“Kay aada ha imo an burabud han kinabuhi.”—Salmos 36:9

Paonan-o naton iginpapakita nga ginrirespeto naton an kinabuhi?

• Buhat 17:28; Pahayag 4:11

  An kinabuhi regalo tikang kan Jehova, ngan sadang naton ito respetuhon.

• Eksodo 21:22, 23; Deuteronomio 5:17

  Sayop an pagpatay ngan pagpunit.

• 1 Juan 3:11, 12, 15

  Sayop an kangalas.

• 2 Corinto 7:1

  Likyi an mahugaw nga mga buhat sugad han pagsigarilyo ngan pag-abuso ha droga.

• Salmos 11:5

  Likyi an bayolente nga kaliawan ngan isport.

“Kay para han kinabuhi han ngatanan nga unud, an dugo hito amo an . . . kinabuhi hito.”​—Lebitiko 17:14

Ano an panhunahuna han Dios ha kinabuhi ngan dugo?

• Genesis 4:10; Deuteronomio 12:23

  An dugo nagrirepresentar ha kinabuhi.

• Genesis 9:3, 4

  Mahimo kita kumaon hin karne pero diri kita puydi kumaon hin dugo.

• Buhat 15:28, 29; 21:25

  An sugo han Dios nga maglikay ha dugo nag-uupod ha paglikay ha pagtambal nga nagamit hin dugo.

• Hebreo 11:6

  An aton relasyon kan Jehova amo an pinakaimportante ha aton kinabuhi.

“An dugo . . . [ni] Jesus naglilimpyo ha aton ha ngatanan nga sala.”​—1 Juan 1:7

Ano an nahimo ha aton han halad-lukat ni Jesus?

• Lebitiko 17:11

  Ha panahon han Biblia, kon nakakasala an mga Israelita, mahimo hira mangaro kan Jehova hin kapasayloan pinaagi ha paghalad hin hayop ngan paghangyo ha saserdote nga ibuhos ha altar an iba nga dugo hito.

• Mateo 20:28; Hebreo 9:11-14

  Han kumanhi hi Jesus ha tuna, iya ginsaliwnan an balaud may kalabotan ha paghalad hin hayop pinaagi ha paghatag han iya kinabuhi, o dugo, para ha kapasayloan han aton mga sala.

• Juan 3:16

  Presyoso gud an kinabuhi ni Jesus, tungod hito, katapos hiya banhawon ni Jehova ngadto ha langit, gintagan ni Jehova hin higayon an ngatanan nga tawo nga nagpapakita hin pagtoo kan Jesus nga mabuhi ha waray kataposan.