‘An Anak han tawo kinanhi basi maghalad han iya kalag sugad nga lukat para ha damu nga tawo.’​—Mateo 20:28

Kay ano nga kinahanglan naton an lukat?

• Genesis 3:17-19

  Han ginsupak ni Adan an Dios, nawara niya an iya espesyal nga pakigsangkay kan Jehova, an iya perpekto nga kinabuhi, ngan an Paraiso nga iya gin-uukyan.

• Roma 5:12

  Tungod han ginbuhat ni Adan, nakapanunod kita han sala ngan kamatayon.

• Efeso 1:7

  An lukat amo an paagi ni Jehova ha pagtalwas ha mga tawo tikang ha sala ngan kamatayon.

“Ginpakanhi han Dios ha kalibotan an iya bugtong nga Anak basi makarawat naton an kinabuhi pinaagi ha iya.”​—1 Juan 4:9

Paonan-o igintagana ni Jehova an lukat?

• Salmos 49:7, 8

  Waray bisan hin-o ha aton an mahimo makalukat han perpekto nga kinabuhi nga nawara ni Adan.

• Lucas 1:35

  Ginpakanhi ni Jehova ha tuna an iya hinigugma nga Anak basi ig-anak sugad nga perpekto nga tawo.

• Roma 3:23, 24; Hebreo 9:24

  Katapos banhawon hi Jesus, binalik hiya ha langit, ngan iginhatag niya kan Jehova an bili han iya perpekto nga kinabuhi sugad nga lukat.

“Papahiron niya an mga luha ha ira mga mata, ngan mawawara na an kamatayon.”​—Pahayag 21:4

Paonan-o kita makakapahimulos han lukat?

• 1 Juan 1:8, 9

  Mapapasaylo an aton mga sala.

• Hebreo 9:13, 14

  Magkakaada kita limpyo nga konsensya ha atubangan han Dios.

• Roma 6:23

  May paglaom kita nga mabuhi ha waray kataposan.

• Galacia 2:20

  An regalo nga lukat nagpapamatuod nga hinigugma gud kita ni Jehova ngan ni Jesus.

“Iginhatag [han Dios] an iya bugtong nga Anak basi an tagsa nga nagpapakita hin pagtoo ha iya . . . magkaada kinabuhi nga waray kataposan.”​—Juan 3:16

Paonan-o naton maipapakita an aton pagpasalamat ha regalo han Dios nga lukat?

• Juan 17:3

  Kilalaha hi Jehova ngan hi Jesus, ngan subara hira.

• Lucas 22:19

  Tambong ha Memoryal han kamatayon han Kristo kada tuig.

• Juan 3:36; Santiago 2:26

  Diri igo an basta pagsiring la nga natoo kita kan Jesus. Kinahanglan buhaton naton an iya igintutdo.