KAHON NGA NAGTUTUTDO 20A
An Pagbahin-bahin han Tuna
An paghulagway han mga tubtoban nga may eksakto nga sukol nagpasarig ha mga distyero nga ipapahiuli gud an ira hinigugma nga tuna. Ano an makaparig-on nga mga leksyon hini nga bisyon yana? Tagda an duha nga punto han bisyon:
Sigurado nga lugar ngan mapulsanon nga toka
An tagsa nga distyero nga mabalik magkakaada panurundon ha napahiuli nga Tuna nga Iginsaad. Yana liwat, an ngatanan nga alagad ni Jehova may lugar ha espirituwal nga paraiso. Anoman kaguti an aton papel ha organisasyon, may-ada kita sigurado nga lugar ngan mapulsanon nga toka ha espirituwal nga tuna. Para kan Jehova, presyoso an ngatanan niya nga alagad.
Patas nga pagbahin-bahin
Ha bisyon ni Ezekiel, an mga umurukoy han tagsa nga teritoryo ha Tuna nga Iginsaad parapriho makakapahimulos han kahuraan hito. Yana liwat, gintagan ni Jehova an ngatanan niya nga alagad hin parapriho nga higayon nga makapahimulos han mga bendisyon ha espirituwal nga paraiso.
