BAHIN 1
Paonan-o Kita Mamamati ha Dios?
An Dios nakikiistorya ha aton pinaagi han Biblia. 2 Timoteo 3:16
An tinuod nga Dios naggiya hin kalalakin-an ha pagsurat han iya panhunahuna ha usa nga baraan nga libro. Ito nga libro amo an Biblia. Mababasa dida hito an importante nga mga impormasyon nga karuyag han Dios nga hibaroan mo.
Maaram an Dios han makakaopay ha aton, ngan hiya an gintitikangan han kinaadman. Pinaagi ha pagpamati ha iya, magigin tinuod ka nga maaramon.—Proberbios 1:5.
Karuyag han Dios nga basahon han ngatanan nga tawo an Biblia. Mababasa na ito yana ha damu nga yinaknan.
Kon karuyag mo mamati ha Dios, kinahanglan mo hisabtan an ginsisiring han Biblia pinaagi ha pagbasa hito.
Mateo 28:19
Namamati an mga tawo ha bisan diin.An mga Saksi ni Jehova makakabulig ha imo nga hisabtan an Biblia.
Igintututdo nira an kamatuoran mahitungod ha Dios ha bug-os nga tuna.
Waray bayad ito nga pagtutdo. Mahibabaro ka liwat mahitungod ha Dios pinaagi ha pagtambong ha Kingdom Hall han mga Saksi ni Jehova.