Pag-ampo ngan pag-andam hin maopay. Pag-ampo para hin bulig basi ka makapokus, diri ha imo kalugaringon, kondi ha imo mensahe. Magkaada klaro nga ideya ha nangunguna nga mga punto nga karuyag mo paghisgotan. Isaysay an mga ideya ha imo kalugaringon nga mga pulong; ayaw basta la ipahayag an eksakto nga mga pulong tikang ha inimprinta nga barasahon.

Magyakan hin kinasingkasing. Hunahunaa kon kay ano nga sadang mabatian han imo mamarati an mensahe. Pagpokus ha ira. Kon bubuhaton mo ito, makikita ha imo pamostura, pagkompas, ngan ekspresyon han nawong an sinseridad ngan pagbati.

Kitaa an imo mamarati. Kon diri nakakainsulto, kitaa an imo mamarati. Kon nagpapahayag, pagkita ha tagsa nga indibiduwal ha tagsa nga panahon, imbes nga iglinibot-libot an imo pagkita ha tanan nga mamarati.