Antes han pag-aram

1. 1. Pangandam hin maopay. Hunahunaa an panginahanglan, kahimtang, ngan gintotoohan han imo study. Hunahunaa kon ano nga mga punto an bangin makurian hiya ha pagsabot o pag-aplikar, kon paonan-o an mga publikasyon ha seksyon nga “Dugang nga Impormasyon” bangin makabulig ha imo study, ngan kon kinahanglan, magin andam ha paggamit hito ha iyo pag-aram.

Ha panahon han pag-aram

1. 2. Kon natugot an imo study, tikangi ngan taposa an pag-aram pinaagi hin pag-ampo.

2. 3. Likayi an pagyinakan hin damu. Pagpokus ha kon ano an aada ha publikasyon, ngan tuguti an imo study nga isumat an aada ha iya kasingkasing.

3. 4. Kon nagtitikang hin bag-o nga seksyon, basaha an pokus para hito nga seksyon ngan pabug-ati an pipira nga ulohan han mga leksyon.

4. 5. Katapos han kada seksyon, gamita an repaso ha seksyon basi buligan an imo study nga mahinumdoman an mga kamatuoran nga iya nahibaroan.

5.  6. Ha paghisgot han tagsa nga leksyon dapat:

   1. Basahon an mga parapo ha siyahan nga bahin.

   2. Basahon an ngatanan nga teksto nga may nakasurat nga “Basaha.”

   3. Basahon an iba nga teksto kon kinahanglan.

   4. Kitaon an ngatanan nga video nga may nakasurat nga “I-play” (kon available ito).

   5. Ipakiana ha study an tagsa nga pakiana.

   6. Ipakita ha study an piktyur ha “Dugang nga Usisaha,” ngan pakomentuhi ito ha iya.

   7. Gamiton an kahon nga “An puydi mo buhaton” basi buligan an imo study nga makita an iya pag-uswag. Puydi mo hiya dasigon nga buhaton an aada ha kahon, maghimo hin iba nga goal, o buhaton ito nga duha.

   8. Pakianhan an study kon ha iya pagpangandam may naruyagan hiya nga artikulo o video ha seksyon nga “Dugang nga Impormasyon.”

   9. Pangalimbasogan nga tapuson an tagsa nga leksyon ha kada pag-aram.

Katapos han pag-aram

1. 7. Padayon nga hunahunaa an imo study. Ig-ampo kan Jehova nga bendisyonan an pag-uswag han imo study ngan tagan ka hin kinaadman basi mahibaroan kon paonan-o hiya bubuligan.