“Ipaharayo tikang han Dios, nga hiya magbuhat hin kahugawan, ngan tikang ha Makagarahum, nga hiya magbuhat hin karat-an.”​—Job 34:10

Kay ano nga duro an pag-antos ha kalibotan?

• 1 Juan 5:19

  An magmarando han kalibotan amo hi Satanas nga Yawa.

• Eklesiastes 8:9

  An mga tawo usa han hinungdan nga nag-aantos an ira igkasi-tawo.

• Eklesiastes 9:11

  Usahay nag-aantos an mga tawo tungod kay aada hira ha sayop nga lugar ha sayop nga panahon.

• 1 Pedro 5:7

  Hinigugma gud ni Jehova an mga tawo. Nadiri gud hiya nga makita hira nga nag-aantos.

‘An Dios maaram nga an iyo mga mata mapupukrat, ngan kamo mahanunugad ha Dios, nga maaram han kaopayan ngan han karaotan.’​—Genesis 3:5

Kay ano nga waray igbalewaray ni Jehova an ayat ni Satanas?

• Genesis 3:2-5

  Gin-akusaran ni Satanas an Dios nga maraot nga magmarando. Karuyag ni Satanas nga tumoo an mga tawo nga may katungod hira ha pagdesisyon kon ano an husto o sayop.

• Job 38:7

  Gin-ayat ni Satanas hi Jehova ha atubangan han minilyon nga anghel.

“Diri aada ha tawo nga naglalakat an pagmando han iya mga pitad.”​—Jeremias 10:23

Kay ano nga maiha na hinduro an pag-inantos han mga tawo?

• Isaias 55:9

  Ginsarihan han mga tawo an damu nga klase hin pan-gobyernohan, pero diri hira maglalampos ha pagmando ha tuna kon waray bulig an Dios.

• 2 Pedro 3:9, 10

  Hi Jehova mapailubon, ngan gintatagan kita niya hin panahon nga makilala hiya ngan pilion hiya sugad nga aton Magmarando.

• 1 Juan 3:8

  Gagamiton ni Jehova hi Jesus ha pagwara han ngatanan nga kadaot ngan ginhimo ni Satanas.

“Anak ko, pagmakinaadmanon, . . . nga ako makabaton ha iya nga nagsasaway ha akon.”​—Proberbios 27:11

Kay ano nga diri kita ginpipirit ni Jehova nga mag-alagad ha iya?

• Proberbios 30:24

  An mga hayop nagios tungod han ira kinaiya, pero kita nga mga tawo gintagan ni Jehova hin kagawasan ha pagbuot. Kita an magdidesisyon kon mag-aalagad kita ha iya o diri.

• Mateo 22:37, 38

  Karuyag ni Jehova nga mag-alagad kita ha iya tungod kay hinigugma naton hiya.