BAHIN 3
Ano an Kahimtang ha Hardin han Eden?
Gintagan ni Jehova hira Adan ngan Eva hin damu nga mag-opay nga butang. Genesis 1:28
Ginlarang ni Jehova an siyahan nga babaye, hi Eva, ngan iginhatag hiya kan Adan basi magin asawa.—Genesis 2:21, 22.
Ginlarang hira ni Jehova nga may hingpit nga hunahuna ngan lawas nga waray depekto.
An ira urukyan nga Paraiso amo an hardin han Eden—usa nga makaruruyag hinduro nga lugar nga may mga salog, namumunga nga puno, ngan mga hayop.
Hi Jehova nakiistorya ha ira; iya gintutdoan hira. Kon mamati hira, mabubuhi hira ha Paraiso nga tuna ha waray kataposan.
Igindiri han Dios an pagkaon han bunga han usa nga puno. Genesis 2:16, 17
Usa nga anghel an nagrebelde ha Dios. Iton maraot nga anghel amo hi Satanas nga Yawa.
Iginpakita ni Jehova kanda Adan ngan Eva an usa nga puno ha hardin ngan ginsidngan nga kon kaunon nira an bunga hito, mamamatay hira.
Diri karuyag ni Satanas nga sundon nira Adan ngan Eva hi Jehova. Salit gumamit hiya hin halas ha pakiistorya kan Eva, ngan nagsiring nga kon kumaon hi Eva han bunga hito nga puno, diri hiya mamamatay, lugod magigin pariho hiya ha Dios. Syempre, buwa gud ito!—Genesis 3:1-5.
Bangin Maruyagan Mo Liwat
ESSENTIAL BIBLE TEACHINGS
Kay Ano nga Ginlarang han Dios an Tuna?
Makaruruyag hinduro an aton planeta. Ginhimo niya ito nga may husto nga distansya tikang ha adlaw, husto nga anggulo han pagkiling, ngan nalibot ha husto nga kalaksihon. Kay ano nga nangalimbasog an Dios ha paghimo han tuna?
AN BIBLIA—ANO AN MENSAHE HITO?
Gintagan han Maglalarang an Tawo hin Paraiso
Paonan-o ginhuhulagway han Biblia an paglarang ha mga tawo? Ano nga mga sugo an iginhatag han Dios ha siyahan nga mag-asawa?
