PAG-ALAGAD HA BETHEL An bawtismado nga mga magwarali nga 35 anyos an pangidaron o mas bata pa, nga residente han nasud ngan interesado mag-alagad ha Bethel, sadang tumambong ha miting para ha mga aplikante ha Bethel ha Biernes han aga. Ipapahibaro an oras ngan lugar nga pagdudumarahan hito.

SCHOOL FOR KINGDOM EVANGELIZERS An mga payunir nga 23 tubtob 65 anyos an pangidaron nga interesado ha pagpauswag han ira ministeryo, gin-aaghat nga tumambong ha miting para ha mga aplikante ha School for Kingdom Evangelizers ha Domingo han aga. Ipapahibaro an oras ngan lugar nga pagdudumarahan hito.

ATENDANT Igintoka an mga atendant basi bumulig ha iyo. Alayon pakigkooperar gud ha ira pinaagi ha pagsunod han ira instruksyon may kalabotan ha pagparking, pagtipig han kahapsay, pagreserba hin lingkoran, ngan iba pa.

BAWTISMO An mga lingkoran nga nakareserba para ha mga kandidato ha bawtismo aada ha atubangan han entablado, gawas la kon may iba nga gin-unabi. An mga kandidato ha bawtismo sadang lumingkod dida hito antes magtikang an pahayag ha bawtismo ha Sabado han aga. An kada tagsa kinahanglan magdara hin tualya ngan desente nga pankarigo.

FIRST AID Alayon hinumdumi nga para ini ha mga EMERGENCY LA.

KONTRIBUSYON Daku an gasto ha pagtagana hin igo nga lingkoran, sound system, mga gamit para ha video, ngan damu pa nga serbisyo basi magin makalilipay an pagtambong ha kombensyon ngan mabuligan kita nga magin mas duok kan Jehova. An iyo boluntaryo nga kontribusyon nabulig ha pagtapar hini nga mga kagarastohan ngan nasuporta liwat ha bug-os-kalibotan nga buruhaton. Basi magin kombinyente ha iyo, may-ada mga kahon para ha kontribusyon nga makikita ha bug-os nga pasilidad. Gin-aapresyar gud an ngatanan nga kontribusyon. An Nagmamando nga Lawas nagpapasalamat han iyo daku nga suporta ha mga buruhaton para ha Ginhadian.

LINGKORAN Alayon pagin makonsiderasyon ha iba. Hinumdumi nga mahimo la magreserba hin lingkoran para ha iyo mga kapamilya, mga kaupod ha sarakyan, kaupod ha balay, o ha iyo estudyante ha Biblia. Alayon ayaw pagbutang hin gamit ha mga lingkoran nga diri niyo iginrireserba.

LOST AND FOUND An ngatanan nga butang nga waray nag-aangkon sadang dad-on ha Lost and Found Department. Kon nawad-an kamo hin gamit, pakadto hini nga departamento ngan kitaa kon aadto ito. An mga bata nga nahibulag ha mga kag-anak ngan nawawara, sadang dad-on dinhi hini nga departamento. Pero, diri ini birilinan hin kabataan. Alayon mangnoi an iyo mga anak, ngan ayaw hira ibulag.

VOLUNTEER SERVICE Kon karuyag niyo bumulig ha mga buruhaton ha kombensyon, alayon pakadto ha Information and Volunteer Service Department.