Igbulag an importante nga mga pulong. Katapos magbasa hin teksto, pabug-ati an mga pulong nga direkta nga may kalabotan ha nangunguna nga punto. Mahimo mo ini buhaton pinaagi ha pag-utro hito nga mga pulong o pagbangon hin pakiana nga mag-aaghat ha imo mamarati nga hibaroan kon ano an importante nga mga pulong han teksto.

Pabug-ati an punto. Kon magpapakilala ka hin teksto nga may matin-aw nga hinungdan kon kay ano nga babasahon ito, isaysay kon paonan-o an importante nga mga pulong han teksto nasuporta hito nga hinungdan.

Pasimpleha an pag-aplikar. Likayi an pagkinomento ha mga detalye nga diri nasuporta ha nangunguna nga punto. Uyon ha hinbabaroan na han imo mamarati mahitungod ha topiko, turotimbanga kon mationan-o kadamu nga detalye an ginkikinahanglan basi magin matin-aw ngan masabtan an punto.