi 4:29)

   2. Tungod han pangalimbasog han katawohan nga mabatian an kinaadman ni Salomon, ano an sadang naton magin disposisyon may kalabotan ha pag-aram han Pulong han Dios? (1 Hadi 4:29, 34; Juan 17:3; 2 Tim. 3:16)

Istorya 64

1. Pira ka tuig nga gintukod ni Salomon an templo ni Jehova, ngan kay ano nga daku gud an nagasto hito?

2. Pira an dagku nga kwarto ha templo, ngan ano an iginbutang ha surusulod nga kwarto?

3. Ano an igin-ampo ni Salomon han natapos an templo?

4. Ano an nagpapakita nga nalipay hi Jehova ha pag-ampo ni Salomon?

5. Gin-aghat hi Salomon han iya mga asawa nga buhaton an ano, ngan ano an nahitabo kan Salomon?

6. Kay ano nga nasina hi Jehova kan Salomon, ngan ano an iginsiring ni Jehova ha iya?

Dugang nga pakiana:

1. Basaha an 1 Kronikas 28:9, 10.

   May kalabotan ha mga pulong ni David ha 1 Kronikas 28:9, 10, ano an kinahanglan pangalimbasogan naton nga buhaton ha aton adlaw-adlaw nga pagkinabuhi? (Sal. 19:14; Fil. 4:8, 9)

2. Basaha an 2 Kronikas 6:12-21, 32-42.

   1. Paonan-o ipinakita ni Salomon nga diri maigo an Gihitaasi nga Dios ha bisan ano nga hinimo-han-tawo nga tinukod? (2 Kron. 6:18; Buh. 17:24, 25)

   2. Ano an ipinapakita han mga pulong ni Salomon ha 2 Kronikas 6:32, 33 mahitungod kan Jehova? (Buh. 10:34, 35; Gal. 2:6)

3. Basaha an 2 Kronikas 7:1-5.

   Sugad la nga napagios an mga anak han Israel ha pagdayaw kan Jehova han nakita nira an iya himaya, paonan-o kita yana sadang gumios kon aton ginpapamalandong an mga bendisyon ni Jehova ha iya katawohan? (2 Kron. 7:3; Sal. 22:22; 34:1; 96:2)

4. Basaha an 1 Hadi 11:9-13.

   Ha kinabuhi ni Salomon, kay ano nga masisiring nga importante an pagpabilin nga matinumanon tubtob ha kataposan? (1 Hadi 11:4, 9; Mat. 10:22; Pah. 2:10)

Istorya 65

1. Ano an ngaran han duha nga lalaki ha retrato, ngan hira hin-o hira?

2. Ano an ginbuhat ni Ahias ha iya panggawas nga panapton, ngan ano an kahulogan hito?

3. Ano an karuyag buhaton ni Salomon kan Jeroboam?

4. Kay ano nga ginpili han katawohan hi Jeroboam nga hadi han napulo nga tribo?

5. Kay ano nga naghimo hi Jeroboam hin duha nga bulawan nga baka, ngan waray pag-iha ano an nahitabo ha tuna?

6. Ano an nahitabo ha duha-ka-tribo nga ginhadian, ngan ha templo ni Jehova ha Jerusalem?

Dugang nga pakiana:

1. Basaha an 1 Hadi 11:26-43.

   Ano nga klase hin tawo hi Jeroboam, ngan ano an iginsaad ni Jehova ha iya kon tipigan niya an Iya mga balaud? (1 Hadi 11:28, 38)

2. Basaha an 1 Hadi 12:1-33.

   1. Tikang ha maraot nga ehemplo ni Rehoboam, ano an hibabaroan han mga kag-anak ngan tigurang may kalabotan ha pag-abuso han awtoridad? (1 Hadi 12:13; Ekles. 7:7; 1 Ped. 5:2, 3)

   2. Kan kanay sadang mangaro hin giya an mga batan-on yana kon naghihimo hin seryoso nga mga desisyon? (1 Hadi 12:6, 7; Prob. 1:8, 9; 2 Tim. 3:16, 17; Heb. 13:7)

   3. Ano an nagpagios kan Jeroboam nga maghimo hin duha nga sentro han pagsingba ha baka, ngan kay ano nga nagpapakita ini hin kawaray pagtoo kan Jehova? (1 Hadi 11:37; 12:26-28)

   4. Hin-o an nanguna ha napulo-ka-tribo nga ginhadian ha pagrebelde ha matuod nga pagsingba? (1 Hadi 12:32, 33)

Istorya 66

1. Hin-o hi Jesebel?

2. Kay ano nga usa ka adlaw masurub-on hi Hadi Ahab?

3. Ano an ginbuhat ni Jesebel basi makuha an urubasan ni Nabot para ha iya bana nga hi Ahab?

4. Hin-o an ginsugo ni Jehova basi sirotan hi Jesebel?

5. Sugad han makikita mo ha retrato, ano an nahitabo han inabot hi Jehu ha palasyo ni Jesebel?

Dugang nga pakiana:

1. Basaha an 1 Hadi 16:29-33 ngan 18:3, 4.

   Mationan-o karaot an kahimtang han Israel durante han pagmando ni Hadi Ahab? (1 Hadi 14:9)

2. Basaha an 1 Hadi 21:1-16.

   1. Paonan-o ipinakita ni Nabot an pagin maisugon ngan maunungon kan Jehova? (1 Hadi 21:1-3; Leb. 25:23-28)

   2. Ha ehemplo ni Ahab, ano an aton hibabaroan mahitungod ha pag-atubang han kapakyasan? (1 Hadi 21:4; Roma 5:3-5)

3. Basaha an 2 Hadi 9:30-37.

   Ano an hibabaroan naton ha kadasig ni Jehu ha pagbuhat han kaburut-on ni Jehova? (2 Hadi 9:4-10; 2 Kor. 9:1, 2; 2 Tim. 4:2)

Istorya 67

1. Hin-o hi Jehosapat, ngan kakan-o hiya nabuhi?

2. Kay ano nga nahadlok an mga Israelita, ngan ano an ginbuhat han damu ha ira?

3. Ano an baton ni Jehova ha pag-ampo ni Jehosapat?

4. Ano an ginpahinabo ni Jehova antes han girra?

5. Ano nga leksyon an aton hibabaroan tikang kan Jehosapat?

Dugang nga pakiana:

1. Basaha an 2 Kronikas 20:1-30.

   1. Paonan-o ipinakita ni Jehosapat an kinahanglan buhaton han magtinumanon nga surugoon han Dios kon naatubang hin makuri nga kahimtang? (2 Kron. 20:12; Sal. 25:15; 62:1)

   2. Tungod kay pirme nagamit hi Jehova hin ahensya ha pakigkomunikar ha iya katawohan, ano nga ahensya an iya ginagamit yana? (2 Kron. 20:14, 15; Mat. 24:45-47; Juan 15:15)

   3. Kon umabot na an “pakig-away han daku nga adlaw han Dios nga Makagarahum,” paonan-o magigin pariho an aton kahimtang ha panahon ni Jehosapat? (2 Kron. 20:15, 17; 32:8; Pah. 16:14, 16)

   4. Ha pagsubad ha mga Lebita, ano an naibubulig han mga payunir ngan misyonero ha bug-os kalibotan nga pagsangyaw yana? (2 Kron. 20:19, 21; Roma 10:13-15; 2 Tim. 4:2)

Istorya 68

1. Hin-o an tulo nga tawo ha retrato, ngan ano an nahitabo ha bata?

2. Ano an igin-ampo ni Elias may kalabotan ha bata, ngan ano an sunod nga nahitabo?

3. Hin-o an kabulig ni Elias?

4. Kay ano nga ginpakadto hi Eliseo ha balay han babaye ha Sunem?

5. Ano an ginbuhat ni Eliseo, ngan ano an nahitabo ha patay nga bata?

6. May-ada hi Jehova ano nga gahum, sugad han ginbuhat nira Elias ngan Eliseo?

Dugang nga pakiana:

1. Basaha an 1 Hadi 17:8-24.

   1. Paonan-o nasarihan an pagkamasinugtanon ngan an pagtoo ni Elias? (1 Hadi 17:9; 19:1-4, 10)

   2. Kay ano nga makatirigamnan an pagtoo han balo nga babaye ha Sarepat? (1 Hadi 17:12-16; Luk. 4:25, 26)

   3. Paonan-o pinamamatud-an han nahitabo ha balo ha Sarepat an pagkatotoo han pulong ni Jesus ha Mateo 10:41, 42? (1 Hadi 17:10-12, 17, 23, 24)

2. Basaha an 2 Hadi 4:8-37.

   1. Ano an hibabaroan naton ha babaye ha Sunem may kalabotan ha pagin maabiabihon? (2 Hadi 4:8; Luk. 6:38; Roma 12:13; 1 Juan 3:17)

   2. Ha ano nga paagi maipapakita naton an pagin buotan ha mga surugoon han Dios yana? (Buh. 20:35; 28:1, 2; Gal. 6:9, 10; Heb. 6:10)

Istorya 69

1. Ha retrato, ano an ginsisiring han bata ha babaye?

2. Hin-o an babaye ha retrato, ngan ano an ginbubuhat hini nga bata ha balay han babaye?

3. Ano an iginsugo ni Eliseo ha iya kabulig nga ipabuhat kan Naaman, ngan kay ano nga nasina hi Naaman?

4. Ano an nahitabo han namati hi Naaman ha iya mga surugoon?

5. Kay ano nga waray karawata ni Eliseo an regalo ni Naaman, kondi ano an ginbuhat ni Gehasi?

6. Ano an nahitabo kan Gehasi, ngan ano an aton hibabaroan tikang hini?

Dugang nga pakiana:

1. Basaha an 2 Hadi 5:1-27.

   1. Paonan-o nakakadasig ha mga batan-on yana an ginbuhat han bata nga Israelita? (2 Hadi 5:3; Sal. 8:2; 148:12, 13)

   2. Kay ano nga sadang naton hinumdoman an ginbuhat ni Naaman kon ginsasagdonan kita uyon ha Kasuratan? (2 Hadi 5:15; Heb. 12:5, 6; Jak. 4:6)

   3. Ano nga leksyon an aton hibabaroan kon aton pagtandingon an kaibahan han ginbuhat ni Eliseo ngan ni Gehasi? (2 Hadi 5:9, 10, 14-16, 20; Mat. 10:8; Buh. 5:1-5; 2 Kor. 2:17)

Istorya 70

1. Hin-o hi Jonas, ngan ano an ginpapabuhat ni Jehova ha iya?

2. Tungod kay diri karuyag ni Jonas nga kumadto ha lugar nga ginsiring ni Jehova, ano an iya ginbuhat?

3. Ano an iginpabuhat ni Jonas ha mga tripulante basi umundang an bagyo?

4. Sugad han makikita mo ha retrato, ano an nahitabo han nagtikalunod hi Jonas ha tubig?

5. Mationan-o kaiha hi Jonas ha tiyan han daku nga isda, ngan ano an ginbuhat niya didto?

6. Kinain hi Jonas katapos hiya iluwa han daku nga isda, ngan ano an igintututdo hini ha aton?

Dugang nga pakiana:

1. Basaha an Jonas 1:1-17.

   Ano an inabat ni Jonas mahitungod han iya toka ha pagsangyaw ha mga taga-Ninibe? (Jon. 1:2, 3; Prob. 3:7; Ekles. 8:12)

2. Basaha an Jonas 2:1, 2, 10.

   Pinaagi han eksperyensya ni Jonas, kay ano nga makakasarig kita nga babatunon ni Jehova an aton mga pag-ampo? (Sal. 22:24; 34:6; 1 Juan 5:14)

3. Basaha an Jonas 3:1-10.

   1. Kay ano nga makapadasig ha aton nga gin-gamit la gihapon ni Jehova hi Jonas bisan kon waray hiya sumugot han iya siyahan nga toka? (Sal. 103:14; 1 Ped. 5:10)

   2. Ano an igintututdo ha aton han eksperyensya ni Jonas ha mga taga-Ninibe mahitungod ha paghukom-nga-daan ha mga tawo ha aton teritoryo? (Jon. 3:6-9; Ekles. 11:6; Buh. 13:48)

Istorya 71

1. Hin-o hi Isaias, kakan-o hiya natawo, ngan ano an iginpakita ni Jehova ha iya?

2. Ano an kahulogan han pulong nga “paraiso,” ngan ano an nahinunumdoman mo hito?

3. Ano an iginpasurat ni Jehova kan Isaias mahitungod han bag-o nga Paraiso?

4. Kay ano nga nawara nira Adan ngan Eva an ira makaruruyag nga urukyan?

5. Ano an iginsaad ni Jehova ha mga nahigugma ha iya?

Dugang nga pakiana:

1. Basaha an Isaias 11:6-9.

   1. Paonan-o iginhuhulagway han Pulong han Dios an kamurayawan butnga han mga hayop ngan tawo ha bag-o nga kalibotan? (Sal. 148:10, 13; Isa. 65:25; Esek. 34:25)

   2. Ano nga espirituwal nga katumanan ha mga pulong ni Isaias an naieksperyensyahan han katawohan ni Jehova yana? (Roma 12:2; Efe. 4:23, 24)

   3. Hin-o an angay dayawon tungod ha pagbag-o han kinaiya han mga tawo yana ngan ha bag-o nga kalibotan? (Isa. 48:17, 18; Gal. 5:22, 23; Fil. 4:7)

2. Basaha an Pahayag 21:3, 4.

   1. Paonan-o ipinapakita han Kasuratan nga an pag-ukoy han Dios kaupod han katawohan nangangahulogan nga aanhi hiya ha tuna ha simboliko nga paagi, diri ha literal? (Leb. 26:11, 12; 2 Kron. 6:18; Isa. 66:1; Pah. 21:2, 3, 22-24)

   2. Ano nga klase hin luha ngan kasakit an mawawaray na? (Luk. 8:49-52; Roma 8:21, 22; Pah. 21:4)

Istorya 72

1. Hin-o an tawo ha retrato, ngan kay ano nga daku an iya problema?

2. Ano an mga surat nga iginlatag ni Hesekia ha atubangan han altar han Dios, ngan ano an iya igin-aampo?

3. Ano nga klase hin hadi hi Hesekia, ngan ano an mensahe nga iginpadara ni Jehova pinaagi kan propeta Isaias?

4. Ano an ginbuhat han anghel ni Jehova ha mga Asiryahanon sumala ha makikita ha retrato?

5. Bisan kon nagkaada temporaryo nga kamurayawan ha duha-ka-tribo nga ginhadian, ano an nahitabo han mamatay hi Hesekia?

Dugang nga pakiana:

1. Basaha an 2 Hadi 18:1-36.

   1. Paonan-o ginpaluya han tagapagyakan han Asirya nga hi Rabsake an pagtoo han mga Israelita? (2 Hadi 18:19, 21; Eks. 5:2; Sal. 64:3)

   2. Kon naatubang ha mga parakontra, paonan-o ginsusunod han mga Saksi ni Jehova an susbaranan ni Hesekia? (2 Hadi 18:36; Sal. 39:1; Prob. 26:4; 2 Tim. 2:24)

2. Basaha an 2 Hadi 19:1-37.

   1. Paonan-o ginsusubad han katawohan ni Jehova yana hi Hesekia ha panahon han kasakitan? (2 Hadi 19:1, 2; Prob. 3:5, 6; Heb. 10:24, 25; Jak. 5:14, 15)

   2. Ano nga tulo nga kapirdihan an naeksperyensyahan ni Hadi Senakerib, ngan hin-o an matagnaon nga ginpapadagawan hini? (2 Hadi 19:32, 35, 37; Pah. 20:2, 3)

3. Basaha an 2 Hadi 21:1-6, 16.

   Kay ano nga masisiring nga hi Manases usa han pinakamaraot nga mga hadi nga nagmando ha Jerusalem? (2 Kron. 33:4-6, 9)

Istorya 73

1. Pira an edad ni Josia han nagin hadi hiya, ngan ano an iya ginbuhat han pito ka tuig na hiya nga nagmamando?

2. Ha siyahan nga retrato, ano an ginbubuhat ni Josia?

3. Ano an hin-agian han hitaas nga saserdote han gin-ayad an templo?

4. Kay ano nga gin-gisi ni Josia an iya panapton?

5. Ano nga mensahe tikang kan Jehova an iginpasumat ni propetisa Hulda kan Josia?

Dugang nga pakiana:

1. Basaha an 2 Kronikas 34:1-28.

   1. Ano nga susbaranan an ipinakita ni Josia hadton nag-aantos durante han ira pagin batan-on? (2 Kron. 33:21-25; 34:1, 2; Sal. 27:10)

   2. Ano an importante nga ginbuhat ni Josia durante han ika-8, ika-12, ngan ika-18 ka tuig han iya pagmando basi mapauswag an matuod nga pagsingba? (2 Kron. 34:3, 8)

   3. Ano nga leksyon an aton hibabaroan tikang kan Hadi Josia ngan ha Hitaas nga Saserdote nga hi Hilkia may kalabotan ha pagmintinar han aton mga lugar han pagsingba? (2 Kron. 34:9-13; Prob. 11:14; 1 Kor. 10:31)

Istorya 74

1. Hin-o an batan-on nga lalaki ha retrato?

2. Ano an siyahan nga reaksyon ni Jeremias han ginsidngan hiya nga magin propeta, ngan ano an ginsiring ni Jehova ha iya?

3. Ano nga mensahe an padayon nga ginsiring ni Jeremias ha katawohan?

4. Ano an ginbuhat han mga saserdote basi umundang hi Jeremias, kondi paonan-o niya ipinakita nga diri hiya nahahadlok?

5. Ano an nahitabo han waray bag-oha han mga Israelita an ira maraot nga binuhatan?

Dugang nga pakiana:

1. Basaha an Jeremias 1:1-8.

   1. Sugad han nahitabo kan Jeremias, paonan-o nagigin kwalipikado an usa nga tawo ha pag-alagad kan Jehova? (2 Kor. 3:5, 6)

   2. Paonan-o nadadasig an Kristiano nga mga batan-on yana ha susbaranan nga ipinakita ni Jeremias? (Ekles. 12:1; 1 Tim. 4:12)

2. Basaha an Jeremias 10:1-5.

   Ano nga epektibo nga ilustrasyon an gin-gamit ni Jeremias basi ipakita an kawaray-pulos ha pagsarig ha mga idolo? (Jer. 10:5; Isa. 46:7; Hab. 2:19)

3. Basaha an Jeremias 26:1-16.

   1. Kon iginpapahayag han mga dinihogan nga nanhibilin an mga pahamangno yana, paonan-o nira sinsero nga gintutuman an sugo ni Jehova kan Jeremias nga ‘diri mag-iban bisan usa nga pulong’? (Jer. 26:2; Deut. 4:2; Buh. 20:27)

   2. Ano nga susbaranan an ipinakita ni Jeremias ha mga Saksi ni Jehova yana ha pagpasamwak han pahamangno ni Jehova ha mga nasud? (Jer. 26:8, 12, 14, 15; 2 Tim. 4:1-5)

4. Basaha an 2 Hadi 24:1-17.

   Ano an makasurubo nga resulta han pagin diri-matinumanon han Juda kan Jehova? (2 Hadi 24:2-4, 14)

Istorya 75

1. Hin-o an upat nga batan-on ha retrato, ngan kay ano nga aadto hira ha Babilonya?

2. Ano an plano ni Nabukodonosor ha upat nga batan-on, ngan ano an iya iginsugo ha iya mga surugoon?

3. Ano an ginhangyo ni Daniel may kalabotan ha pagkaon ngan irinmon niya ngan han iya tulo nga sangkay?

4. Katapos kumaon hin mga utan ha sulod hin napulo ka adlaw, ano an hitsura ni Daniel ngan han iya tulo nga sangkay kon itanding ha iba nga batan-on?

5. Paonan-o hi Daniel ngan an iya tulo nga sangkay nahingadto ha palasyo han hadi, ngan ha ano nga paagi mas maopay hira kay ha mga saserdote ngan maaramon nga kalalakin-an?

Dugang nga pakiana:

1. Basaha an Daniel 1:1-21.

   1. Ano nga klase hin pangalimbasog an kinahanglan kon karuyag naton malamposan an mga pagsulay ngan kaluyahan? (Dan. 1:8; Gen. 39:7, 10; Gal. 6:9)

   2. Ha ano nga mga paagi mahimo sulayon o piriton an mga batan-on yana nga tilawan an gintatagad han iba nga “magrasa”? (Dan. 1:8; Prob. 20:1; 2 Kor. 6:17–7:1)

   3. An asoy ha Biblia mahitungod han upat nga batan-on nga Hebreohanon nabulig ha aton nga masabtan an ano may kalabotan ha pagkaada hin sekular nga kahibaro? (Dan. 1:20; Isa. 54:13; 1 Kor. 3:18-20)

Istorya 76

1. Ha retrato, ano an nahitatabo ha Jerusalem ngan ha mga Israelita?

2. Hin-o hi Esekiel, ngan ano an mangil-ad nga mga butang nga ipinakita ha iya ni Jehova?

3. Tungod kay diri gintatahod han mga Israelita hi Jehova, ano an iya iginsaad?

4. Ano an ginbuhat ni Hadi Nabukodonosor han nagrebelde ha iya an mga Israelita?

5. Kay ano nga gintugotan ni Jehova nga mahitabo ini nga makangingirhat nga kabungkagan ha Israel?

6. Paonan-o nawad-an hin tawo an Israel, ngan mationan-o ito kaiha?

Dugang nga pakiana:

1. Basaha an 2 Hadi 25:1-26.

   1. Hin-o hi Sedekia, ano an nahitabo ha iya, ngan paonan-o gintuman hito an tagna ha Biblia? (2 Hadi 25:5-7; Esek. 12:13-15)

   2. Hin-o an gintagad ni Jehova nga may baratunon tungod han pagin diri-matinumanon han Israel? (2 Hadi 25:9, 11, 12, 18, 19; 2 Kron. 36:14, 17)

2. Basaha an Esekiel 8:1-18.

   Paonan-o ginsubad han Kakristianohan an apostata nga mga Israelita nga nagsisingba ha adlaw? (Esek. 8:16; Isa. 5:20, 21; Juan 3:19-21; 2 Tim. 4:3)

Istorya 77

1. Ano an iginsugo ni Nabukodonosor nga hadi han Babilonya ha mga tawo?

2. Kay ano nga an tulo nga sangkay ni Daniel diri nayukbo ha bulawan nga imahen?

3. Han gintagan ni Nabukodonosor hin usa pa nga higayon ha pagyukbo an tulo nga Hebreohanon, paonan-o nira ipinakita an ira pagsarig kan Jehova?

4. Ano an iginsugo ni Nabukodonosor ha iya kasundalohan nga buhaton kanda Sadrak, Mesak ngan Abednego?

5. Ano an nakita ni Nabukodonosor han ginhiling niya an hudno?

6. Kay ano nga gindayaw han hadi an Dios nira Sadrak, Mesak ngan Abednego, ngan ano nga susbaranan an ira iginhatag ha aton?

Dugang nga pakiana:

1. Basaha an Daniel 3:1-30.

   1. Ano nga disposisyon an ipinakita han tulo nga Hebreohanon nga batan-on nga angay subaron han ngatanan nga surugoon han Dios kon naatubang hin mga pagsari han pagkamaunungon? (Dan. 3:17, 18; Mat. 10:28; Roma 14:7, 8)

   2. Ano nga importante nga leksyon an igintutdo ni Jehova kan Nabukodonosor? (Dan. 3:28, 29; 4:34, 35)

Istorya 78

1. Ano an nahitabo han magpyesta an hadi han Babilonya ngan gin-gamit an mga kopa ngan yahong nga tikang ha templo ni Jehova ha Jerusalem?

2. Ano an ginsiring ni Belsasar ha iya maaramon nga kalalakin-an, kondi ano an waray nira mahimo?

3. Ano an iginpabuhat han nanay ni Hadi Belsasar?

4. Sumala ha ginsiring ni Daniel ha hadi, kay ano nga nagpadara an Dios hin kamot basi magsurat ha bungbong?

5. Sumala kan Daniel, ano an kahulogan han mga sinurat ha bungbong?

6. Ano an nahitabo samtang nagyiyinakan pa hi Daniel?

Dugang nga pakiana:

1. Basaha an Daniel 5:1-31.

   1. Itanding an kaibahan han diosnon nga kahadlok ha kahadlok nga inabat ni Belsasar han makita niya an mga sinurat ha bungbong. (Dan. 5:6, 7; Sal. 19:9; Roma 8:35-39)

   2. Kay ano nga masisiring nga nagpakita hi Daniel hin duro nga kaisog han nagsaysay hiya kan Belsasar ngan ha iya dungganon nga mga bisita? (Dan. 5:17, 18, 22, 26-28; Buh. 4:29)

   3. Ha ano nga paagi an Daniel kapitulo 5 nagpapabug-at han pagkasoberano ni Jehova ha uniberso? (Dan. 4:17, 25; 5:21)

Istorya 79

1. Hin-o hi Dario, ngan ano an iya pagtagad kan Daniel?

2. Ano an iginpabuhat kan Dario han mga naaawa nga kalalakin-an?

3. Ano an ginbuhat ni Daniel han hinbaroan niya an bag-o nga balaud?

4. Kay ano nga nasubo gud hi Dario nga tungod hito waray hiya mahingaturog, ngan ano an iya ginbuhat kinabuwasan?

5. Ano an ginbaton ni Daniel kan Dario?

6. Ano an nahitabo ha magraot nga kalalakin-an nga nagplano ha pagpatay kan Daniel, ngan ano an iginsurat ni Dario ha ngatanan nga tawo ha iya ginhadian?

Dugang nga pakiana:

1. Basaha an Daniel 6:1-28.

   1. Paonan-o an pagkunsabo kontra kan Daniel nagpapahinumdom ha aton han ginbubuhat han mga nakontra basi mapaundang an buruhaton han mga Saksi ni Jehova yana? (Dan. 6:7; Sal. 94:20; Isa. 10:1; Roma 8:31)

   2. Paonan-o masusubad han mga surugoon han Dios yana hi Daniel ha pagpasakop ha ‘hitaas nga mga awtoridad’? (Dan. 6:5, 10; Roma 13:1; Buh. 5:29)

   3. Paonan-o naton masusubad an susbaranan ni Daniel ha pag-alagad kan Jehova “ha dayoday”? (Dan. 6:16, 20; Fil. 3:16; Pah. 7:15)

Istorya 80

1. Sugad han makikita ha retrato, ano an ginbubuhat han mga Israelita?

2. Paonan-o gintuman ni Ciro an igintagna ni Jehova pinaagi kan Isaias?

3. Ano an ginsiring ni Ciro ha mga Israelita nga diri makakauli ha Jerusalem?

4. Ano an iginpadara ni Ciro ha mga mauli ha Jerusalem?

5. Mationan-o kaiha an pagbyahe han mga Israelita ngadto ha Jerusalem?

6. Pira ka tuig nga waray nag-ukoy ha Jerusalem?

Dugang nga pakiana:

1. Basaha an Isaias 44:28 ngan 45:1-4.

   1. Paonan-o pinabug-atan ni Jehova an pagkasigurado han katumanan han tagna mahitungod kan Ciro? (Isa. 55:10, 11; Roma 4:17)

   2. Ha tagna ni Isaias may kalabotan kan Ciro, ano an ipinapakita hito mahitungod han abilidad ni Jehova nga Dios ha pagsumat han tidaraon? (Isa. 42:9; 45:21; 46:10, 11; 2 Ped. 1:20)

2. Basaha an Esra 1:1-11.

   Ha pagsubad han susbaranan hadton waray umuli ha Jerusalem, paonan-o naton yana ‘mapaparig-on an mga kamot’ han mga aada ha bug-os panahon nga pag-alagad? (Esra 1:4, 6; Roma 12:13; Kol. 4:12)

Istorya 81

1. Pira kadamu an nagbyahe tikang ha Babilonya ngadto ha Jerusalem, kondi ano an ira nakita han inabot hira?

2. Ano an gintikangan han mga Israelita ha pagtukod han inabot hira, kondi ano an ginbuhat han ira mga kaaway?

3. Hin-o hira Hagay ngan Sakarias, ngan ano an ira iginsumat ha mga tawo?

4. Kay ano nga nagsurat hi Tatenay ngadto ha Babilonya, ngan ano an balos ha iya?

5. Ano an ginbuhat ni Esra han hinbaroan niya nga kinahanglan opayon an templo han Dios?

6. Ha retrato, ano an igin-aampo ni Esra, ano an baton ha iya pag-ampo, ngan ano an igintututdo hini ha aton?

Dugang nga pakiana:

1. Basaha an Esra 3:1-13.

   Kon mahingadto kita ha lugar nga waray kongregasyon han katawohan han Dios, ano an kinahanglan naton padayon nga buhaton? (Esra 3:3, 6; Buh. 17:16, 17; Heb. 13:15)

2. Basaha an Esra 4:1-7.

   Ano nga susbaranan an ipinakita ni Serubabel ha katawohan ni Jehova may kalabotan ha gintarampo nga gintotoohan? (Eks. 34:12; 1 Kor. 15:33; 2 Kor. 6:14-17)

3. Basaha an Esra 5:1-5, 17 ngan 6:1-22.

   1. Kay ano nga waray mapaundang han mga nakontra an pagtukod han templo? (Esra 5:5; Isa. 54:17)

   2. Paonan-o an ginbuhat han katigurangan han mga Judio nagdadasig ha Kristiano nga mga tigurang nga pangaroon an giya ni Jehova kon may-ada mga nakontra? (Esra 6:14; Sal. 32:8; Roma 8:31; Jak. 1:5)

4. Basaha an Esra 8:21-23, 28-36.

   Antes naton tikangan an usa nga buruhaton, ano an susbaranan ni Esra nga maopay naton subaron? (Esra 8:23; Sal. 127:1; Prob. 10:22; Jak. 4:13-15)

Istorya 82

1. Hin-o hira Mordekay ngan Ester?

2. Kay ano nga karuyag ni Hadi Ahasuerus hin bag-o nga asawa, ngan hin-o an iya ginpili?

3. Hin-o hi Haman, ngan ano an nakapasina gud ha iya?

4. Ano nga balaud an ginhimo, ngan ano an ginbuhat ni Ester han nakarawat niya an mensahe ni Mordekay?

5. Ano an nahitabo kan Haman, ngan ano an nahitabo kan Mordekay?

6. Paonan-o natalwas an mga Israelita tikang ha ira mga kaaway?

Dugang nga pakiana:

1. Basaha an Ester 2:12-18.

   Paonan-o ipinakita ni Ester an pagkaimportante han pagkultibar hin “maaghop ngan mabuot nga espiritu”? (Est. 2:15; 1 Ped. 3:1-5)

2. Basaha an Ester 4:1-17.

   Sugad la nga gintagan hin higayon hi Ester ha paggios para ha tinuod nga pagsingba, ano nga higayon an iginhatag ha aton yana basi ipakita an aton debosyon ngan pagkamaunungon kan Jehova? (Est. 4:13, 14; Mat. 5:14-16; 24:14)

3. Basaha an Ester 7:1-6.

   Paonan-o gin-atubang liwat han damu nga katawohan han Dios yana an pagtimaraot, sugad han ginbuhat ni Ester? (Est. 7:4; Mat. 10:16-22; 1 Ped. 2:12)

Istorya 83

1. Ano an inabat han mga Israelita han waray pa pader an syudad han Jerusalem?

2. Hin-o hi Nehemia?

3. Ano an trabaho ni Nehemia, ngan kay ano nga importante ito?

4. Ano nga sumat an nakapasubo kan Nehemia, ngan ano an iya ginbuhat?

5. Paonan-o nagpakita hi Hadi Artaherhes hin pagkabuotan kan Nehemia?

6. Paonan-o gin-organisa ni Nehemia an pagpader basi an mga Israelita diri mapaundang han ira mga kaaway?

Dugang nga pakiana:

1. Basaha an Nehemia 1:4-6 ngan 2:1-20.

   Paonan-o ginpangaro ni Nehemia an giya ni Jehova? (Neh. 2:4, 5; Roma 12:12; 1 Ped. 4:7)

2. Basaha an Nehemia 3:3-5.

   Ano an hibabaroan han mga tigurang ngan ministeryal ha kaibahan han Tekoitanhon ngan ha ira “mga noble”? (Neh. 3:5, 27; 2 Tes. 3:7-10; 1 Ped. 5:5)

3. Basaha an Nehemia 4:1-23.

   1. Ano an nagpagios ha mga Israelita nga ipadayon an pagpader bisan pa han duro nga pagkontra? (Neh. 4:6, 8, 9; Sal. 50:15; Isa. 65:13, 14)

   2. Ha ano nga paagi nakakadasig ha aton yana an susbaranan han mga Israelita?

4. Basaha an Nehemia 6:15.

   Tungod kay natapos an pader han Jerusalem ha sulod hin duha ka bulan, ano an ipinapakita hini may kalabotan ha gahum han pagtoo? (Sal. 56:3, 4; Mat. 17:20; 19:26)

Istorya 84

1. Hin-o an babaye ha retrato?

2. Ano an ginsiring ni Gabriel kan Maria?

3. Paonan-o iginsasay ni Gabriel kan Maria nga magbuburod hiya bisan kon waray pa hiya dirigi hin lalaki?

4. Ano an nahitabo han ginbisita ni Maria an iya paryente nga hi Elisabet?

5. Ano an ginhunahuna ni Jose han hinbaroan niya nga burod hi Maria, kondi kay ano nga nagbag-o an iya hunahuna?

Dugang nga pakiana:

1. Basaha an Lukas 1:26-56.

   1. Ano an ipinapakita han Lukas 1:35 may kalabotan ha napanunod nga pagkadiri-hingpit han selyula ni Maria han iginbalhin an kinabuhi han Anak han Dios tikang ha pagin espiritu? (Hag. 2:11-13; Juan 6:69; Heb. 7:26; 10:5)

   2. Paonan-o ginpasidunggan hi Jesus bisan kon waray pa hiya matawo? (Luk. 1:41-43)

   3. Ano nga susbaranan an iginpakita ni Maria ha mga Kristiano yana nga nakarawat hin espesyal nga pribilehiyo ha pag-alagad? (Luk. 1:38, 46-49; 17:10; Prob. 11:2)

2. Basaha an Mateo 1:18-25.

   Bisan kon hi Jesus waray ngarani nga Emanuel, ha ano nga paagi natuman an kahulogan hito han iya bahin sugad nga tawo? (Mat. 1:22, 23; Juan 14:8-10; Heb. 1:1-3)

Istorya 85

1. Hin-o an bata ha retrato, ngan diin hiya ginpahigda ni Maria?

2. Kay ano nga igin-anak hi Jesus ha kwadra?

3. Ha retrato, hin-o an kalalakin-an nga tisulod ha kwadra, ngan ano an iginsumat ha ira han anghel?

4. Kay ano nga espesyal hi Jesus?

5. Kay ano nga matatawag hi Jesus nga Anak han Dios?

Dugang nga pakiana:

1. Basaha an Lukas 2:1-20.

   1. Ano an nagin bahin ni Cesar Augusto ha katumanan han tagna may kalabotan ha katawo ni Jesus? (Luk. 2:1-4; Mika 5:2)

   2. Paonan-o an usa nga tawo mahimo magin kaupod hadton tinatawag sugad nga mga tawo nga maopay an kaburut-on? (Luk. 2:14; Mat. 16:24; Juan 17:3; Buh. 3:19; Heb. 11:6)

   3. Kon an mapainubsanon nga Judio nga mga magbarantay may-ada hinungdan nga malipay tungod ha katawo han Manluluwas, ano an mas daku nga hinungdan han kalipay han mga surugoon han Dios yana? (Luk. 2:10, 11; Efe. 3:8, 9; Pah. 11:15; 14:6)

Istorya 86

1. Ha retrato, hin-o ini nga kalalakin-an, ngan kay ano nga gintutudlok han usa ha ira an malamrag nga bitoon?

2. Kay ano nga nasina hi Hadi Herodes, ngan ano an iya iginpabuhat?

3. Ngain giyahi an kalalakin-an han malamrag nga bitoon, kondi kay ano nga binalik hira ha ira nasud pinaagi ha iba nga dalan?

4. Ano an iginsugo ni Herodes, ngan kay ano?

5. Ano an iginpabuhat ni Jehova kan Jose?

6. Hin-o an nagpalamrag han bag-o nga bitoon, ngan kay ano?

Dugang nga pakiana:

1. Basaha an Mateo 2:1-23.

   Pira an edad ni Jesus ngan diin hiya naukoy han ginbisita hiya han mga astrologo? (Mat. 2:1, 11, 16)

Istorya 87

1. Ha retrato, pira an edad ni Jesus, ngan hain hiya?

2. Ano an ginbubuhat ni Jose ha iya pamilya kada tuig?

3. Katapos hin usa ka adlaw nga pagbyahe tipauli, kay ano nga binalik ha Jerusalem hira Jose ngan Maria?

4. Diin hin-agian nira Jose ngan Maria hi Jesus, ngan kay ano nga nahipapausa an mga tawo didto?

5. Ano an ginsiring ni Jesus ha iya nanay nga hi Maria?

6. Paonan-o naton masusubad hi Jesus ha pag-aram mahitungod ha Dios?

Dugang nga pakiana:

1. Basaha an Lukas 2:41-52.

   1. Bisan kon mga lalaki la an ginsusugo han Balaud nga tumambong ha tinuig nga mga selebrasyon, ano nga susbaranan an ipinakita nira Jose ngan Maria para ha mga kag-anak yana? (Luk. 2:41; Deut. 16:16; 31:12; Prob. 22:6)

   2. Paonan-o hi Jesus nagpakita hin maopay nga susbaranan para ha mga batan-on yana may kalabotan ha pagin mapinasakupon ha ira mga kag-anak? (Luk. 2:51; Deut. 5:16; Prob. 23:22; Kol. 3:20)

2. Basaha an Mateo 13:53-56.

   Hira hin-o an upat nga bugto ni Jesus ha unod nga gin-unabi ha Biblia, ngan ha urhi, ha ano nga paagi gin-gamit an duha ha ira ha Kristiano nga kongregasyon? (Mat. 13:55; Buh. 12:17; 15:6, 13; 21:18; Gal. 1:19; Jak. 1:1; Jud. 1)

Istorya 88

1. Ha retrato, hin-o ini nga duha nga lalaki?

2. Paonan-o ginbabawtismohan an usa nga tawo?

3. Hin-o an kasagaran nga ginbabawtismohan ni Juan?

4. Ano an espesyal nga hinungdan ni Jesus ha iya pagpabawtismo kan Juan?

5. Paonan-o ipinakita han Dios nga nalipay Hiya han ginbawtismohan hi Jesus?

6. Ano an nahitabo han kinadto hi Jesus ha mamingaw nga lugar ha sulod hin 40 ka adlaw?

7. Hin-o an siyahan nga mga sumurunod o disipulo ni Jesus, ngan ano an siyahan nga milagro nga iya ginbuhat?

Dugang nga pakiana:

1. Basaha an Mateo 3:13-17.

   Ano nga susbaranan an iginhatag ni Jesus para ha karuyag magin iya mga disipulo? (Sal. 40:7, 8; Mat. 28:19, 20; Luk. 3:21, 22)

2. Basaha an Mateo 4:1-11.

   Tungod han kaabtik ni Jesus ha paggamit han Kasuratan, paonan-o kita nadadasig nga regular nga mag-aram han Biblia? (Mat. 4:5-7; 2 Ped. 3:17, 18; 1 Juan 4:1)

3. Basaha an Juan 1:29-51.

   Kan kanay gin-giyahan ni Juan nga Parabawtismo an iya mga disipulo, ngan paonan-o naton hiya masusubad yana? (Juan 1:29, 35, 36; 3:30; Mat. 23:10)

4. Basaha an Juan 2:1-12.

   Paonan-o ipinapakita han siyahan nga milagro ni Jesus nga iginhahatag ni Jehova ha iya mga surugoon an bisan ano nga maopay? (Juan 2:9, 10; Sal. 84:11; Jak. 1:17)

Istorya 89

1. Kay ano nga nagbabaligya hin mga hayop ha templo?

2. Kay ano nga nasina hi Jesus?

3. Sugad han imo nakikita ha retrato, ano an ginbuhat ni Jesus, ngan ano an iya iginsugo ha kalalakin-an nga nagbabaligya hin mga sarapati?

4. Ano an nahinumdoman han mga disipulo ni Jesus han nakita nira an iya ginbubuhat?

5. Ano nga distrito an gin-agian ni Jesus han nagbyahe hiya pabalik ha Galilea?

Dugang nga pakiana:

1. Basaha an Juan 2:13-25.

   Kon tatagdon naton an duro nga kasina ni Jesus ha mga parabalyo hin kwarta ha templo, ano an husto nga panhunahuna mahitungod han pagnegosyo ha Kingdom Hall? (Juan 2:15, 16; 1 Kor. 10:24, 31-33)

Istorya 90

1. Kay ano nga pinahuway hi Jesus ha atabay ha Samaria, ngan ano an iya ginsiring ha babaye didto?

2. Kay ano nga nahipausa an babaye, ano an ginsiring ni Jesus ha iya, ngan kay ano?

3. Ano nga tubig an ginsisiring ni Jesus, kondi ano nga klase hin tubig an nahunahuna han babaye?

4. Kay ano nahipausa an babaye han hinbabaroan ni Jesus mahitungod ha iya, ngan paonan-o hinbaroan ito ni Jesus?

5. Ano nga leksyon an aton hibabaroan ha asoy mahitungod han babaye ha atabay?

Dugang nga pakiana:

1. Basaha an Juan 4:5-43.

   1. Ha pagsubad han susbaranan ni Jesus, ano an sadang magin disposisyon naton ha mga tawo nga iba an rasa o kahimtang ha sosiedad? (Juan 4:9; 1 Kor. 9:22; 1 Tim. 2:3, 4; Tito 2:11)

   2. Ano nga espirituwal nga kapulsanan an nakakarawat hadton nagigin disipulo ni Jesus? (Juan 4:14; Isa. 58:11; 2 Kor. 4:16)

   3. Paonan-o naton maipapakita an aton apresasyon pariho han Samaritana nga naruyag gud pagsumat han iya hinbaroan? (Juan 4:7, 28; Mat. 6:33; Luk. 10:40-42)

Istorya 91

1. Ha retrato, diin nagtututdo hi Jesus, ngan hira hin-o an mga nalingkod hirani ha iya?

2. Ano an mga ngaran han 12 nga apostol?

3. Ano nga Ginhadian an iginsasangyaw ni Jesus?

4. Ano an igintutdo ni Jesus nga ig-ampo han mga tawo?

5. Ano an ginsiring ni Jesus mahitungod ha kon paonan-o sadang trataron an kada tagsa?

Dugang nga pakiana:

1. Basaha an Mateo 5:1-12.

   Ha ano nga paagi maipapakita naton nga matinagaron kita han aton espirituwal nga panginahanglan? (Mat. 5:3; Roma 10:13-15; 1 Tim. 4:13, 15, 16)

2. Basaha an Mateo 5:21-26.

   Paonan-o pinabubug-atan han Mateo 5:23, 24 nga an aton relasyon ha aton kabugtoan may-ada epekto ha aton relasyon kan Jehova? (Mat. 6:14, 15; Sal. 133:1; Kol. 3:13; 1 Juan 4:20)

3. Basaha an Mateo 6:1-8.

   Ano an pipira nga paagi han pagpakamatadong-ha-kalugaringon an sadang likyan han mga Kristiano? (Luk. 18:11, 12; 1 Kor. 4:6, 7; 2 Kor. 9:7)

4. Basaha an Mateo 6:25-34.

   Ano an igintutdo ni Jesus may kalabotan ha panginahanglan nga sumarig nga hi Jehova magtatagana ha aton hin materyal? (Eks. 16:4; Sal. 37:25; Fil. 4:6)

5. Basaha an Mateo 7:1-11.

   Ano an igintututdo ha aton han matin-aw nga ilustrasyon ha Mateo 7:5? (Prob. 26:12; Roma 2:1; 14:10; Jak. 4:11, 12)

Istorya 92

1. Hin-o an tatay han bata nga babaye ha retrato, ngan kay ano nga nababaraka hiya ngan an iya asawa?

2. Ano an ginbuhat ni Jairo han hinkit-an niya hi Jesus?

3. Ano an nahitabo han tipakadto hi Jesus ha balay ni Jairo, ngan ano nga mensahe an nakarawat ni Jairo samtang nagbibyahe?

4. Kay ano nga gintinawaan hi Jesus han mga tawo ha balay ni Jairo?

5. Katapos pasudlon ha kwarto han bata an tulo nga apostol ngan an tatay ngan nanay han bata, ano an ginbuhat ni Jesus?

6. Hin-o pa an ginbanhaw ni Jesus, ngan ano an ipinapakita hini?

Dugang nga pakiana:

1. Basaha an Lukas 8:40-56.

   Paonan-o ipinakita ni Jesus an iya pagpaid ngan pagin makatadunganon ha babaye nga inaagasan hin dugo, ngan ano an hibabaroan han Kristiano nga mga tigurang yana tikang hini? (Luk. 8:43, 44, 47, 48; Leb. 15:25-27; Mat. 9:12, 13; Kol. 3:12-14)

2. Basaha an Lukas 7:11-17.

   Kay ano nga adton namatayan hin hinigugma maliliaw gud ha inabat ni Jesus ha balo ha Nain? (Luk. 7:13; 2 Kor. 1:3, 4; Heb. 4:15)

3. Basaha an Juan 11:17-44.

   Paonan-o ipinakita ni Jesus nga normal la nga magtangis kon namamatayan hin hinigugma? (Juan 11:33-36, 38; 2 Sam. 18:33; 19:1-4)

Istorya 93

1. Ano an makangingirhat nga nahitabo kan Juan nga Parabawtismo, ngan tungod hito ano an inabat ni Jesus?

2. Ha ano nga paagi ginpakaon ni Jesus an damu nga tawo nga nagsunod ha iya, ngan pira kadamu an nahisalin nga pagkaon?

3. Kay ano nga han gab-i nahadlok an mga disipulo, ngan ano an nahitabo kan Pedro?

4. Ha ano nga paagi ginpakaon ni Jesus an yinukot nga tawo ha ikaduha nga higayon?

5. Kay ano nga makaruruyag gud kon magmando na hi Jesus ha tuna sugad nga Hadi han Dios?

Dugang nga pakiana:

1. Basaha an Mateo 14:1-32.

   1. Ano an iginsusumat han asoy ha Mateo 14:23-32 mahitungod han personalidad ni Pedro?

   2. Ano an ginsisiring han Kasuratan nga nagpapakita nga naghamtong na hi Pedro ngan diri na hiya agresibo? (Mat. 14:27-30; Juan 18:10; 21:7; Buh. 2:14, 37-40; 1 Ped. 5:6, 10)

2. Basaha an Mateo 15:29-38.

   Paonan-o inapresyar ni Jesus an materyal nga mga tagana tikang ha iya Amay? (Mat. 15:37; Juan 6:12; Kol. 3:15)

3. Basaha an Juan 6:1-21.

   Paonan-o masusubad han mga Kristiano yana an susbaranan ni Jesus may kalabotan ha pagtahod ha gobyerno? (Juan 6:15; Mat. 22:21; Roma 12:2; 13:1-4)

Istorya 94

1. Ano an ginlalantugian han mga apostol han nagbabaktas hira tipauli?

2. Kay ano nga gintawag ni Jesus an usa nga bata ngan ginpatukdaw ito ha atubangan han mga apostol?

3. Ha ano nga paagi sadang mahibaro an mga apostol nga magin pariho han kabataan?

4. Paglabay hin pipira ka bulan, paonan-o ipinakita ni Jesus nga hinigugma niya an kabataan?

Dugang nga pakiana:

1. Basaha an Mateo 18:1-4.

   Kay ano nga nagamit hi Jesus hin mga ilustrasyon ha pagtutdo? (Mat. 13:34, 36; Mar. 4:33, 34)

2. Basaha an Mateo 19:13-15.

   Ano nga mga kalidad han kabataan an kinahanglan naton subaron kon karuyag naton makarawat an mga bendisyon han Ginhadian? (Sal. 25:9; 138:6; 1 Kor. 14:20)

3. Basaha an Markos 9:33-37.

   Ano an igintutdo ni Jesus ha iya mga disipulo mahitungod han hingyap ha pagkaada hin katungdanan? (Mar. 9:35; Mat. 20:25, 26; Gal. 6:3; Fil. 2:5-8)

4. Basaha an Markos 10:13-16.

   Ha ano nga paagi masisiring nga masayon madaop hi Jesus, ngan ano an hibabaroan han Kristiano nga mga tigurang ha iya susbaranan? (Mar. 6:30-34; Fil. 2:1-4; 1 Tim. 4:12)

Istorya 95

1. Ano an iginpakiana han lalaki kan Jesus, ngan kay ano?

2. Ano an ginagamit usahay ni Jesus ha pagtutdo, ngan ano an hinbaroan na naton mahitungod han mga Judio ngan mga Samaritano?

3. Ha istorya ni Jesus, ano an nahitabo ha usa nga Judio nga linugsong tipakadto ha Jeriko?

4. Ano an nahitabo han inagi an Judio nga saserdote ngan an Lebihanon?

5. Ha retrato, hin-o an nabulig ha ginkastigo nga Judio?

6. Han matapos ni Jesus an istorya, ano an iya iginpakiana, ngan ano an baton han lalaki?

Dugang nga pakiana:

1. Basaha an Lukas 10:25-37.

   1. Imbes nga bumaton hin direkta, paonan-o ginbuligan ni Jesus nga mangatadongan an lalaki nga maaram gud han Balaud? (Luk. 10:26; Mat. 16:13-16)

   2. Paonan-o gin-gamit ni Jesus an mga ilustrasyon basi diri na magpasulabi an iya mamarati? (Luk. 10:36, 37; 18:9-14; Tito 1:9)

Istorya 96

1. Ano an ginbuhat ni Jesus samtang nagbibyahe hiya ha bug-os nga Israel?

2. Paglabay hin tulo ka tuig katapos bawtismohan hi Jesus, ano an iya ginsiring ha iya mga apostol?

3. Hin-o an mga tawo ha retrato, ngan ano an ginbuhat ni Jesus para ha babaye?

4. Kay ano nga naawod an mga lider han relihiyon ha ginsiring ni Jesus?

5. Han hirani na ha Jeriko hi Jesus ngan an iya mga apostol, ano an ginbuhat ni Jesus ha duha nga buta nga makililimos?

6. Kay ano nga nagbuhat hi Jesus hin mga milagro?

Dugang nga pakiana:

1. Basaha an Mateo 15:30, 31.

   Ano nga urusahon nga pagpakita han gahum ni Jehova an iginpahayag pinaagi kan Jesus, ngan ano an sadang magin epekto hito ha aton pagsabot ha iginsaad ni Jehova nga matutuman ha bag-o nga kalibotan? (Sal. 37:29; Isa. 33:24)

2. Basaha an Lukas 13:10-17.

   Tungod kay ginbuhat ni Jesus an pipira han iya pinakaurusahon nga milagro ha Sabbath, ano an ipinapakita hito may kalabotan ha klase hin katalwasan nga iya pagbubuhaton ha katawohan durante han iya Milenyo nga Pagmando? (Luk. 13:10-13; Sal. 46:9; Mat. 12:8; Kol. 2:16, 17; Pah. 21:1-4)

3. Basaha an Mateo 20:29-34.

   Paonan-o ipinapakita hini nga asoy nga diri gud okupado hi Jesus ha pagbulig ha mga tawo, ngan ano an aton mahibabaroan tikang hini? (Deut. 15:7; Jak. 2:15, 16; 1 Juan 3:17)

Istorya 97

1. Han inabot hi Jesus ha gutiay nga baryo nga hirani ha Jerusalem, ano an iya iginpabuhat ha iya mga disipulo?

2. Ha retrato, ano an nahitabo han hirani na hi Jesus ha syudad han Jerusalem?

3. Ano an ginbuhat han kabataan han nakita nira nga gintatambal ni Jesus an mga buta ngan piang?

4. Ano an ginsiring ni Jesus ha nasisina nga mga saserdote?

5. Ha ano nga paagi magigin pariho kita han kabataan nga nagdayaw kan Jesus?

6. Ano an karuyag hibaroan han mga disipulo?

Dugang nga pakiana:

1. Basaha an Mateo 21:1-17.

   1. Kay ano nga naiiba an pagsulod ni Jesus ha Jerusalem sugad nga Hadi kay ha magdaraog nga mga heneral ha panahon han mga Romano? (Mat. 21:4, 5; Sak. 9:9; Fil. 2:5-8; Kol. 2:15)

   2. Ano nga leksyon an mahibabaroan han mga batan-on tikang ha Israelita nga kabataan nga nagkotar han Salmo 118 samtang nasulod hi Jesus ha templo? (Mat. 21:9, 15; Sal. 118:25, 26; 2 Tim. 3:15; 2 Ped. 3:18)

2. Basaha an Juan 12:12-16.

   Ano an ginsisimbolohan han paggamit han mga sanga han palma han mga tawo nga nagdayaw kan Jesus? (Juan 12:13; Fil. 2:10; Pah. 7:9, 10)

Istorya 98

1. Ha retrato, hain hito nga kalalakin-an hi Jesus, ngan hin-o an iya mga kaupod?

2. Ano an karuyag buhaton han mga saserdote kan Jesus ha templo, ngan ano an iya ginsiring ha ira?

3. Ano an iginpakiana han mga apostol kan Jesus?

4. Kay ano nga iginsumat ni Jesus ha iya mga apostol an pipira nga mahitatabo ha tuna kon magmando na hiya sugad nga Hadi ha langit?

5. Sumala kan Jesus, ano an mahitatabo antes niya pagwad-on an ngatanan nga karaotan ha tuna?

Dugang nga pakiana:

1. Basaha an Mateo 23:1-39.

   1. Bisan kon ginsisiring han Kasuratan nga angayan an paggamit hin sekular nga mga titulo, ano an ipinapakita han ginsiring ni Jesus ha Mateo 23:8-11 may kalabotan ha paggamit hin mga titulo ha Kristiano nga kongregasyon? (Buh. 26:25; Roma 13:7; 1 Ped. 2:13, 14)

   2. Ano an gin-gamit han mga Pariseo basi pugngan an mga tawo nga magin Kristiano, ngan paonan-o ginagamit han mga lider han relihiyon yana an pariho nga mga taktika? (Mat. 23:13; Luk. 11:52; Juan 9:22; 12:42; 1 Tes. 2:16)

2. Basaha an Mateo 24:1-14.

   1. Paonan-o pinabug-atan ha Mateo 24:13 an pagkaimportante han pagpailob?

   2. Ano an kahulogan han pulong nga “kataposan” ha Mateo 24:13? (Mat. 16:27; Roma 14:10-12; 2 Kor. 5:10)

3. Basaha an Markos 13:3-10.

   Ano nga pulong ha Markos 13:10 an nagpapakita nga apurado gud an pagsangyaw han maopay nga sumat, ngan ano an sadang magin epekto ha aton han mga pulong ni Jesus? (Roma 13:11, 12; 1 Kor. 7:29-31; 2 Tim. 4:2)

Istorya 99

1. Sugad han makikita ha retrato, kay ano nga hi Jesus ngan an iya 12 nga apostol aada ha daku nga kwarto ha igbaw?

2. Hin-o an lalaki nga nabaya, ngan ano an iya bubuhaton?

3. Ano nga espesyal nga panihapon an gintikangan ni Jesus kahuman han panihapon han Paskua?

4. Ano nga hitabo an iginpapahinumdom han Paskua ha mga Israelita, ngan ano an iginpapahinumdom hinin espesyal nga panihapon ha mga sumurunod ni Jesus?

5. Han human na an Panihapon han Ginoo, ano an ginsiring ni Jesus ha iya mga sumurunod, katapos ano an ira ginbuhat?

Dugang nga pakiana:

1. Basaha an Mateo 26:14-30.

   1. Kay ano nga masisiring nga tinuyo an pagtraydor ni Judas sumala ha Mateo 26:15?

   2. Ano an duha nga katuyoan nga nahimo han iginbubo nga dugo ni Jesus? (Mat. 26:27, 28; Jer. 31:31-33; Efe. 1:7; Heb. 9:19, 20)

2. Basaha an Lukas 22:1-39.

   Ha ano nga paagi sinulod hi Satanas kan Judas? (Luk. 22:3; Juan 13:2; Buh. 1:24, 25)

3. Basaha an Juan 13:1-20.

   1. Sumala ha Juan 13:2, mababasol ba hi Judas ha iya ginbuhat, ngan ano nga leksyon an mahibabaroan han mga surugoon han Dios tikang hini? (Gen. 4:7; 2 Kor. 2:11; Gal. 6:1; Jak. 1:13, 14)

   2. Ano nga praktikal nga leksyon an iginhatag ni Jesus? (Juan 13:15; Mat. 23:11; 1 Ped. 2:21)

4. Basaha an Juan 17:1-26.

   Ano an karuyag ipasabot ni Jesus han nag-ampo hiya para ha iya mga sumurunod nga magin usa? (Juan 17:11, 21-23; Roma 13:8; 14:19; Kol. 3:14)

Istorya 100

1. Diin kadto hira Jesus ngan an iya apostol pagbaya nira ha kwarto ha igbaw, ngan ano an iya iginpabuhat ha ira?

2. Ano an hin-abotan ni Jesus han binalik hiya ha mga apostol, ngan pira ka beses ini nahitabo?

3. Hin-o an inabot ha hardin, ngan ano an ginbuhat ni Judas Iskariote, sugad han nakikita ha retrato?

4. Kay ano nga ginhadkan ni Judas hi Jesus, ngan ano an ginbuhat ni Pedro?

5. Ano an ginsiring ni Jesus kan Pedro, kondi kay ano nga waray mangaro hi Jesus ha Dios hin mga anghel?

Dugang nga pakiana:

1. Basaha an Mateo 26:36-56.

   1. Kay ano nga maopay nga susbaranan para ha Kristiano nga mga tigurang yana an paagi han pagsagdon ni Jesus ha iya mga disipulo? (Mat. 20:25-28; 26:40, 41; Gal. 5:17; Efe. 4:29, 31, 32)

   2. Ano an panhunahuna ni Jesus ha paggamit hin armas kontra ha igkasi-tawo? (Mat. 26:52; Luk. 6:27, 28; Juan 18:36)

2. Basaha an Lukas 22:39-53.

   Han nagpakita an anghel kan Jesus ha hardin han Getsemani ha pagparig-on ha iya, ipinapakita ba hini nga nagluya an pagtoo ni Jesus? Isaysay. (Luk. 22:41-43; Isa. 49:8; Mat. 4:10, 11; Heb. 5:7)

3. Basaha an Juan 18:1-12.

   Paonan-o ginpanalipdan ni Jesus an iya mga disipulo tikang ha mga nakontra ha iya, ngan ano nga leksyon an mahibabaroan naton tikang hini? (Juan 10:11, 12; 18:1, 6-9; Heb. 13:6; Jak. 2:25)

Istorya 101

1. Hin-o an siyahan nga responsable ha kamatayon ni Jesus?

2. Ano an ginbuhat han mga apostol han gindakop hi Jesus han mga lider han relihiyon?

3. Ano an nahitabo ha balay han hitaas nga saserdote nga hi Kaipas?

4. Kay ano nga binaya hi Pedro ngan nagtangis?

5. Katapos ibalik hi Jesus kan Pilato, ano an iginsinggit han punoan nga mga saserdote?

6. Ano an nahitabo kan Jesus temprano ha Biernes nga kulop, ngan ano an iya iginsaad ha kriminal nga iginraysang ha kahoy tupad niya?

7. Diin mahimumutang an Paraiso nga gin-unabi ni Jesus?

Dugang nga pakiana:

1. Basaha an Mateo 26:57-75.

   Ha ano nga paagi ipinakita han mga membro han Judio nga hitaas nga hukmanan nga maraot gud an ira kasingkasing? (Mat. 26:59, 67, 68)

2. Basaha an Mateo 27:1-50.

   Kay ano nga masisiring naton nga diri kinasingkasing an pagbasol ni Judas? (Mat. 27:3, 4; Mar. 3:29; 14:21; 2 Kor. 7:10, 11)

3. Basaha an Lukas 22:54-71.

   Ano nga leksyon an mahibabaroan naton han pagnigar ni Pedro kan Jesus ha gab-i han igintubyan ngan gindakop hi Jesus? (Luk. 22:60-62; Mat. 26:31-35; 1 Kor. 10:12)

4. Basaha an Lukas 23:1-49.

   Ano an reaksyon ni Jesus ha kawaray-hustisya nga ginbuhat ha iya, ngan ano an aton mahibabaroan tikang hini? (Luk. 23:33, 34; Roma 12:17-19; 1 Ped. 2:23)

5. Basaha an Juan 18:12-40.

   Ano an ipinapakita nga bisan kon nagluya hin madaliay hi Pedro tungod ha kahadlok ha tawo, nagrig-on hiya ngan nagin maopay gud nga apostol? (Juan 18:25-27; 1 Kor. 4:2; 1 Ped. 3:14, 15; 5:8, 9)

6. Basaha an Juan 19:1-30.

   1. Ano an timbang nga panhunahuna ni Jesus ha materyal nga mga butang? (Juan 2:1, 2, 9, 10; 19:23, 24; Mat. 6:31, 32; 8:20)

   2. Kay ano nga an mga pulong ni Jesus han tikamatay hiya usa nga kapahayagan nga dapig hiya ha pagkasoberano ni Jehova? (Juan 16:33; 19:30; 2 Ped. 3:14; 1 Juan 5:4)

Istorya 102

1. Ha retrato, hin-o an babaye, hin-o an duha nga lalaki, ngan hain hira?

2. Kay ano nga ginsidngan ni Pilato an mga saserdote nga magsugo hin mga sundalo basi bantayan an lubnganan ni Jesus?

3. Ano an ginbuhat han anghel han kaagahon han ikatulo ka adlaw tikang nga namatay hi Jesus, kondi ano an ginbuhat han mga saserdote?

4. Kay ano nga nahipausa an pipira nga kababayin-an han ginbisita nira an lubnganan ni Jesus?

5. Kay ano nga dinalagan hira Pedro ngan Juan ngadto ha lubnganan ni Jesus, ngan ano an ira nakita?

6. Ano an nahitabo ha lawas ni Jesus, kondi ano an iya ginbuhat basi ipakita ha mga disipulo nga buhi hiya?

Dugang nga pakiana:

1. Basaha an Mateo 27:62-66 ngan 28:1-15.

   Ha kabanhaw ni Jesus, kay ano nga nakasala ha baraan nga espiritu an punoan nga mga saserdote, mga Pariseo, ngan katigurangan? (Mat. 12:24, 31, 32; 28:11-15)

2. Basaha an Lukas 24:1-12.

   Ha ano nga paagi ipinapakita han asoy han pagkabanhaw ni Jesus nga gintatagad ni Jehova an kababayin-an sugad nga masasarigan nga mga testigo? (Luk. 24:4, 9, 10; Mat. 28:1-7)

3. Basaha an Juan 20:1-12.

   Ha ano nga paagi nabulig ha aton an Juan 20:8, 9 nga masantop nga kinahanglan maghulat kita kon diri naton bug-os nga nasasabtan an katumanan han tagna ha Biblia? (Prob. 4:18; Mat. 17:22, 23; Luk. 24:5-8; Juan 16:12)

Istorya 103

1. Ano an ginsiring ni Maria ha lalaki nga kahuna niya nga hardinero, kondi kay ano nga nasantop ni Maria nga hiya hi Jesus?

2. Ano an nahitabo ha duha nga disipulo nga nagbabaktas ngadto ha baryo han Emaus?

3. Ano an urusahon nga nahitabo han nagsumat an duha nga disipulo ha mga apostol nga hinkit-an nira hi Jesus?

4. Pira ka beses nagpakita hi Jesus ha iya mga sumurunod?

5. Ano an ginsiring ni Tomas han hinbatian niya nga hinkit-an han mga disipulo an Ginoo, kondi ano an nahitabo paglabay hin walo ka adlaw?

Dugang nga pakiana:

1. Basaha an Juan 20:11-29.

   Nagsiring ba hi Jesus ha Juan 20:23 nga may awtoridad an mga tawo ha pagpasaylo han mga sala? Isaysay. (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2)

2. Basaha an Lukas 24:13-43.

   Ha ano nga paagi maiaandam naton an aton kasingkasing basi karawaton an mga kamatuoran ha Biblia? (Luk. 24:32, 33; Esra 7:10; Mat. 5:3; Buh. 16:14; Heb. 5:11-14)

Istorya 104

1. Pira nga disipulo an nakakita kan Jesus ha usa nga higayon, ngan ano an ginsiring ni Jesus ha ira?

2. Ano an Ginhadian han Dios, ngan ano an magigin kahimtang han kinabuhi ha tuna kon magmando na hi Jesus sugad nga Hadi ha usa ka yukot ka tuig?

3. Pira ka adlaw nagpakita hi Jesus ha iya mga disipulo, kondi panahon na nga buhaton niya an ano?

4. Antes bayaan ni Jesus an iya mga disipulo, ano an iya iginpabuhat ha ira?

5. Ha retrato, ano an nahitatabo, ngan ha ano nga paagi waray na makita hi Jesus?

Dugang nga pakiana:

1. Basaha an 1 Korinto 15:3-8.

   Kay ano nga bug-os an pagsarig ni apostol Pablo ha pagyakan mahitungod han pagkabanhaw ni Jesus, ngan mahitungod ha ano may pagsarig nga nagyayakan an mga Kristiano yana? (1 Kor. 15:4, 7, 8; Isa. 2:2, 3; Mat. 24:14; 2 Tim. 3:1-5)

2. Basaha an Buhat 1:1-11.

   Tubtob diin na an pagsangyaw nga buruhaton, sugad han igintagna ha Buhat 1:8? (Buh. 6:7; 9:31; 11:19-21; Kol. 1:23)

Istorya 105

1. Ha retrato, ano an nahitabo ha mga sumurunod ni Jesus nga naghuhulat ha Jerusalem?

2. Kay ano nga nahipausa an mga bisita nga kinadto ha Jerusalem?

3. Ano an iginsaysay ni Pedro ha mga tawo?

4. Ano an inabat han mga tawo han hinbatian nira an ginsiring ni Pedro, ngan ano an iya iginpabuhat ha ira?

5. Pira an nabawtismohan ha adlaw han Pentekostes, 33 K.P.?

Dugang nga pakiana:

1. Basaha an Buhat 2:1-47.

   1. Paonan-o ipinapakita han ginsiring ni Pedro ha Buhat 2:23, 36 nga an bug-os nga Judio nga nasud may baratunon ha kamatayon ni Jesus? (1 Tes. 2:14, 15)

   2. Paonan-o ipinakita ni Pedro an maopay nga susbaranan han pangatadongan tikang ha Kasuratan? (Buh. 2:16, 17, 29, 31, 36, 39; Kol. 4:6)

   3. Ha ano nga paagi gin-gamit ni Pedro an siyahan han “mga yawi han ginhadian han langit,” nga iginsaad ni Jesus nga ihahatag ha iya? (Buh. 2:14, 22-24, 37, 38; Mat. 16:19)

Istorya 106

1. Ano an nahitabo kanda Pedro ngan Juan ha usa ka kulop samtang tikadto hira ha templo?

2. Ano an ginsiring ni Pedro ha baldado nga tawo, ngan ano an iginhatag ni Pedro ha iya nga mas birilhon kay ha kwarta?

3. Kay ano nga nasina an mga lider han relihiyon, ngan ano an ira ginbuhat kanda Pedro ngan Juan?

4. Ano an ginsiring ni Pedro ha mga lider han relihiyon, ngan ano an ira iginpahamangno ha mga apostol?

5. Kay ano nga naawa an mga lider han relihiyon, kondi ano an nahitabo han ginpriso an mga apostol ha ikaduha nga higayon?

6. Ano an baton han mga apostol han gindara hira ha Sanhedrin?

Dugang nga pakiana:

1. Basaha an Buhat 3:1-10.

   Bisan kon waray kita hatagi hin gahum ha pagbuhat hin mga milagro yana, paonan-o an ginsiring ni Pedro ha Buhat 3:6 nabulig ha aton nga apresyaron an bili han mensahe han Ginhadian? (Juan 17:3; 2 Kor. 5:18-20; Fil. 3:8)

2. Basaha an Buhat 4:1-31.

   Kon ginkukontra kita ha ministeryo, ha ano nga paagi masusubad naton an aton Kristiano nga kabugtoan ha siyahan nga siglo? (Buh. 4:29, 31; Efe. 6:18-20; 1 Tes. 2:2)

3. Basaha an Buhat 5:17-42.

   Paonan-o nagpakita hin pagkamakatadunganon may kalabotan ha pagsangyaw an pipira nga diri-Saksi, hadto ngan yana? (Buh. 5:34-39)

Istorya 107

1. Hin-o hi Esteban, ngan ginbuligan hiya han Dios nga buhaton an ano?

2. Ano an ginsiring ni Esteban nga nakapasina gud ha mga lider han relihiyon?

3. Han gindanas han kalalakin-an hi Esteban ha gawas han syudad, ano an ira ginbuhat ha iya?

4. Ha retrato, hin-o an lalaki nga nagbabantay han panggawas nga mga bado?

5. Antes mamatay hi Esteban, ano an iya igin-ampo kan Jehova?

6. Ha pagsubad kan Esteban, ano an sadang naton buhaton kon may-ada nagbubuhat ha aton hin maraot?

Dugang nga pakiana:

1. Basaha an Buhat 6:8-15.

   Ano nga mga panlimbong an ginagamit han mga lider han relihiyon basi umundang ha pagsangyaw an mga Saksi ni Jehova? (Buh. 6:9, 11, 13)

2. Basaha an Buhat 7:1-60.

   1. Ano an nakabulig kan Esteban nga magin epektibo ha pagdepensa han maopay nga sumat ha Sanhedrin, ngan ano an aton mahibabaroan tikang ha iya susbaranan? (Buh. 7:51-53; Roma 15:4; 2 Tim. 3:14-17; 1 Ped. 3:15)

   2. Ano nga disposisyon an sadang naton kultibaron ha mga nakontra ha aton buruhaton? (Buh. 7:58-60; Mat. 5:44; Luk. 23:33, 34)

Istorya 108

1. Ano an ginbuhat ni Saulo katapos patayon hi Esteban?

2. Han tikadto hi Saulo ha Damasko, ano an urusahon nga nahitabo?

3. Ano an iginpabuhat ni Jesus kan Saulo?

4. Ano an instruksyon ni Jesus kan Ananias, ngan ha ano nga paagi nakakita utro hi Saulo?

5. Nagin kilala hi Saulo ha ano nga ngaran, ngan gin-gamit hiya ha ano nga buruhaton?

Dugang nga pakiana:

1. Basaha an Buhat 8:1-4.

   Ha ano nga paagi nakabulig an pagkontra ha bag-o la nga naestablisar nga Kristiano nga kongregasyon basi maipasarang an Kristiano nga pagtoo, ngan ano an pariho hito nga nahitatabo yana? (Buh. 8:4; Isa. 54:17)

2. Basaha an Buhat 9:1-20.

   Ano an tulo nga misyon nga iginpahayag ni Jesus nga nahunahuna niya para kan Saulo? (Buh. 9:15; 13:5; 26:1; 27:24; Roma 11:13)

3. Basaha an Buhat 22:6-16.

   Ha ano nga paagi magigin pariho kita kan Ananias, ngan kay ano nga importante ito? (Buh. 22:12; 1 Tim. 3:7; 1 Ped. 1:14-16; 2:12)

4. Basaha an Buhat 26:8-20.

   Ha ano nga paagi nakakadasig ha may-ada diri-tumuroo nga padis yana an kakombirte ni Saulo ha Kristianidad? (Buh. 26:11; 1 Tim. 1:14-16; 2 Tim. 4:2; 1 Ped. 3:1-3)

Istorya 109

1. Ha retrato, hin-o an lalaki nga nayukbo?

2. Ano an ginsiring han anghel kan Cornelio?

3. Ano an ipinakita han Dios kan Pedro han nakadto hiya ha atop han balay ni Simon ha Jope?

4. Kay ano nga ginsidngan ni Pedro hi Cornelio nga diri hiya angay yumukbo ngan magsingba ha iya?

5. Kay ano nga nahipausa an Judio nga mga disipulo nga kaupod ni Pedro?

6. Ano nga importante nga leksyon an sadang hibaroan naton han pagbisita ni Pedro kan Cornelio?

Dugang nga pakiana:

1. Basaha an Buhat 10:1-48.

   Ano an ipinapakita han ginsiring ni Pedro ha Buhat 10:42 mahitungod han pagsangyaw han maopay nga sumat han Ginhadian? (Mat. 28:19; Mar. 13:10; Buh. 1:8)

2. Basaha an Buhat 11:1-18.

   Ano nga disposisyon an ipinakita ni Pedro han nagin matin-aw an sugo ni Jehova mahitungod ha mga Hentil, ngan paonan-o naton masusubad hiya? (Buh. 11:17, 18; 2 Kor. 10:5; Efe. 5:17)

Istorya 110

1. Hin-o an batan-on ha retrato, diin hiya naukoy, ngan ano an ngaran han iya nanay ngan han iya lola?

2. Ano an baton ni Timoteo han ginpakianhan hiya ni Pablo kon karuyag niya umupod ha ira ni Silas ha pagsangyaw ha mga tawo ha higrayo nga lugar?

3. Diin siyahan nga gintawag nga mga Kristiano an mga sumurunod ni Jesus?

4. Ano nga mga syudad an ginbisita nira Pablo, Silas, ngan Timoteo han binaya hira ha Listra?

5. Ha ano nga paagi ginbuligan ni Timoteo hi Pablo, ngan ano an sadang igpakiana han mga batan-on yana ha ira kalugaringon?

Dugang nga pakiana:

1. Basaha an Buhat 9:19-30.

   Paonan-o nagin maikmat hi Pablo han ginkontra hiya tungod han maopay nga sumat? (Buh. 9:22-25, 29, 30; Mat. 10:16)

2. Basaha an Buhat 11:19-26.

   Paonan-o ipinapakita han asoy ha Buhat 11:19-21, 26 nga ginigiyahan han espiritu ni Jehova an pagsangyaw nga buruhaton?

3. Basaha an Buhat 13:13-16, 42-52.

   Paonan-o ipinapakita han Buhat 13:51, 52 nga waray tumugot an mga disipulo nga paluyahon hira han pagkontra? (Mat. 10:14; Buh. 18:6; 1 Ped. 4:14)

4. Basaha an Buhat 14:1-6, 19-28.

   Ha ano nga paagi nabulig ha aton an mga pulong nga “ira igintubyan hira ha Ginoo” basi maibanan an aton duro nga kabaraka samtang ginbubuligan naton an mga bag-ohan? (Buh. 14:21-23; 20:32; Juan 6:44)

5. Basaha an Buhat 16:1-5.

   Ha ano nga paagi nga an pagsunod ni Timoteo ha pagpaturi nagpapabug-at han pagkaimportante han pagbuhat han ‘ngatanan nga bagay tungod han maopay nga sumat’? (Buh. 16:3; 1 Kor. 9:23; 1 Tes. 2:8)

6. Basaha an Buhat 18:1-11, 18-22.

   Ano an ipinapakita han Buhat 18:9, 10 may kalabotan han paggiya ni Jesus ha pagsangyaw nga buruhaton, ngan ha ano kita makakasarig yana tungod hito? (Mat. 28:20)

Istorya 111

1. Ha retrato, hin-o an bata nga nahigda ha tuna, ngan ano an nahitabo ha iya?

2. Ano an ginbuhat ni Pablo han nakita niya nga patay na an bata?

3. Makain hira Pablo, Timoteo, ngan adton ira kaupod ha byahe, ngan ano an nahitabo han dinuong hira ha Mileto?

4. Ano an iginpahamangno ni propeta Agabo kan Pablo, ngan natuman gud ba an iya igintagna?

Dugang nga pakiana:

1. Basaha an Buhat 20:7-38.

   1. Ha ano nga paagi magpapabilin kita nga limpyo “tikang ha dugo han ngatanan” nga tawo, sumala ha ginsiring ni Pablo ha Buhat 20:26, 27? (Esek. 33:8; Buh. 18:6, 7)

   2. Kay ano nga an mga tigurang sadang kumapot hin marig-on ha masasarigan nga pulong kon nagtututdo? (Buh. 20:17, 29, 30; Tito 1:7-9; 2 Tim. 1:13)

2. Basaha an Buhat 26:24-32.

   Paonan-o gin-gamit ni Pablo an iya Romano nga pagkatuminungnong ha pagtuman han sugo ni Jesus nga pagsangyaw? (Buh. 9:15; 16:37, 38; 25:11, 12; 26:32; Luk. 21:12, 13)

Istorya 112

1. Ano an nahitabo ha barko nga ginsasakyan ni Pablo han inagi ito ha isla hirani ha Kreta?

2. Ano an ginsiring ni Pablo ha mga sakay han barko?

3. Kay ano nga naguba an barko?

4. Ano an ginsiring han opisyal nga sundalo nga bantay nira, ngan pira an talwas nga nakaabot ha baybayon?

5. Ano an ngaran han isla nga ira ginlusaran, ngan ano an nahitabo kan Pablo han maopay na an panahon?

Dugang nga pakiana:

1. Basaha an Buhat 27:1-44.

   Paonan-o napaparig-on an aton pagsarig ha pagkahusto han rekord han Biblia kon ginbabasa naton an asoy mahitungod han pagbyahe ni Pablo ngadto ha Roma? (Buh. 27:16-19, 27-32; Luk. 1:3; 2 Tim. 3:16, 17)

2. Basaha an Buhat 28:1-14.

   Kon an pagano nga mga umurukoy han Malta napagios nga magpakita hin talagsahon nga pagkabuotan kan Pablo ngan ha iya mga kaupod ha naguba nga barko, sadang mapagios an mga Kristiano nga magpakita hin ano ngan labi na ha ano nga paagi? (Buh. 28:1, 2; Heb. 13:1, 2; 1 Ped. 4:9)

Istorya 113

1. Hira hin-o an ginsangyawan ni Pablo samtang priso hiya ha Roma?

2. Ha retrato, hin-o an bisita nga aada ha lamesa, ngan ano an iya ginbubuhat para kan Pablo?

3. Hin-o hi Epaprodito, ngan ano an iya dadad-on pagbalik ha Filipos?

4. Kay ano nga nagsurat hi Pablo ha iya duok nga sangkay nga hi Filemon?

5. Ano an ginbuhat ni Pablo han nakagawas hiya, ngan ano an nahitabo ha iya katapos hito?

6. Hin-o an gin-gamit ni Jehova ha pagsurat han kataposan nga mga libro han Biblia, ngan ano an iginsusumat ha aton han Pahayag?

Dugang nga pakiana:

1. Basaha an Buhat 28:16-31 ngan Filipos 1:13.

   Ha ano nga paagi gin-gamit ni Pablo an iya panahon samtang priso hiya ha Roma, ngan ano an epekto ha Kristiano nga kongregasyon han iya marig-on nga pagtoo? (Buh. 28:23, 30; Fil. 1:14)

2. Basaha an Filipos 2:19-30.

   Ano nga apresasyon an iginpahayag ni Pablo para kan Timoteo ngan Epaprodito, ngan ha ano nga paagi masusubad naton hi Pablo? (Fil. 2:20, 22, 25, 29, 30; 1 Kor. 16:18; 1 Tes. 5:12, 13)

3. Basaha an Filemon 1-25.

   1. Ha ano iginbasar an pagsagda ni Pablo kan Filemon nga buhaton an husto, ngan paonan-o nabulig ini ha mga tigurang yana? (Filem. 9; 2 Kor. 8:8; Gal. 5:13)

   2. Paonan-o ipinakita han ginsiring ni Pablo ha Filemon 13, 14 nga iya gintahod an konsensya han iba ha kongregasyon? (1 Kor. 8:7, 13; 10:31-33)

4. Basaha an 2 Timoteo 4:7-9.

   Pariho kan apostol Pablo, kay ano nga makakasarig kita nga babalosan kita ni Jehova kon magpabilin kita nga matinumanon tubtob ha kataposan? (Mat. 24:13; Heb. 6:10)

Istorya 114

1. Kay ano nga nag-uunabi an Biblia hin mga kabayo ha langit?

2. Ano an ngaran han girra han Dios ha magraot nga tawo dinhi ha tuna, ngan ano an katuyoan hini nga girra?

3. Ha retrato, hin-o an nangunguna ha pakig-away, kay ano nga nakasul-ot hiya hin korona han usa nga hadi, ngan ano an iginpapasabot han iya espada?

4. Ha Istorya 10, 15, ngan 33, kay ano nga diri kita sadang mahipausa nga bubungkagon han Dios an magraot nga tawo?

5. Paonan-o ipinapakita han Istorya 36, ngan 76 nga bubungkagon han Dios an magraot nga tawo bisan kon nag-aangkon hira nga nagsisingba ha iya?

Dugang nga pakiana:

1. Basaha an Pahayag 19:11-16.

   1. Paonan-o iginpapatin-aw han Kasuratan nga hi Jesu-Kristo an nasakay ha busag nga kabayo? (Pah. 1:5; 3:14; 19:11; Isa. 11:4)

   2. Paonan-o an dugo nga iginwisik ha panggawas nga panapton ni Jesus nagpapasabot nga sigurado ngan bug-os an iya kadaogan? (Pah. 14:18-20; 19:13)

   3. Hira hin-o an posible nga kaupod ha kasundalohan nga nasunod kan Jesus ha iya busag nga kabayo? (Pah. 12:7; 19:14; Mat. 25:31, 32)

Istorya 115

1. Ano nga mga kahimtang an iginsasaysay ha Biblia nga aton pahihimulsan ha Paraiso ha tuna?

2. Ano an saad han Biblia para hadton maukoy ha Paraiso?

3. San-o sisiguruhon ni Jesus nga matuman inin urusahon nga pagbag-o?

4. Han nakanhi hi Jesus ha tuna, ano an iya ginbuhat basi ipakita an iya pagbubuhaton sugad nga Hadi han Ginhadian han Dios?

5. Ano an sisiguruhon ni Jesus ngan han iya langitnon nga mga igkasi-magmarando kon magmando na hira ha tuna tikang ha langit?

Dugang nga pakiana:

1. Basaha an Pahayag 5:9, 10.

   Kay ano nga makakasarig kita nga adton magmamando ha tuna durante han Milenyo nga Pagmando magigin mapinairon ngan maloloy-on nga mga hadi ngan saserdote? (Efe. 4:20-24; 1 Ped. 1:7; 3:8; 5:6-10)

2. Basaha an Pahayag 14:1-3.

   Ano an iginpapasabot han ngaran han Amay ngan ngaran han Kordero nga nahisurat ha mga agtang han 144,000? (1 Kor. 3:23; 2 Tim. 2:19; Pah. 3:12)

Istorya 116

1. Ano an kinahanglan naton hibaroan kon karuyag naton mabuhi ha waray kataposan?

2. Paonan-o kita mahibabaro mahitungod kan Jehova nga Dios ngan kan Jesus, sugad han makikita ha retrato nga ginbubuhat han gutiay nga bata ngan han iya kasangkayan?

3. Ano an usa pa nga libro nga imo nakikita ha retrato, ngan kay ano nga sadang naton basahon ito pirme?

4. Gawas pa han paghibaro mahitungod kan Jehova ngan kan Jesus, ano pa an kinahanglan basi magkaada kinabuhi nga waray kataposan?

5. Ano nga leksyon an aton mahibabaroan ha Istorya 69?

6. Ano an ipinapakita han susbaranan han batan-on nga hi Samuel ha Istorya 55?

7. Ha ano nga paagi masusubad naton hi Jesu-Kristo, ngan kon bubuhaton naton ito, ano an mahitatabo ha aton ha tidaraon?

Dugang nga pakiana:

1. Basaha an Juan 17:3.

   Paonan-o ipinapakita han Kasuratan nga an pagkuha hin kahibaro mahitungod kan Jehova nga Dios ngan kan Jesu-Kristo diri la kay pagmemorya hin mga impormasyon? (Mat. 7:21; Jak. 2:18-20; 1 Juan 2:17)

2. Basaha an Salmo 145:1-21.

   1. Ano an pipira han aton damu nga hinungdan ha pagdayaw kan Jehova? (Sal. 145:8-11; Pah. 4:11)

   2. Ha ano nga paagi hi Jehova “maopay ha ngatanan,” ngan tungod hito paonan-o kita nagigin mas duok ha iya? (Sal. 145:9; Mat. 5:43-45)

   3. Kon hinigugma naton hi Jehova, mapapagios kita nga buhaton an ano? (Sal. 119:171, 172, 175; 145:11, 12, 21)