Introduksyon ha Seksyon 12
Gintutdoan ni Jesus an mga tawo mahitungod han Ginhadian ha langit. Gintutdoan liwat niya hira nga mag-ampo nga mabaraan an ngaran han Dios, umabot an Iya Ginhadian, ngan matuman an Iya kaburut-on dinhi ha tuna. Kon usa ka nga kag-anak, isaysay ha imo anak an kahulogan para ha aton hini nga pag-ampo. Waray tuguti ni Jesus hi Satanas nga wad-on an iya pagkamaunungon. Nagpili hiya hin mga apostol ngan hira an nagin pundasyon nga mga membro han Ginhadian. Tigamni an kadasig ni Jesus para ha tinuod nga pagsingba. Tungod kay karuyag niya buligan an iba, gintambal niya an mga may sakit, ginpakaon an mga nagugutom, ngan nagbanhaw pa ngani hin mga patay. Pinaagi hini nga mga milagro, iginpakita niya an hihimoon han Ginhadian para ha katawohan.
HINI NGA SEKSYON
LEKSYON 74
Hi Jesus Nagin Mesias
Ano an iginpapasabot ni Juan han nagsiring hiya nga hi Jesus an Kordero han Dios?
LEKSYON 75
Ginsulay hi Jesus han Yawa
Tulo ka beses nga ginsulay hi Jesus han Yawa. Ano ito nga mga pagsulay? Ano an ginbuhat ni Jesus?
LEKSYON 76
Ginlimpyohan ni Jesus an Templo
Kay ano nga gintabog ni Jesus an mga hayop tipagawas ha templo ngan ginbalintong an mga lamesa han mga parabalyo hin kwarta?
LEKSYON 77
An Babaye ha Atabay
Nahipausa an usa nga Samaritana han nakiistorya ha iya hi Jesus. Kay ano? Ano an iginsumat ha iya ni Jesus nga waray pa isumat ni Jesus ha iba?
LEKSYON 78
Iginsangyaw ni Jesus an Mensahe han Ginhadian
Gin-imbitar ni Jesus an pipira niya nga disipulo nga magin “parapangisda hin mga tawo.” Ha urhi, nagbansay hiya hin 70 han iya mga sumurunod nga magsangyaw han maopay nga sumat.
LEKSYON 79
Naghimo hi Jesus hin Damu nga Milagro
Diin man hiya kumadto, napakadto ha iya an mga may sakit basi magpatambal, ngan gintatambal niya hira. Ginbanhaw pa ngani niya an usa nga daragita.
LEKSYON 80
Nagpili hi Jesus hin Dose nga Apostol
Kay ano nga ginpili niya hira? Nahinunumdoman mo ba an ira mga ngaran?
LEKSYON 81
An Sermon ha Bukid
Hi Jesus nagtutdo hin importante nga mga leksyon ha damu nga tawo nga nagtirirok.
LEKSYON 82
Gintutdoan ni Jesus an Iya mga Disipulo Kon Paonan-o Mag-aampo
Ano nga mga butang an ginsiring ni Jesus nga padayon nga pangaroon han iya mga disipulo?
LEKSYON 83
Nagpakaon hi Jesus hin Yinukot nga Tawo
Ano an igintututdo ha aton hini nga milagro mahitungod kan Jesus ngan kan Jehova?
LEKSYON 84
Naglakat hi Jesus ha Bawbaw han Tubig
Nahuhunahuna mo ba an gin-abat han mga apostol han nakita nira ini nga milagro?
LEKSYON 85
Nagtambal hi Jesus ha Adlaw han Sabbath
Kay ano nga diri ngatanan nalilipay ha iya mga ginhihimo?
LEKSYON 86
Ginbanhaw ni Jesus hi Lasaro
Han nakita ni Jesus nga nagtitinangis hi Maria, nagtangis liwat hiya. Pero waray pag-iha, an ira kasub-anan naliwanan hin kalipay.