“Kusgan nga mga anghel, dayawa an Ginoo.”​—Salmo 103:20, Maupay nga Sumat

Ano an aton hinbabaroan mahitungod ha mga anghel?

• Job 38:4-7

  Ginlarang ni Jehova an mga anghel antes pa niya himoon an tuna.

• Pahayag 5:11

  Minilyon an mga anghel.

• 1 Pedro 1:11, 12

  An mga anghel interesado pirme ha katuyoan ni Jehova ha tuna.

• Lucas 15:10

  An mga anghel interesado gud ha mga nag-aalagad ha Dios.

“An anghel ni Jehova nakada hin paglibot hadton mga nagkakahadluk ha iya, ngan iya ginbabawi hira.”​—Salmos 34:7

Paonan-o kita nahibaro nga mahimo mabuligan han mga anghel an mga tawo?

• Genesis 19:15, 16; Daniel 6:22; Lucas 22:43; Buhat 12:6-11

  Ginbuligan han mga anghel hira Lot, Daniel, Jesus, ngan Pedro.

• Hebreo 1:7, 14

  Ginagamit ni Jehova an iya mga anghel basi buligan ngan panalipdan an iya mga surugoon yana.

‘Diri kita malilimbongan ni Satanas, kay diri kita ignorante han iya mga taktika.’​—2 Corinto 2:11

Hin-o an mga demonyo, ngan kay ano nga peligroso hira?

• Pahayag 12:9

  Usa nga anghel an nagrebelde kan Jehova. Gintatawag hiya nga Satanas.

• Genesis 6:2

  Ha panahon ni Noe, may mga anghel nga nagrebelde ngan kinanhi ha tuna.

• Mateo 9:34

  Ito nga mga anghel inupod kan Satanas ha pagrebelde ngan nagin mga demonyo.

• Deuteronomio 18:10, 11

  Ginbubuhat han mga demonyo an anoman nga ira mahihimo basi limbongan ngan dauton an mga tawo.

“Atohi an Yawa, ngan mabaya hiya ha iyo.”​—Santiago 4:7

Paonan-o mo makakarawat an bulig ni Jehova ha pag-ato kan Satanas ngan ha mga demonyo?

• Buhat 19:19

  Wad-a an ngatanan nga may kalabotan ha demonismo; ginpapagawas hito nga baga hin makalilipay o diri nakakadaot an madyik, mga demonyo, o maraot nga espiritu.

• Efeso 6:16, 18

  Parig-ona an imo pagtoo pinaagi ha pag-aram ha Biblia, ngan pag-ampo para ha proteksyon han Dios.

• Proberbios 18:10

  Gamita an ngaran ni Jehova.