BAHIN 2
Hin-o an Tinuod nga Dios?
Usa la an tinuod nga Dios—Jehova an iya ngaran. (Salmo 83:18) Espiritu hiya ngan diri naton nakikita. Nahigugma hiya ha aton ngan karuyag niya nga higugmaon liwat naton hiya. Dugang pa, karuyag niya nga higugmaon naton an aton igkasi-tawo. (Mateo 22:35-40) Hiya an Makagarahum-ha-ngatanan, an Maglalarang han ngatanan nga butang.
An siyahan nga ginlarang ni Jehova gamhanan nga espiritu, nga ha urhi nakilala nga hi Jesu-Kristo. Ginlarang liwat Niya an mga anghel.
Ginlarang ni Jehova an ngatanan nga butang ha langit . . . ngan ha tuna. Pahayag 4:11
Ginlarang ni Jehova an mga bitoon sugad man an tuna ngan an ngatanan nga aada hito.—Genesis 1:1.
Iya ginlarang hi Adan, an siyahan nga tawo, tikang ha tapotapo.—Genesis 2:7.
Bangin Maruyagan Mo Liwat
ESSENTIAL BIBLE TEACHINGS
May-ada ba Ngaran an Dios?
An Dios damu an titulo, sugad han Makagarahum-ha-ngatanan, Maglalarang, ngan Ginoo. Pero an personal nga ngaran han Dios gin-gamit hin mga 7,000 ka beses ha Biblia.
AN BIBLIA—ANO AN MENSAHE HITO?
Gintagan han Maglalarang an Tawo hin Paraiso
Paonan-o ginhuhulagway han Biblia an paglarang ha mga tawo? Ano nga mga sugo an iginhatag han Dios ha siyahan nga mag-asawa?
