“Pamati han akon tingug, ngan ako maiiyo Dios, ngan kamo maakon katawohan.”​—Jeremias 7:23

Posible ba magin sangkay han Dios?

• Genesis 22:18; Santiago 2:23

  Hi Abraham nagin sangkay ni Jehova tungod kay namati hiya ha Dios ngan nagpakita hin pagtoo ha Iya.

• 2 Kronikas 16:9

  Bubuligan ni Jehova an nasugot ha iya.

• Salmos 25:14; 32:8

  Gintatagan ni Jehova hin hilarom nga pagsabot an iya mga sangkay.

• Salmos 55:22

  Susuportaran ni Jehova an iya mga sangkay.

“Ha butnga hini ngatanan waray gud pakasala hi Job, ngan waray gud hiya ginyakan nga . . . maraut kontra han Dios.”​—Job 1:22, Baraan nga Biblia

Paonan-o gin-atake ni Satanas hi Job, ngan ano an nagin reaksyon ni Job?

• Job 1:10, 11

  Hi Satanas nagsiring nga hi Job makikalugaringon ngan diri nahigugma ha Dios.

• Job 1:12-19; 2:7

  Gintugotan ni Jehova hi Satanas nga kuhaon an mga panag-iya ni Job, ngan ginpahinabo ni Satanas nga magkaada hi Job grabe nga sakit.

• Job 27:5

  Diri maaram hi Job kon kay ano nga nag-aantos gud hiya, pero nagpabilin la gihapon hiya nga matinumanon.

‘An ngatanan nga gintatag-iya han tawo iya ihahatag para han iya kinabuhi.’​—Job 2:4

Ano an ginbubuhat ni Satanas basi madaot an aton pakigsangkay kan Jehova?

• 2 Corinto 11:14

  Naniniguro hi Satanas nga limbongan kita basi diri naton sugton hi Jehova.

• Proberbios 24:10

  Karuyag niya nga umabat kita nga diri kita takos mag-alagad kan Jehova.

• 1 Pedro 5:8

  Gintitimaraot kita ni Satanas.

• Proberbios 27:11

  Pilia nga sugton hi Jehova ngan magin maunungon nga sangkay niya. Pinaagi hini, mapapamatud-an nga buwaon hi Satanas.

“An gugma ha Dios nangangahulogan nga tumanon naton an iya mga sugo.”​—1 Juan 5:3

Paonan-o ka magigin sangkay ni Jehova?

• Deuteronomio 6:5

  Ipakita an imo gugma ha Dios. Mabulig ini ha imo nga magin masinugtanon.

• Isaias 48:17, 18

  Sugta hi Jehova, ngan pirme ka magpapahimulos hito.

• Deuteronomio 30:11-14

  Sarig nga hi Jehova diri gud maghahangyo ha imo hin labaw kay han imo maaakos.

• Filipos 4:13

  Buhata an husto, ngan ihahatag ni Jehova an kusog nga imo ginkikinahanglan.