KAHON NGA NAGTUTUTDO 7B
Makatirigamnan nga mga Pulong ha Libro han Ezekiel
“Anak han Tawo”
SOBRA 90 KA BESES
Sobra 90 ka beses nga gintawag hi Ezekiel nga “anak han tawo.” (Ezek. 2:1) Pahinumdom ito ni Jehova ha iya nga bisan kon nakakarawat hiya hin dagku nga pribilehiyo, tawo la hiya. Makatirigamnan nga ha mga Ebanghelyo, hi Jesus gintawag nga “Anak han tawo” hin mga 80 ka beses, nga nagpapakita nga nagin tawo gud hiya ngan diri anghel nga nagsul-ot la hin lawas han tawo.—Mat. 8:20.
“Makikilala Gud . . . nga Ako hi Jehova”
SOBRA 50 KA BESES
Sobra 50 ka beses nga iginsurat ni Ezekiel an ginsiring han Dios nga “makikilala gud [han mga tawo] nga ako hi Jehova,” nga nagpapabug-at nga hi Jehova gud la an angay kumarawat hin putli nga pagsingba.—Ezek. 6:7.
“Jehova nga Soberano nga Ginoo”
217 KA BESES
An mga pulong nga “Jehova nga Soberano nga Ginoo” mababasa hin 217 ka beses, nga naghahatag ha ngaran han Dios han dungog nga angay hito ngan nagpapabug-at nga an ngatanan nga linarang sakop ni Jehova.—Ezek. 2:4.
