SEKSYON TRES
“Titirukon Ko . . . Kamo”—Iginsaad an Pagpahiuli han Putli nga Pagsingba
POKUS: An pagpahiuli iginpahayag ha mga tagna ni Ezekiel
An Israel nagkabahin-bahin—an iya pagkaurosa nawara tungod han apostasya. Nag-aantos hiya han resulta han iya mga buhat; iya ginhugawan an putli nga pagsingba ngan ginpasiparahan an ngaran han Dios. Hiton makasurubo nga kahimtang, ginsugo ni Jehova hi Ezekiel nga magpahayag hin sunod-sunod nga tagna nga naghahatag hin paglaom. Pinaagi hin makapainteres nga mga paghulagway ngan urusahon nga mga bisyon, ginparig-on ni Jehova diri la an bihag nga mga Israelita kondi an ngatanan nga naghihingyap han pagpahiuli han putli nga pagsingba.
HINI NGA SEKSYON
KAPITULO 8
‘Maghahatag Ako hin Usa nga Paraataman’
Gin-giyahan han Dios hi Ezekiel nga magtagna mahitungod han Mesias, an tiabot nga Magmarando ngan Paraataman han katawohan ni Jehova, nga magpapahiuli han putli nga pagsingba ha kadayonan.
KAPITULO 9
“Tatagan Ko Hira hin Nagkakaurosa nga Kasingkasing”
May kahulogan ba para ha aton an mga tagna ha magtinumanon nga Judio nga distyero ha Babilonya?
Kapitulo 10
“Mabubuhi Kamo”
Hi Ezekiel nagkaada bisyon mahitungod hin kapatagan nga puno hin uga nga mga tul-an nga nabuhi. Ano an kahulogan hito?
KAPITULO 11
“Igintoka Ko Ikaw Sugad nga Bantay”
Ano an papel ngan mga responsabilidad hini nga bantay? Ano nga pahamangno an iya ipapasamwak?
KAPITULO 12
“Hihimoon Ko Hira nga Usa La nga Nasud”
Nagsaad hi Jehova nga pag-urusahon utro an iya katawohan.
KAPITULO 14
“Ini an Balaud Mahitungod han Templo”
Ano nga mga leksyon an bangin hinbaroan han mga Judio ha panahon ni Ezekiel ha iya bisyon mahitungod han templo? Ngan ano an kahulogan hito ha aton yana?
