Hunahunaa kon kay ano nga babasahon mo an teksto. Ipakilala an tagsa nga teksto ha paagi nga mabubuligan an imo mamarati nga makita an punto nga karuyag mo pabug-atan.

Ipakilala an Biblia sugad nga usa nga awtoridad. Kon nakikiistorya ka ha mga natoo ha Dios, ipakilala an Biblia sugad nga Pulong han Dios. Hini nga paagi, maipapakita mo nga ito an pinakahitaas nga surok han kinaadman.

Aghata an ira interes ha Kasuratan. Pagbangon hin pakiana nga babatunon han Biblia, pag-unabi hin problema nga masusolusyonan han teksto, o pag-unabi hin prinsipyo nga ig-iilustrar han Kasuratan.