SEKSYON DOS
“An Akon Santuaryo an Imo Ginhugawan”—Nahugawan an Putli nga Pagsingba
POKUS: An Juda ngan Jerusalem nagin mahugaw ha espirituwal ngan moral
Ginhigugma ngan gin-ataman ni Jehova an mga Israelita sugad nga iya “ginpapabilhan gud nga panag-iya.” (Ex. 19:5, ftn.) Pero an ira iginbalos kan Jehova amo an pagsingba ha buwa nga mga dios ha templo mismo nga nagdadara han iya ngaran! Ginpasubo gud nira hi Jehova ngan ginpasiparahan. Kay ano nga nagin sugad karaot an Israel? Ano an aton hibabaroan tikang ha tagna ni Ezekiel mahitungod ha kabungkagan han Jerusalem? Ngan ano nga mga leksyon an igintututdo ha aton han pakig-upod han Israel ha mga nasud ha ira palibot?
HINI NGA SEKSYON
KAPITULO 5
“Kitaa an Maraot Ngan Mangil-ad nga mga Butang nga Ira Ginbubuhat”
Hi Ezekiel nakakita hin makangingirhat nga mga eksena nga nagpapakita han kadaot han espirituwalidad han bug-os nga nasud.
KAPITULO 6
“An Kataposan Aada Na ha Imo Yana”
An mga pasundayag ni Ezekiel nagtagna han kapahayagan han kasina ni Jehova ha Jerusalem.
KAPITULO 7
An mga Nasud ‘Makakakilala Gud nga Ako hi Jehova’
An mga nasud nga nagpakaraot han ngaran ni Jehova ngan nagtimaraot o nag-impluwensya ha iya katawohan diri makakalikay ha mga resulta han ira mga buhat. Ano nga mga leksyon an aton hibabaroan ha pakig-upod han Israel hito nga mga nasud?
