HAN 1919 natuman an duha nga konektado nga tagna: an mahitungod han “uga nga mga tul-an” ngan han “duha nga saksi.” An bisyon mahitungod han “uga nga mga tul-an” nagpapasabot han maiha gud nga panahon (inabot hin damu ka siglo) nga natapos han nabuhi an daku nga grupo han katawohan han Dios. (Ezek. 37:2-4; Pah. 11:1-3, 7-13) An tagna mahitungod han “duha nga saksi” naghuhulagway han halipot nga panahon (natuman tikang ha ikatarapos han 1914 tubtob ha temprano han 1919) nga natapos han nabuhi an gutiay nga grupo han mga alagad han Dios. Inin duha nga tagna naghulagway hin simboliko nga pagkabanhaw, ngan pariho ini nagkaada moderno nga katumanan han 1919 han ‘ginpatindog’ ni Jehova an iya dinihogan nga mga alagad, gintalwas ha pagkabihag ha Babilonya nga Gamhanan, ngan gintirok ha iginpahiuli nga kongregasyon.​—Ezek. 37:10.

Pero may importante nga kaibahan an katumanan hinin duha nga tagna. An tagna mahitungod han “uga nga mga tul-an” nagpapasabot han kabuhi han ngatanan nga nabibilin nga dinihogan. Kondi an tagna mahitungod han “duha nga saksi” nagpapasabot han kabuhi han pipira han nabibilin nga dinihogan han Dios​—an mga nangunguna ha organisasyon ngan gintokahan sugad nga “matinumanon ngan maaramon nga uripon.”​—Mat. 24:45; Pah. 11:6. *

1. KATAPOS HAN 100 C.E.

   Tikang han ikaduha ka siglo C.E. han an dinihogan nga Kristiano nga kongregasyon simboliko nga ginpatay, an “kapatagan” napuno hin “mga tul-an”

2. TEMPRANO HAN 1919

   1919: Nabuhi an “uga nga mga tul-an” han an ngatanan nga dinihogan gintalwas ni Jehova ha pagkabihag ha Babilonya nga Gamhanan ngan gintirok ha iginpahiuli nga kongregasyon

1. IKATARAPOS HAN 1914

   pagsangyaw “nga nakasul-ot hin sako nga panapton”

   1914: An “duha nga saksi” nagsangyaw “nga nakasul-ot hin sako nga panapton” ha sulod hin tulo ngan tunga ka tuig. Ha kataposan hito, simboliko nga ginpatay hira

2. simboliko nga kamatay

3. TEMPRANO HAN 1919

   1919: Nabuhi an “duha nga saksi” han an gutiay nga grupo han dinihogan nga kabugtoan nga nangunguna ha organisasyon gintokahan sugad nga “matinumanon ngan maaramon nga uripon”