BAHIN 7
Hin-o hi Jesus?
Ginsugo ni Jehova hi Jesus nganhi ha tuna. 1 Juan 4:9
Kon karuyag naton lipayon hi Jehova, sadang kita mamati ha usa pa nga importante nga persona. Maiha na antes larangon hi Adan, may ginlarang hi Jehova nga gamhanan nga espiritu ha langit.
Paglabay han panahon, ginpahinabo ni Jehova nga ito nga espiritu matawo ha Betlehem pinaagi han birhen nga hi Maria, ngan ginngaranan hin Jesus.—Juan 6:38.
Sugad nga tawo, hingpit nga iginpakita ni Jesus an mga kalidad han Dios. Hiya buotan, mahigugmaon, ngan masayon madaop. Waray kahadlok nga igintutdo liwat niya an kamatuoran mahitungod kan Jehova.
Nagbuhat hi Jesus hin maopay kondi ginkangalasan. 1 Pedro 2:21-24
Hi Jesus nagtambal hin magsakit ngan nagbanhaw hin mga patay.
Nangalas kan Jesus an mga lider han relihiyon tungod kay iya iginbuhayhag an ira buwa nga katutdoan ngan magraot nga buhat.
Ginkombinse han mga lider han relihiyon an mga Romano nga kastiguhon hi Jesus ngan patayon.
Bangin Maruyagan Mo Liwat
AN BIBLIA—ANO AN MENSAHE HITO?
Inabot an Mesias
Paonan-o gin-gamit ni Jehova an mga anghel ha pagpakilala kan Jesus sugad nga Mesias? Paonan-o klaro nga iginpakilala ni Jehova an iya Anak sugad nga Mesias?
AN BIBLIA—ANO AN MENSAHE HITO?
Nagtutdo hi Jesus Mahitungod ha Ginhadian han Dios
Ano an tema han mensahe ni Jesus? Paonan-o niya iginpakita nga an iya pagmando ibabasar ha gugma ngan hustisya?
