“An ngatanan nga Kasuratan giniyahan han Dios.”​—2 Timoteo 3:16

Ha ano nga paagi naiiba an Biblia ha ngatanan nga iba pa nga libro?

An Biblia naihubad na ha mga 2,600 nga yinaknan, ngan binilyon nga kopya hito an gin-imprinta.

Naghahatag ito ha aton hin mga impormasyon nga diri naton mahibabaroan ha iba nga libro.

• 1 Tesalonica 2:13

  An Dios amo an Awtor han Biblia.

• 2 Pedro 1:21

  Gin-giyahan han Dios an mga tawo basi maipahayag nira an iya panhunahuna.

‘[An] Dios, diri makakagbuwa.’​—Tito 1:2

Kay ano nga makakasarig ka ha Biblia?

• Isaias 44:27–45:2

  Ginatos ka tuig antes masakop an Babilonya, igintagna na han Biblia kon paonan-o ito mahitatabo.

• 2 Timoteo 3:1-5

  May mga tagna ha Biblia nga natutuman yana.

• Numeros 23:19

  Makakasarig kita ha ginsisiring han Biblia mahitungod ha tidaraon.

“Ako hi Jehova nga imo Dios, nga nagtututdo ha imo ha pagpahimulus.”​—Isaias 48:17

Ano an imo hinbaroan mahitungod ha Biblia?

• Job 26:7; Isaias 40:22

  Husto an ginsisiring han Biblia may kalabotan ha syensya.

• Numeros 20:2-12

  Tangkod an mga parasurat han Biblia.

• Mateo 5-7

  Gintagan kita ni Jesus hin sagdon kon paonan-o magigin malipayon, kon paonan-o magkakaada maopay nga relasyon ha iba, kon paonan-o mag-aampo, ngan kon ano an husto nga panhunahuna ha kwarta.

“An pulong han Dios buhi ngan gamhanan.”​—Hebreo 4:12

Ano an mahihimo han Pulong han Dios para ha imo?

• Mabubuligan ka hito nga masabtan an katuyoan han Dios.

• Mabubuligan ka hito nga mahibaroan an imo pagkatawo.

• Mabubuligan ka hito nga masabtan kon ano an ginlalaoman han Dios ha imo.

Karuyag han Dios nga basahon, pag-adman, ngan pabilhan mo gud an Biblia.