BAHIN 9
San-o Magigin Paraiso an Tuna?
An karaotan ha tuna pamatuod nga hirani na gumios an Ginhadian han Dios. Lukas 21:10, 11; 2 Timoteo 3:1-5
Damu an tagna ha Biblia nga nahitatabo na yana. Nagtagna ito nga an mga tawo magigin makikwarta, diri-masinugtanon ha kag-anak, madarahog, ngan mahigugmaon ha kaliawan.
Magkakaada magkusog nga linog, girra, kakulang hin pagkaon, ngan mga sakit. Ini ngatanan nahitatabo na yana.
Dugang pa, hi Jesus nagsiring nga an maopay nga sumat han Ginhadian isasangyaw ha bug-os nga tuna.—Mateo 24:14.
Wawad-on han Ginhadian an ngatanan nga karaotan. 2 Pedro 3:13
Ha diri na maiha, pupoohon ni Jehova an magraot.
Sisirotan hi Satanas ngan an iya mga demonyo.
Adton namamati ha Dios matatalwas ngadto ha matadong nga bag-o nga kalibotan, diin waray na kahahadlokan ngan an mga tawo may pagsarig ngan gugma ha kada tagsa.
Bangin Maruyagan Mo Liwat
LIBRO NGAN BROSYUR
Ano an Ginhadian han Dios?
Han nakanhi hi Jesus ha tuna, abanse nga iginpakita niya kon ano an bubuhaton han Ginhadian.
LIBRO NGAN BROSYUR
Matatapos Pa ba an Pag-antos?
An Biblia nasiring nga an Dios nangangalas ha kawaray-hustisya ngan nagtatagad ha mga tawo. Ano an kapulsanan hito ha imo?
