“Ikaw an naghimo han ngatanan nga butang.”​—Pahayag 4:11

Ano an igintututdo ha aton han Biblia mahitungod ha Dios?

• Pahayag 15:3

  Hiya an Makagarahum-ha-Ngatanan, an pinakagamhanan nga persona ha uniberso.

• Salmos 90:2

  Pirme hiya naeksister.

• Mateo 6:9

  An Dios amo an aton Amay.

  Karuyag niya magkaada kita hin maopay gud nga kinabuhi.

• Buhat 17:27

  Karuyag han Dios nga magin duok ha aton.

“Jehova . .  . an akon ngaran ha waray katapusan.”​—Eksodo 3:15

Kay ano nga importante an ngaran han Dios?

• Salmos 83:18

  Iginsusumat ha aton han Dios nga an iya ngaran Jehova. An “Dios” ngan “Ginoo” diri mga ngaran. Mga titulo ito, pariho han “hadi” ngan “presidente.” Karuyag ni Jehova nga gamiton mo an iya ngaran.

• Eksodo 3:14

  An iya ngaran nangangahulogan hin “Hiya Nagpapahinabo nga Magin.” Tungod kay hi Jehova an naglarang han ngatanan nga butang, matutuman niya an bisan ano nga iya igsaad pati na an iya katuyoan.

“An Dios gugma.”​—1 Juan 4:8

Paonan-o iginpapakita han Dios an iya gugma ha aton?

• Eksodo 34:6; Salmos 37:28

  Maloloy-on hiya ngan mapinairon. Nahigugma hiya ha kamatuoran ngan ha hustisya.

• Salmos 86:5

  Mapinasayloon hiya.

• 2 Pedro 3:9

  Mapailubon hiya ha aton.

• Pahayag 15:4

  Maunungon hiya ha aton.

‘Ipasa ha iya an ngatanan niyo nga kabaraka, kay napaid hiya ha iyo.’​—1 Pedro 5:7

Paonan-o ka nahibaro nga nagtatagad gud ha imo an Dios?

• Salmos 37:9-11

  Nagsasaad hiya nga tatapuson niya an pag-antos ngan ibabalik ha maopay nga kahimtang an ngatanan nga kadaot nga ginhimo han magraot nga mga tawo.

• Santiago 4:8

  Karuyag ni Jehova nga magin duok ka ha iya.

• Juan 17:3

  Samtang mas nadudugangan an imo kahibaro mahitungod ha Dios, mas maghihilarom an imo gugma ha iya.