Hira Adan ngan Eva nagkaada mga anak, ngan nagdamu an tawo ha tuna. Paglabay han panahon, may mga anghel nga inupod kan Satanas ha pagrebelde.

Kinanhi hira ha tuna ngan nagsul-ot hin lawas han tawo basi mag-asawa hin kababayin-an. Ito nga kababayin-an nagkaada higante nga mga anak nga madarahog ngan magkusog.

An kalibotan napuno hin magraot nga tawo. An Biblia nasiring: ‘An karaotan han tawo daku ha tuna, ngan an ngatanan nga panhunahuna han iya kasingkasing maraot ha kadayonan.’

Hi Noe maopay nga tawo. Nagsiring ha iya hi Jehova nga Iya bubungkagon an magraot nga tawo pinaagi hin daku nga baha.

Ginpahimo han Dios hi Noe hin arka, usa nga sarakyan nga pariho hin barko, ngan dida iya papasakyon an iya pamilya ngan an tanan nga klase hin hayop.

Ginpahamangnoan ni Noe an mga tawo mahitungod han tiarabot nga Baha, kondi waray hira mamati. Gintinawaan la hiya han iba, ngan an iba nasina ha iya.

Han natapos na an arka, ginpasakay ni Noe an mga hayop.