SEKSYON 3
Mga Suruklan han Ginhadian—Pagpamiling han Katadongan han Dios
NAKITA mo an iyo amyaw ngan hiniyom ka ha iya. Naabat ka nga baga hin nag-iinobserbar hiya ha imo ngan ha imo pamilya. Han nakita ka niya hiniyom liwat hiya ngan ginkampay ka. Hiya siniring: “Puydi ba ako magpakiana? Kay ano nga naiiba kamo?” Binaton ka: “Ano an imo karuyag sidngon?” Hiya siniring: “Mga Saksi ni Jehova kamo, diri ba? Iba kamo. Diri kamo pariho han iba nga relihiyon. Diri kamo nagsasaurog hin piyesta, ngan diri nakikigbahin ha politika ngan girra. Diri liwat kamo nagsisigarilyo. Ngan baga hin hitaas an moral han iyo pamilya. Kay ano nga naiiba man gud kamo?”
Maaram ka nga simple la an baton: Nagkikinabuhi kita ilarom han pagmando han Ginhadian han Dios. Sugad nga Hadi, hi Jesus padayon nga nag-uuray ha aton. Ginbubuligan kita niya ha paglakat uyon han iya mga pitad basi makita nga naiiba kita hinin maraot nga kalibotan. Dinhi hini nga seksyon, hibabaroan naton kon paonan-o gin-uuray han Mesianiko nga Ginhadian an katawohan han Dios ha espirituwal, moral, ngan ha organisasyonal nga paagi—ngatanan ha kadayawan ni Jehova.
HINI NGA SEKSYON
KAPITULO 11
Mga Pag-uray ha Moral—Nagpapakita han Pagkabaraan han Dios
An mga kwarto han mga gwardya ngan an mga entrada han templo ha bisyon ni Esekiel may-ada espesyal nga kahulogan para ha katawohan han Dios tikang pa han 1914.
KAPITULO 12
Organisado ha Pag-alagad ha “Dios han Kamurayawan”
Igintanding han Biblia an kasamokan diri ha kahapsay, kondi ha kamurayawan. Kay ano? Paonan-o an baton hito nakakaapekto ha mga Kristiano yana?