Tuguti nga makasulod ha imo kasingkasing an punto han imo presentasyon. Samtang nangangandam ka han imo presentasyon, hunahunaa hin maopay an pagkaimportante han imo mensahe. Magin pamilyar hin maopay ha imo reperensya basi makagpahayag ka tikang ha imo kasingkasing.

Hunahunaa an imo mamarati. Pamalandonga kon paonan-o magpapahimulos an iba ha impormasyon nga imo babasahon o igtututdo. Tagda kon paonan-o mo ipipresentar an impormasyon ha paagi nga magpapahilarom han apresasyon han imo mamarati.

Himoa nga buhi an imo pahayag. Pagyakan nga may kadasig. Ha pagpakita han imo emosyon, magin natural ha pagkompas ngan magin sinsero ha ekspresyon han imo nawong.