“Ikaw an Kristo.”—Mateo 16:16

Paonan-o kita nahibaro nga hi Jesus an Mesias?

• Mateo 3:16, 17; Juan 1:32-34

  Iginpakilala ni Jehova hi Jesus sugad nga iya Anak.

• Mika 5:2; Mateo 2:1, 3-9

  Gintuman ni Jesus an ngatanan nga tagna mahitungod han Mesias.

“Linusad ako tikang ha langit.”​—Juan 6:38

Ano an ginbuhat ni Jesus ha langit?

• Colosas 1:15, 16

  Hi Jesus an siyahan nga ginlarang ni Jehova, katapos gin-gamit hiya ni Jehova ha paghimo han ngatanan nga iba pa nga butang. Nahibaro hi Jesus tikang ha iya Amay ha sulod hin binilyon nga katuigan.

• Lucas 1:30-35

  Ginsugo ni Jehova hi Jesus nga kumanhi ha tuna.

“Pabay-i an kabataan nga kumadi ha akon.”​—Marcos 10:14

Ano nga mga kalidad ni Jesus an imo naruruyagan?

• Marcos 10:13-16

  Buotan hi Jesus, ngan nalilipay an mga tawo pakiistorya ha iya.

• Juan 4:9, 27

  Gintahod ni Jesus an kababayin-an ngan gintratar hira nga may dignidad.

• Juan 13:2-5, 12-17

  Mapainubsanon hi Jesus.

• Mateo 9:35, 36; Marcos 1:40-42

  Karuyag ni Jesus buligan an iba.

“Gintapos ko an buruhaton nga imo iginsugo ha akon.”​—Juan 17:4

Paonan-o an susbaranan ni Jesus nabulig ha aton nga magin matinumanon?

• Mateo 4:1-11

  Hi Jesus nagpabilin nga matinumanon han ginsulay hiya han Yawa.

• Marcos 3:21

  Hi Jesus nagbuhat han kaburut-on han Dios bisan kon gintamay hiya han iya mga paryente.

• 1 Pedro 2:21-23

  Hi Jesus waray gud magbuhat hin maraot ha iya mga kaaway.

• Filipos 2:8

  Hi Jesus nagpabilin nga matinumanon ha Dios tubtob ha kamatayon.

• Hebreo 10:12, 13; 1 Pedro 3:18

  Ginbanhaw ni Jehova hi Jesus ngadto ha langit.