APENDISE
Kon Paonan-o Igintagna an Pag-abot han Mesias ha Tagna ni Daniel
AN PROPETA nga hi Daniel nabuhi sobra 500 ka tuig antes matawo hi Jesus. Kondi, nagpahayag hi Jehova kan Daniel hin impormasyon nga pinaagi hito posible nga hibaroan kon san-o hi Jesus didihogan, o pipilion, sugad nga Mesias, o Kristo. Hi Daniel ginsumatan: “Hibaroi ngan kilalaha, nga tikang ha paggawas han sugo ha pagpahiuli ngan pagtukod han Jerusalem ngadto ha dinihogan nga usa, an prinsipe [“Mesias nga Lider,” NW], mapipito ka semana, ngan kaunman kag duha ka semana.”
Basi masiguro an panahon han pag-abot han Mesias, kinahanglan hibaroan anay naton an tinikangan han peryodo nga magtutugway ha pag-abot han Mesias. Sumala ha tagna, amo ito an “tikang ha paggawas han sugo ha pagpahiuli ngan pagtukod han Jerusalem.” Kakan-o nahitabo ini nga “paggawas han sugo”? Sumala ha parasurat han Biblia nga hi Nehemia, iginpagawas an sugo ha pagtukod utro han mga pader ha palibot han Jerusalem “ha ikakaruhaan ka tuig ni hadi Artaherhes.” (Nehemia 2:
Iginpapasabot ni Daniel kon mationan-o kahilawig an peryodo han panahon nga magtutugway ha pag-abot han “Mesias nga Lider.” An tagna nag-uunabi hin ‘pito ka semana, ngan kaunman kag duha ka semana’
Yana kinahanglan la nga mag-ihap kita. Kon mag-iihap kita tikang ha 455 A.K.P., an 483 ka tuig magdadara ha aton ngadto ha tuig 29 K.P. Ito an eksakto nga tuig nga ginbawtismohan hi Jesus ngan nagin Mesias! * (Lukas 3:
^ par. 6 Tikang han 455 A.K.P. tubtob ha 1 A.K.P., may-ada 454 ka tuig. Tikang han 1 A.K.P. tubtob ha 1 K.P., may usa ka tuig (waray sero nga tuig). Ngan tikang ha 1 K.P. tubtob ha 29 K.P., 28 ka tuig. An kabug-osan hinin tulo nga numero amo an 483 ka tuig. Hi Jesus ‘gin-utod’ han namatay hiya han 33 K.P., durante han ika-70 ka semana han mga tuig. (Daniel 9:
