KAHON NGA NAGTUTUTDO 16B
Panhayhay Ngan Pangaraba, Pagmarka, Pagdugmok—San-o Ngan Paonan-o?
An bisyon ha Ezekiel kapitulo 9 may katumanan ha moderno nga panahon. An pagsabot kon paonan-o matutuman an mga detalye hito mabulig ha aton nga may pagsarig nga atubangon an kataposan hini nga sistema
“Panhayhay ngan pangaraba”
SAN-O: Ha kataposan nga mga adlaw, antes han daku nga kasakitan
PAONAN-O: Ha pulong ngan buhat, iginpapakita han sinsero nga mga tawo an ira kangalas ha karaotan hini nga kalibotan. Ginkakarawat nira an iginsasangyaw, padayon nga nagsusul-ot han sugad-Kristo nga personalidad, nagpapabawtismo sugad nga simbolo han ira dedikasyon kan Jehova, ngan maunungon nga nasuporta ha kabugtoan han Kristo
“Pagmarka”
SAN-O: Ha daku nga kasakitan
PAONAN-O: An lalaki nga may surudlan hin tinta han sekretaryo nagrirepresentar kan Jesu-Kristo pag-abot niya sugad nga Hukom han ngatanan nga nasud. An kaapi ha daku nga grupo huhukman, o mamarkahan, sugad nga karnero, nga nagpapakita nga matatalwas hira ha Armagedon
“Pagdugmok”
SAN-O: Ha Armagedon
PAONAN-O: Hi Jesu-Kristo ngan an iya mga hugpo ha langit—an mga anghel ngan an 144,000 nga iya igkasi-magmarando—magbubungkag hinin maraot nga kalibotan ngan magtatalwas han putli nga mga magsiringba ngadto ha matadong nga bag-o nga kalibotan
