“Hinigugma gud han Dios an kalibotan salit iginhatag niya an iya bugtong nga Anak basi an tagsa nga nagpapakita hin pagtoo ha iya diri mamatay kondi magkaada kinabuhi nga waray kataposan.”​—Juan 3:16

Paonan-o iginpapakita han Dios an iya gugma ha imo?

• Salmos 91:2

  Hi Jehova an aton arayopan. Mabubuligan kita niya ha aton mga problema yana.

• Salmos 37:29

  Gintatagan kita niya hin makalilipay nga paglaom para ha tidaraon.

• 1 Timoteo 6:12, 19

  Tatagan kita han Dios hin kinabuhi nga waray kataposan ha perpekto nga kahimtang. Magpapahimulos kita hin kamurayawan, kalipay, ngan perpekto nga kahimsog ha makaruruyag nga paraiso.

“Higugmaa hi Jehova nga imo Dios ha bug-os mo nga kasingkasing, ha bug-os mo nga kalag, ngan ha bug-os mo nga hunahuna.”​—Mateo 22:37

Tungod han gugma han Dios, napapagios ka nga buhaton an ano?

• Lucas 17:12-17

  Magin mapasalamaton ha ngatanan nga ginbubuhat han Dios para ha imo.

• Mateo 7:16-20

  Ipakita an imo gugma ha Dios pinaagi ha pagbuhat han iya kaburut-on kada adlaw.

• 1 Juan 5:3

  Sugta an mga sugo han Dios.

• 1 Timoteo 6:18

  Pangalimbasog ha pagbuhat hin maopay ha iba.

“Magpabilin kamo ha gugma han Dios.”​—Judas 21

Ano an mabulig ha imo nga magpabilin nga duok kan Jehova?

• 1 Tesalonica 5:17

  Pag-ampo pirme.

• Mateo 28:19, 20; 2 Timoteo 4:2

  Himoa an ngatanan nga maisumat ha iba an mahitungod han Ginhadian han Dios.

• Proberbios 2:1-5

  Padayon nga kumuha hin kahibaro mahitungod kan Jehova.

• Hebreo 10:24, 25

  Regular nga tumambong ha mga katirok. Bubuligan ka han imo Kristiano nga kabugtoan nga magin mas duok pa gud kan Jehova.