Gamit hin masasarigan nga mga reperensya. Igbasar ha Biblia an imo mga komento, ngan kon posible, direkta nga basaha ito. Kon mag-uunabi ka hin impormasyon tikang ha syensya, news, eksperyensya, o iba nga ebidensya, abanse nga siguroha nga masasarigan ito ngan ito an pinakabag-o.

Husto nga gamita an mga reperensya. Isaysay an teksto uyon ha konteksto hito, ha kabug-osan nga mensahe han Biblia, ngan ha mga publikasyon han “matinumanon ngan maaramon nga uripon.” (Mat. 24:45) Gamita an sekular nga mga reperensya nga diri ginbabag-o an orihinal nga kahulogan hito ngan an iginpapasabot han awtor.

Mangatadongan uyon ha ebidensya. Katapos magbasa hin teksto o mag-unabi hin reperensya, pagbangon hin ginhunahuna hin maopay nga mga pakiana o ig-ilustrar an punto basi mabuligan an mamarati nga magkaada kalugaringon nga konklusyon.